وربي مهمومه (الكل يدخل يدعي لي )

وربي اني بهم


ماانام الليل منه


تعالوا اقروا وشوفوا


انا ام لطفلين وحامل بالثالث عيالي جوووو وراء بعض

مو تخطيط مني كذا كل واحد وظرفه
الي تركت المانع

والي اعتمدت علئ العد لان زوجي مسافر بس ربي كاتبه
لاتبويض ولاغيره


الحين هالحمل متعبني وحم ونفسيه زفت

المشكله اني ماعندي احد يساعد معتمده علئ نفسي في تربيه عيالي

تعبت منهم حركيين ولازم وراهم علئ طووول
وزوجي مايصلح شئ بس طلبات واوامر

عجزت فيه ويتضايق ودائم يصارخ ويقول صجه البيت ماينطاق ويضرب ويعصب

ويصوت علئ التلفزيون اعلئ شئ والايفون بيده اعلئ صوت والاب توب شغال وتعالي شوفي

المشكله لو مااجلس معه محاضره طويله عريضه لازم اجلس اقابله
ان انسدحت ضاق وقال عجزت وان جلست راسي صار كبر البيت 20 مره من هالاصوات زياده علئ عياله

وياليته علئ كذا يعني بيتي شقه وصغير وقادره احكم حركه عيالي بالبيت

لاكن زوجي يحب اهله والبر والكشتات ناسي انه متزوج وعنده عيال


وانا اهلي واهله بالشرقيه وانا بالرياض

وكل اسبوعين او 3 نروح

ازعل اتضايق ارفض ماعنده والا بيقلب علي الخميس والجمعه اذا مارحت

الشغالات مااحبهم ولا اهلي ماعندهم وبيتي صغير واخاف علئ عيالي منهم

احس كاني عجوز من الهم

لازوج يساعد ولا اهل يساعدووون ولاعيال مثل الناس هاديين
الشغاله مو قادره اجيب

من صغر البيت
الحين 2 اذا جاء الثالث وشلون بتاقلم مع الوضع
عجزت احل مشكلتي

احيانا افكر ارمي عياله عليه وانحاش لاهلي
بس اقول وش ذنبهم
احيانا اقول اصبري بس تعبت
لااتهنا لاباجازه لاعيد لارمضان لاسوق لامطاعم مثل الناس لاكلمه حلوه حتئ شكرا علئ الطبخ مافيه

يشيل عياله يوديهم عني يقول ارتاحي شوي منهم ابدا

ماعنده اسلوب والله مايرحم قلبه حجر حتئ القهوه اتوحم عليها ماابي ريحته كل يوم لازم اصلحها له لو مااصلحه تعالي شوفي النفسيه هو من غير شئ شايش

الله يرزقه الزله
اهم شئ بيته نظيف تلفزيونه شغال وزائد عليه اخر شئ حتئ وانا ناكل عيونه فيه
الايفون والبلاك بيري بيده ملابسه نظيفه
شيشته جاهزه
ترامس القهوه والشاي عنده
الاكل يجي بوقته حتئ من برئ ممنوع

تعبت وربي من هالحياه الا متئ كذا
ولدي توه صغير يعني متئ بيكبر واجلس ببيتي واخليه يروح ويجي انا مالي شغل فيه يروح للبر والكشتات

متئ ارتاح

تكفووون الي تقرا موضوعي تدعي لي


تكره زوجي بالبر والروحه والسفر تجعله مايشوف بهالدنيا الابيته وعياله

تحنن قلبه علي ويرحمني ويساعد معي


ترزقني بشغاله حتئ لو بالشهر والاتنازل حليوه وتحب عيالي وتشيل عني شوي


(الي عندها تفك ضيقتي وهمي وترسل لي الرقم بس الله الله بالسعر عشان يرضئ هالرجال اجيبها بالشهر او تنازل

انا بالرياض ولكم دعوه بااخر الليل الي تساعدني بموضوع الشغاله )

40 تعليق 2,732 مشاهدة

شاركي في النقاش

سجلي الدخول لإضافة تعليق.

التعليقات

38
  1. @am_ysory_4

    الله يفرج همـك ويصلح زوووجك ومآيشوووف غيرررركم يـآرب . ويقلب كبدهـ عن الطلعـآت والكشتـآت .. ويعيشكم احلى عيشـه .. ويتمم حملك ع خير .. ويهدي عيـآلك .. استغفر الله واتوب اليه .
  2. @alshooook_gabk

    الله يكون بعونك يا رب
    اجلسي معه وكلميه قولي له تسوي للعيال اعاده تربيه حطي كرسي في الصاله بعيد عنك واكتبي عليه كرسي المشاغبين وعاقبيهم عشر دقايق حرمان لاصوت ولا لعب ولا حركه واذا سوي شي زيدي الوقت مثلا اشتري عندك بسكوت شبس عصير وحطيها بغرفتك ولا يعرفون مكانها اذا كانوا هادين عطيهم اذا واحد سوا مشاغبه لا تعطينه وعطي اخوه لا ترحمينهم فتره وراح يهدون ويصيرون نظامين وهادين حطي فلين غلفيه بتجليده شفاف واكتبي اساميهم وحطي لهم اليوم جيد ولا لا وحطي لهم نجمات والي مشاغب حطي اكس وفيه بروشات عند ابو ريالين ممتاز متفوق جيدجدا الي ممتاز حيل حطي له كل البروشات والي لا لا تحطين له وبكذا راح يكون فيه منافسه واذا عندوا عليك بالحرمان خلي الممتاز يروح مع ابوه يجيب خبز اي شي واخوه جالس عندك حتي لو صدع راسك من صياحه اليوم الثاني راح يحس ويعرف اذا فيه مشاغبه مافيه كذ وكذ وكذ والله يا اختي انا جربتها ونجحت معي ولازم تادبين الثنين عشان اذا جاء الثالث ما يتعلم منهم والله يعينك ويفك كربتك

تابعي تجارب أخرى من هذا القسم.