ملاتيت الزعتر اكله فلسطينيه وهي مثل الميلفاي بس على عربي فلاحي لا تفوتك سهله بالصور

متابعة النقاش، صفحة 15

شاركي في النقاش

سجلي الدخول لإضافة تعليق.

التعليقات

130
  1. اليوم رح أحكيلكم عن أكلة قديمة ومش الكل بيعرفوها بس أكيد سامعين فيها
    والمصريين بيعملوها بس بطريقة تانية
    المقادير:
    ملوخية ناشفة(حوالي كوب ونص)
    فول مجروش منقوع ست ساعات(الكمية لاربع اشخاص ربع كيلو)
    راس ثوم مدقوق
    زيت زيتون(حوالي ربع كوب)
    ملح وكمون وفلفل اسود
    الطريقة
    يغمر الفول المجروش بالماء ويوضع على نار قوية الى ان يغلي وتخفف النار تحته بعد الغليان
    ونزيل الطبقة البيضة التي تظهر على الوجة ونتركه حتى يستوي جيدا وينهرس عند الضغط عليه بالاصبع بسهوله(لا ياخد وقت مش اكتر من نص ساعة)
    نبدأباضافة الملوخية الجافة بالتدريج مع التحريك المستمر مع اضافة ماء مغلي اذا احتاج الامر
    نريد القوام يكون متل يخني الملوخية مش شوربة ثم نضيف الملح والكمون والفلفل الاسود
    عندما يتحول لون الخليط للاخضر متل طبيخ الملوخية نتركه على نار هادية مع التحريك من وقت لاخر (مش اكتر من ربع ساعة)
    في هذه الاثناء نقلي الثوم بكمية سخية من زيت الزيتون ونضيفه للطبخة ونغليها غلوة فقط ونبعدها عن النار
    تؤكل باردة وحارة ودافئة مع الفجل والزيتون وعصرة ليمون عل وجه الطبق ومع خبز طازج يا عيني!
    انا لما بعمل هالطبخة بخبز خبز كماج طازج وزوجي بيصير بده يغوص بالصحن
    جربوها ما بتتفوت وديرو بالكم مقادير الملوخية تقريبية!
  2. @mh_1

    نوجا اكلتك شكلها زاكية والله والفول بأشكاله حلو .

    ليش حيرتك يا نوجا مرة بقول اردنية ومرة فلسطينية انا فلسطينية الأصل بس ساكنة الأردن من يوم يومي ولما حدا بيسال بنرد أردنية من أصل فلسطيني .

    التعليم في الأردن مش غالي كتير على حسب علمي انا دارسة في الأردن وكل اهلي وما بتطلع عن 1000 دينار بالسنة هيك كان على ايامي او لني بقارنها برسوم المدارس في دبي صرت اشوفها رخيصة ؟؟؟ يعني هون الواحد بيدفع قاعد مبالغ على المدارس صح؟؟ وتقريبا نفس الرسوم للجامعات في الأردن.

    أما منح الجامعات والله ما بعرف بالزبط لأنو ولادي بعدهم صغار ولكن شفت قرايبنا الأغلب درسوا اولادهم ببلاش تقريبا او حتى مش محرزة الرسوم بتكون بالنسبة لنفقات المعيشة .

    مش عارفة لخبطيني يا نوجة يمكن انت مش عايشة في الأردن كتير ؟؟؟ او انا يمكني من اربد غير عمان ؟؟؟
  3. @mh_1

    يعني الكلة هاي غدا والا فطور ؟؟؟

    صحيح ملوخية يعني غدا او عشا صح؟؟؟

    احنا العيلة بتتجمع عالعشا وبس لكن غلطت غلطة كبيرة وهي اني تخلصت من الهاي تشيرز تبعون ولادي مش عارفة شو اللي صابني قال بدي اعزل البيت واللي ما بنستخدموش بتخلص منه ورحت شلتهم وصرنا ناكل عالسفرة وطبعا عالية على اولادي ولازم الهاي تشيرز متل زمان بدون توسيخ ولا شي اما هلأ بهدلة .
  4. أنا بنات نسيت أقولكم اسم الاكلة عن جد اسفة
    اسمها بصارة وكمان المصريين بيسموها نفس الاسم مع اختلاف المقادير
    ومعلومة تانية في بعض الفلسطينيين بيعملوها بنفس الطريقة بس بدل الفول المجروش بيستعملوا عدس مجروش(البرتقالي) كمان بتطلع طيبة
    وقدموا معاها شرحات لمون حامض و بصل اخضر وفجل كتير صحية