شاركي في النقاش

سجلي الدخول لإضافة تعليق.

التعليقات

2,584
  1. @am_shhdalaaraky

    يارب سهلها على اختنا بان واجعلها ولادة يسيرة آمنة بإذن الله انك سميع مجيب
    يارب يا بان تكومين بالسلامة انت ومريومة وترجعيلنه تبشرينه بسلامتج



    بنات صار يومين الصفحه الاخيره مدا تطلع عندي ..
    ضجت كلش ..:( ..:D


    اشونكم بعد اتمنى ان تكونوا بخير ..اخبار اخو شمس يمكن مو هذا اللي شافته بالقناة ابوظبي ..ام عبد القادر تسلمين على هاي النكات الحلوة الله يسعدج والبنات كلهم
    الحمدلله احنا بخير رغم ما يحدث خاصة ببغداد الله يستر والوضع يزيد من سيء لأسوأ وماعندنا غير الدعاء
    اخبار ام زيد؟؟؟؟؟؟؟؟؟؟
  2. @am_abude

    هلو بنات شلونكم واخباركم انشاءالله بخير كاكم وحده وحده
    تسلمين ناديه عالبقلاوه هالنوب شراح يفضها اذا اني تعلمت اسوي بقلاوه
    صارلي 8اشهر اسوي بسنوني يم طبيب الاسنان هالنوب علمتيني البقلاوه
    واني ابد خطيه نفسي مو دنيه عالحلويات شلج بهالسالفه
    شعندج بعد وصفات مال حلويات فدوه لعينج اكتبيها اني اول وحده اسويها
    على كوله ابوا لجهال اربعه وعشرين ساعه بس تصيحين ماعندي وكت اسوي شي
    بس للحلويات عندج وكت وصدك من اريد اسوي حلويات الله دائما يسهلها والجهال ينامون
  3. @am_shhdalaaraky

    الجبورية
    السلام عليكم اي والله صدق يابنات بان طولت انشاء الله رب العالمين يسهل عليها ونسمع الاخبار الطيبه
    سندريلا بااللهجة البغداديه
    >>
    >>لبست البدله وراحت ركض على القصر وشافها الأميرهناك وحبها وركصو سويه
    وفجأة
    >>دكت الساعة ثنعش وركض صارت تهرول تهرول لحد موكعت شحاطتها على الدرج
    .......
    >>
    >>سندريلا راحت على البيت وتمنت لو انه الساعة ما دكت على الثنعش، بس
    شتسوي
    >>بحظها الاكشر مثل حظ هذا البلد.
    >>
    >>الأمير حط فردة الشحاطة على مخدة يمكن لونها زركة أو بنفسجية، المهم صار
    يصيح
    >>بصوت عالي على كل البنات علمود يقيسون الشحاطة،قاسوا كل البنات إلا
    سندريلا
    >>.....
    >>
    >>سندريلا نزلت على الساحة ووياها الفردة الثانية مال الشحاطة، وحطتها على
    >>المخدة الي عليها الفردة الخ، ولمن اقتربت دتقيس الشحاطة ضربها الامير
    راشدي،
    >>وكللها: هيييي وين جايا،
    >>
    >>كلتله: عما بعينك شكد سخيف,يعني مدتشوفني داقيس الشحاطة
    >>
    >>كللها: عابتلج ‘ وحدة مثلج شلون تريد تكون مثل ذيج الكمر،
    >>
    >>كلتله: هسا اشوفك واحطها بعينك هاي الشحاطة
    >>
    >>ولمن جتي دتقيسها، مطلعت على كدها، لأنه جانت مورمة من الشغل الهوايه،
    وخطيه
    >>محد صدكها، واتخبلت البنية وظلت تفتر بالشوارع وتبجي وتصيح ، والأمير
    اتزوج
    >>غيرها وكال: لشوكت حظل ادور عليها انشاء الله درب الصد ومارد الله يطيح
    حظها
    >>هي الخسرانه.
    >>
    >>وعاشو عيشه سعيده
    >>هذه وصلتني من مرت اخوي وحبيت احطها هنا شوية لتغيير الجو والوناسة

تابعي تجارب أخرى من هذا القسم.