مافي عنواااان بس الموضوع لطرح الأرااء يامليون هلا بكـــم تفضللو عطوني ارائكم

انا ما احب الناس اللي تجي وبزارينها معها

صراحه البزران لهم طلعات غير الروحات هذي

يعني طلعاتي للزيارات الرسميه وحتى سعة الصدر مع الصاحبات ما تصلح ببزران

الصغار وديهم ملاهي او مطعم يكفي.

والله ياقلبي انا مااحب اخذ عيالي باي مشوار زياره
ومااحب احد يجيب عياله اذا جاني بالبيت عشان اخذ راحتي وانبسط معهم
والكلمه اللي تستحي منها بدها

من جد شي يقهر
بالاول كنت اسكت واضحك وانا قلبي يغلي مو عن شي
بس اول شي النعمه حرام يدوسونها بالارض الخير واجد ولله الحمد لو يبون يالكلون ولله بالف عافيه
بس يسكرونه ويرمونه بالارض ماله داعي

وبعدين الكارثه الاكبر من بينضف
غيري انا عشان اعزم ساعتين انضم يوم كامل ولله حراااام

اول زواجي صار موقف كنت عازمه اهل زوجي وانا لسا عروس
وعيالهم ماشاءلله تبارك الرحمن ماخلو زاويه في البيت الى حاسوها

وانا كنت تعبانه بتنشيف البيت وطبخ العشا تعرفون اول زياره ابي كل شي على التمام << حب التباهي قدام اهل الزوج
وهم مساكين حاولو يهدون عيالهم بس مافي فايده

يوم خلصت الجلسه قالت ام زوجي يلا بنات كل وحده تشمر على كمومها
وقدامي علي انا شمري معانا

وقالت فلانه وفلانه نضفوا الصحون و المطبخ انا وحده من اخوات زوجي

وقالت حق البنات الثانيات الي تكنس والي تمسح
وهس خذت المكنسه تبي تكنس المجلس بس حلفت عليها ولله اني بزعل ولا عاد اعزمهم لو نضفت شي واحد

الله يجزاها الجنه ام زوجي حسبه ام ولله ماطلعت من البيت الى بيتي نضيف كانا محد جاني
حتى زوجي يوم رجع تفاجئ كيف كل شي تنضف قلت بركات امك ربي يطول بعمرها

وموقف ثاني لصديقاتي عيالهم شقاوه
اول مرا سكت وجاملت جت مرا ثانيه وقتها عندي شغاله
قلت يلا خلي العيال يلعبون بالحوش اوسع صدر لهم وخليت الشغاله تطلع معاهم
مع عصاير وحلويات

صار هدوء وسولفنا على راحتنا بس للامانه صاحباتي ذول صاحبات عمر مثل خوات و امون عليهم

لو ناس ثانين بجامل واسكت