شخباركم بنات .......عاد السموحه صاير دخلاتي قليله بسبب التعب
غلاوي :: كيف التعب معاك انتي شكلك بعدي بشهر الله يسهل عليك
فضوليه :: وش علوم علاوي ان شاالله تمام .
فجر :: الله يكون بعونك على الوحام وهي فتره وتعدي ..
ام كوني :: شخبارك مازلتي مع الدكتوره صبا ولاغيرتي ..عرفتي جنس البيبي ؟؟
بقولك حاجه ام كوني لما تسمعين قصتي قولي الحمد الله ........
انا اول ماتزوجت حملت بعد اربع شهور وطرت من الفرح ......وجبت بنوته قمر وكنت ارضعها فجاءه خذت 7 شهور قمت احس بدوخه قلت يمكن من الرضاعه واستمرت معاااي الدخوه وصارت معاه لوعه وكنا مسافرين قلت لزوجي جيبلي تحليل الحمل .. وجابه وحللت وطلعت
حامل ....فرحت قلت راح اربي اثنين مع بعض بس بنتي عورت قلبي لأنها ماتشرب صناعي ورضعتها شهرين زياده وبعدين خلااااااص فطمتهااا والحمد الله مرت فترت الحمل والحمد الله جبت اول حفيد لأهل زوجي وسماه زوجي على اسم ابوه علي
المهم هذا ولدي رضع مني 6 شهور وكنت اخذ حبوب ..منا منااك فجأ صار حمل منين كيف مادري وخلاص تأزمت نفسيا واستغفر الله دعيت يطلع حمل كاذب او اسقط بس ماكو امل ..تدرين قلت لزوجي جيبلي حبوب بنزله استغفر الله ربي وكل على هالاحاله زوجي يجي من الدوام ويشوف وجهي وارم من الصياح ويقولي هذا امرالله وانتي انسانه مؤمنه وامه تصبرني واخته وقالوله لازم تجيب شغاله لهااا
وضليت 3 شهور مارحت للدكتوره واخذت حمض الفوليك في نهاية الشهر الثالث ........بعدين ربي حط في قلبي الرحمه وابعد وساس الشيطان عني وكل مره اسال الدكتوره كيف صحته واحمد ربي على نعمة العافيه ربي كان حافظه في رحمي من كل سوء بالرغم من النفسيه الي مريت فيها ولأن بنتي وولدي لسا صغاااار بس بنتي علمتها على الحمام من تو صغيره يعني عمرها 2 سنتين بالضبط ماكنت متقبله فكرت 3 راح يلبسون حفاظ فتعلمت قبل مايجي اخوهاااا الاخير
ومرت شهور الحمل وجبت اخو لولدي ............وجبت شغاله وراحت وجبت غيرها والحين مااااااااااااااافي لان كبرو عيالي
الحين طبعا اعمارهم كان فرق سنه وشهر اذا طاحت عينك عليهم اول مره تفكرينهم تؤم مختلف اختلاف بسيط الله يخليعم لي ويخلي ابوهم وربيناهم مع بعض والحين ماشالله كبرو
طبعا هذا الأخير مدلل عندي مرررررره
طبعا البنت عمرهاااا 8 ىسنوات
والولاد واحد 7 والاخير 6 سنوات راح يكملهاا في رمضان ويخش 7
صدعت راااسك <<<<<<<<<<<<<
الملف الخـــــــــ 5 ــــامس ل((خبرتي+خبرتك بمستشفيات المنطقه الشرقيه))
متابعة النقاش، صفحة 240