أنوثة مميزة
هههههههه يا حليلك ضحكتيني
شوفي يا قلبي النفسية كلنا كذا
مرة زينه ومرة لا بس نحاول قد ما نقدر نوسع صدورنا عشان ما ننهبل
و الحل يا قلبي أشغلي نفسك بذكر الله أولاً
والدعاء بالإنشراح وتيسير الأمور
وخذي لك دورات تدريبية لو تقدرين بعضها بس يوم واحد
(شيكي على موضوع العلم والإبداع سهل وميسر في الغربة)
http://forum.hawaaworld.com/showthread.php?t=2826999
أو اطلعي أنت وولدك مو لازم زوجك يصير معك طول الوقت
خليه يحطك في المول مثلاً أو أي بارك فيه ناس وانبسطي مع ولدك
جهزي له كم لعبة وأكلات يحبها وخليه ياخذ راحته
مثلا مدينتك ما تعرفين عنها شيء
اكتبي اسمها في قوقل أو ابحثي عن معلومات عنها وعن المناطق اللي جنبها
حتى لو ما عندك لغة مثلاً
شيكي على المنتديات العربية
ملتقى الطلاب السعوديين في بريطانيا
العرب المسافرون
وراح تشوفينهم متكلمين عن أماكن كثييييرة
دونيها عندك وتمشوا فيها الحين فيه إجازة استغلوها لو كل كم يوم تطلعين شوي
ما تقدرين عالطلعة حطي حرتك في النت
لا تدخلين على التجمع فقط أو كم موضوع في المغتربات
اطلعي عن القسم شوي عشان ما تحسين بالغربة
افتحي كل الأقسام وبتلقين مواضيع تفيدك
الأفضل تكون عملية
عشان تشوفين الإنجاز قدامك تفرحين فيه
زي مثلاً قسم التجارب والحلول أحسه مرة ممتع
و قسم الديكور
دروس التصاميم
http://forum.hawaaworld.com/forumdisplay.php?s=&daysprune=7&f=133
قسم حلقات تحفيظ القرآن ما شاء الله عليهم والله الله يجعلنا من أهل القرآن والعاملين به
http://forum.hawaaworld.com/forumdisplay.php?s=&daysprune=&f=118
قسم الطبخ حلو بعد لكن عالفجر يصيح هههههه
http://forum.hawaaworld.com/forumdisplay.php?s=&daysprune=&f=31
قسم اللغة الإنجليزية فيه دروس حلوة
(لو كنتي ودك تطورين نفسك - ترا ما أدري معك لغة أو لا بس أتكلم بشكل عام يعني)
http://forum.hawaaworld.com/forumdisplay.php?s=&daysprune=7&f=119
من المواقع اللي تعجبني :
منتدى الإقلاع الأقسام الإجتماعية فيه مرة حلوة ومميزة جداااااً
الفيسبوك رائع ويخليك تتواصلين مع العالم وتنبسطين
صدقيني الحل بيدك بعد توفيق الله طبعاً
الغربة خسران اللي يرجع منها وهي ما أضافت له
لأنها ملياااانه فرص
ما راح أقول لك دراسة وغيره لأنها ما تحصل لأي أحد
بس فرص تطوير الشخصية والترفيه مرررة كثيرة والله
الحين فقط صعبة عليك لأن توك في البداية وكل شيء جديد ومختلف
بس حاولي قد ما تقدرين كل يوم استغليه بشيء جديد
قبل لا تنامين اقري الأذكار وهذا الذكر:
أن فاطمة عليها السلام شكت ما تلقى في يدها من الرحى ، فأتت النبي صلى الله عليه وسلم تسأله خادما فلم تجده ، فذكرت ذلك لعائشة ، فلما جاء أخبرته ، قال : فجاءنا وقد أخذنا مضاجعنا ، فذهبت أقوم ، فقال : ( مكانك ) . فجلس بيننا حتى وجدت برد قدميه على صدري ، فقال : ( ألا أدلكما على ما هو خير لكما من خادم ؟ إذا أويتما إلى فراشكما ، أو أخذتما مضاجعكما ، فكبرا ثلاثا وثلاثين ، وسبحا ثلاثا وثلاثين ، واحمدا ثلاثا وثلاثين ، فهذا خير لكما من خادم ) . وعن شعبة عن خالد عن ابن سيرين قال : التسبيح أربع وثلاثون .
الراوي: علي بن أبي طالب المحدث: البخاري - المصدر: صحيح البخاري - الصفحة أو الرقم: 6318
خلاصة حكم المحدث: [صحيح]
وشوفي كيف بينشرح صدرك ويتغير يومك
وبتنجزين أشياءك بسهولة سبحان الله
الله يقوينا وياك ويديم علينا نعمه الكثيرة يا رب ويرزقنا شكرها ويزيدنا من كل خير :26:
♥OoO♥ تجمع بنات UK بريطانيا ♥OoO♥
متابعة النقاش، صفحة 58