السلام عليكم ورحمة الله وبركاته
اللهم صلى وسلم وبارك على سيدنا محمد
انا مشاركه من زمان ومتابعتكم بس ماشارك بس دحين عندي مشكله ومو قادره أرتاح
أنا بحرينيه أصيله (( الله يحفظ البحرين وقيادتها الحكيمه وتتم طول عمرها خليفيه قولوا أمين))
متزوجه سعودي من عيال بو متعب ((الله يخليه ذخر لنا))
دحين هوا من ظمن أسود درع الجزيره راح يعلن الجهاد ضد الخونه ((الله يحفظهم و ينصرهم))
عيه ياخذني معاه حتى أجلس بين هلي وأساندهم في محنتهم
وميمتي عيت وقالت لا تجين ولا انا مو امك هنا خطر عليك وعلى عيالك
في جرحه وناس تموت
حتى شرطي دهسوه
شوروا على شاسوي ديرتي في خطر ومهدده من إيران وانا بعيده عنها
وزوجي الله يحميه هناك احاتيه طول اليوم بس ابكي دحين شيسوي ماكل شارب
والخونه يمكن يغتالونه وكيف يعيش بدون حرمه ويمكن تطول المده
مادري اعصي امي وزوجي واروح البحرين
خصوصاً انو خالي يشتغل في السعوديه
ونازل هذا الاسبوع البحرين
يقول لي انزلي معاي
اذا ماوقفتي مع البحرين في محنتها متى توقفين
مو قادره ارتاح قلبي على ديرتي وعلى زوجي
واول مره يسافر بدوني تعرفون الرجال ينخاف يسافر لحاله
وقلبي يألمني
وانا بعيده عنه
مره النفسيه تعبانه
فساعدوني واخذوا اجر فيني
مو قادره انام وقلبي قابضني
شاركي في النقاش
سجلي الدخول لإضافة تعليق.
التعليقات
66- اسمعي كلامه وكلام امك هم اللي في قلب الحدث وهم ادرى بالاوضاع هناك
وماعليك ايران ماراح تسوي في البحرين شي زي اللي قال
زعم الفرزدق ان سيقتل مربعاً
ابشر بطول سلامة يامربعا - حبيبتي انت مو فاهمه نفسك عشان نفهمك
انتي خايفه على زوجك انه راح يسافر بدونك وعلى قولتك الرجال منهم خوف
ولا ودك توقفين مع بلدك وتكونين بوسط اهلك!!
انتي استودعي زوجك وان شاء الله مايضره شي ابد ويحفظه ربي ويحفظ جوارحه من كل شي
واسمعي كلام امك واجلسي ببيتك وان شاء الله البحرين ترجع حره ابيه
ويرجع زوجك وترجع حياتك مثل اول واحسن
بلدك يبي منك الدعاااااء والباقي عليهم لا تحرمينهم من ذلك - لا لاتروحين يالغلا
اسمعي كلام امك هي ادرى بالاوضاع
والله اخوي هناك ويقول انهم مبسوطين - والله ياقلبي اذا الوضع في البحرين فيه خطوره عليك لاتروحين واجلسي انتي وعيالك ببيتك ..فقط كل اللي عليك كثفي الدعاء على الخونه وادعي ربك ان يزوجك يرجع سالم ....والله يفرح قلبك برجعته سالم وقلب كل زوجه
- طيعي زوجك وامك
والله يفرح عينك فيهم
خطر عليك وعلى عيالك
واكثري من الاستغفار
اثمه اذا خرجتي من بيتك وزوجك غير راضي
انتي ماراح تغيري شي بحضورك يمكن بدعائك ونتي طايعه لامك وزوجك ربي ينصرهم مايدريك
الله يقر عينكم بالبحرين واهلها ويرد زوجك لك سالم غانم ويفرحك بشوفة اهلك كلهم بخير
مواضيع مشابهة
تابعي تجارب أخرى من هذا القسم.