بيتي ابكاني دم فراقه//قديم

لا اله الا الله
ياختي اصبري واتوكلي على الله
وانصحك بشئ مجرب صلاة الوتر لا تتركينها قبل ماتنامين صليها والله تحسين براحة والاستغفار قلت لك قبل الاستغفار بس شكلك ماجربتيه
واما اهلك يااختي ارجو انك تتحمليني شوي
احسني معاملتك معاهم فهم جنتك او نارك امك وابوك لاتزعلينهم وتحملي اي شئ منهم لان الله اوصى بهم ماهو انا ولا انت
الله اوصى بهم فلابد لانا من الطاعه وارضيهم يرضيك ربي صدقيني مايصيبنا شئ الا من ذنوبنا يمكن زعلتيهم يوم من الايام وهذا ذنبك فيهم
الرجال بداله رجال والبيت بداله بيت الا الام والاب مابدالهم احد
حتى لو عاملوك معامله قاسيه فراح تضلين بنتهم
وقلت لك قبل بعض الاهل تربو على القسوة والخشونه فيصير الاسلوب نفس ماتربو عليه
ياحبيبتي انت تقولين فقد زوجي وامه لدرجه هذي هامينك وندمانه انك عند اهلك اللي انت اهم عندهم من روحهم لا تقولين مايحبوني بالعكس بس يمكن ما يعرفون يوصلونك الحب
واعرفي ان الي استغنى عنك لو يحبك اهو ولا امه ما طلقك
اصحي لنفسك تر الهم يكبر صاحبه
وتر دعوة الوالدين مستجابه

اسال الله العظيم رب العرش العظيم ان يفرج همك ويجبر جرح قلبك وياختي اصبري واكثري من الصلاه والاستغفار والدعاء في جوف الليل وكثري من قول انا لله وانا اليه راجعون واللهم اجرني في مصيبتي واخلف عليها خيرامنها

اسال الله العظيم رب العرش الكريم ان يفرج همك
ويسخر لك اهلك
ويرزقك الزوج الصالح الي يعوضك عن كل الي راح

الله يصبرك ويعوضك خير منه