مووووووووووب عارفه من انا

السلام عليكم ورحمته وبركاته

صباحكم-- مسائكم سعاده وهناء وراحة بال

حبيباتي خواتي مالي بالمقدمات بقولكم سالفتي
انا بنت هاااااااااديه وجدا مسالمه بس بحدود انا الوسطى بين البنات اثنين من خواتي اكبر مني متزوجات واثنين اصغر مني بس قريبات من عمري
سالفتي مع امي واخواتي يعاملوني كاني غريبه مو بنتهم وعمري ماغلطت عليهم حتى امي تقعد تهاوشني بسبب وبدونه وعمري ماقلت لها ليه
اروح انا اراضيها وكان انا اللي غلطت..
خواتي حتى المتزوجات من يشوفوني يتاففون واذ كانو يتكلمو ودخلت يسكتون مدري شفيهم وامي ماتخليني اجلس مع اخواني الكبار تعطيني نظره اطلع سييييييييده من الغرفه.
وابوي حنوووووووون لابعد مدى معاي وامي من تشوف ابوي تقعد تمدحني ولا يابنتي وياحبيبتي ومن ذا الحكي ومن يروح ابوي بسم الله ماكانها اللي قبل شوي تضم وتمدح ومدري وشو
مره طلبت ابوي لاب توب قامت قيامة امي
هواش وصراخ علي وكاني مسويه جريمه تقول عشتو حتى انتي تبين نت
مع ان خواتي اللي اصغر مني كل واحده معاها وجوالات بعد وانا لا
جاب لي ابوي الاب توب ونظرات امي لي شوي وتكسره ع راسي
وخوالي وجدتي ام امي كلهم يكرهوووووووني وربي ليه مدري احيانا اشك اني مب بنتها والله

خالي الكبير اذ جيت اسلم عليه مايطالع فيني سلام بااااااارد وبس
وواحد من خوالي اذ سلمت عليه ولسه يدي بيده يقعد يضغط عليها بقوووه وربي احس عظامي بتطلع
وجدتي من تشوفني تقعد تسب وتعلق ع لبسي شعري اي شي وحتى وقت نومي ماسلم منها
احبهم واحترمهم وقلبي عليهم بسسسس ليه هالاسلوب معاي
ودي اسالهم انا بنتهم ولا لا وربي موب عارفه من انا
اعتزلت الناس مع اني كنت اموووووووت ب الاجتماعات والجلسات بسسس والله كرهتها كرهت كل الناس فقدت ثقتي بنفسي جاني قلق وارق من كثر ماافكر..........





خواتي غالياتي بنات عالم حواء اسفه طولت بس حبيت افضفض لكم
واسالكم بالله اي وحده تقرا موضوعي تدعي لي براحة البال

22 تعليق 1,654 مشاهدة

شاركي في النقاش

سجلي الدخول لإضافة تعليق.

التعليقات

22
  1. @anmar444

    حبيبتي اختي كانت نفس حالتك الكل مايطيقها حتى اذا تكلمت يقاطعونها وانا بعد كنت مااطيقها ماادري ليش ...المهم بعد فتره طلع عندها سحر واللحين الحمدالله احسن من قبل بس اتوقع باقي عندها حسد لان اذا طولت عندنا نتظايق منها



    فاانا انصحك ترقين ع نفسك امكن عندك عين او حسد او مس او اي شي ...واكثري من الاستغفار ..........

    وفيه شي ثاني انتي تقولين جدتك تمسخر بشكلك وبشعرك ....انصحك اهتمي بنفسك لان بعض الناس تفكيرهم سطحي اذا مااهتميتي وومهمله مايعطونك وجهه واذا مهتمه يحطونك براسهم هذي نصيحتي .............والله يحنن قلبهم عليك
  2. صاحبة الموضوع
    غلاتي انمار انا الوحيده من خواتي اهتم بلبسي وشكلي قدام الناس
    بس جدتي الله يهديها مايعجبها شي فيني تعلق وتتمسخر ع الطالعه والنازله

    وربي يسعد قلبك
  3. @smty_ykhrhm

    الله يفرج همك
    طيب قولي لابوك عن معاملتهم لك لان ابوك شكله حنون ويحبك كثير الله يخليه لك
    ماعندك الاابوك تقولي له السالفه
    وعليك بالدعاء

تابعي تجارب أخرى من هذا القسم.