السلام عليكم ورحمة الله :)
صباح الخير على الجميع ..
قبل لا اروح المدرسه حبيت اعلمكم وش صار علي مع خطيبي ..
http://forum.hawaaworld.com/showthread.php?t=3020722
هذا رابط موضوعي الاول للي مايعرفونه وحبيت اعلمكم بالمستجدات اللي صارت ..
واجهته بالماسن وتهاوشنا بقوووووووه يقول ليش تتهميني اني اتجسس عليك واعطيته الادله وحلف ودعا انه مايتجسس ولا يعرف باسووردي وانه يكتب بقوقل لمووو بنت أبوها ويشوف مشاركاتي يتسلى بها :09:
ويحلف انه ماوثق بالدنيا هذي كلها الا ب3 اشخاص انا وامه ووحده من خواته ويحلف انه واثق بي اكثر من نفسه :44:
المهم ..
انا قلت خلاص مابيك وبننفصل وكل واحد بطريق واتفقنا على هالشي وقلت خلاص كل شي عندك لي او يخصني احذفه وكل واحد ربي يرزقه ويشوف حياته ثم قلت باي وطلعت وانا عازمه بقوه على هالقرار وقلبي يتقطع :icon33:
رجعت للماسن كنت ابي احذفه ولقيته كاتب لي كلام ويوم شافني قال انا تعبان واطرافي كلها بردت وقلبي مايدق الا بشويش قلت ليش قال خايف من الفراق قلت اوك نتصالح بشروطي قال وشهي شروطك ..
قلت اول شي ماتتدخل بخصوصاتي ولاتسالني عن اي شي ماله دخل بعلاقتنا وين رحتي ليش رحتي من كلمتي ومتى دخلتي النت ومتى نمتي و و و :mad:
قال لا موب موافق
قلت خلاص كل واحد بطريق قال لا ليش تعطيني الامل قلت اقبل شرطي والا كل واحد بطريق :44:
قال بعد محاولات موافق ..
واشترطت عليه انه مايزعل بدون سبب للزعل ويعلمني وش يزعله موب يزعل عشان مادخلت ماسن والا عشان مادقيت جوال والا ما ارسلت رساله له بدري ..
واشترطت عليه انه يراعي فارق السن ويعاملني على اني ام 18 وهو ابو 29 موب يحط راسي براسه ووافق :icon28:
وبالنسبه للمهر اخذه كامل ولا ياخذ منه ريال واحد ووافق :)
وشرطت عليه بعد انه مايهاوشني ولا يقول اي كلمه تجرحني ويدلعني بقووووه ووافق :39:
وابشركم تصالحنا بس انا للحين شوي متأزمه من بعد المشكله مع انه هو يراضيني ويقولي احبك ولا اقدر استغني عنك ولا ابي هالحياه اذا اتي موب فيها ,,
اخر شي انه امس قالي بكلمك وعييت وحاول وحاول قلت لا مالي زاج نفسيتي ماتسمح وشكله تضايق ورجع قالي انه يحبني ويعشقني ولا بي شي من الدنيا غيري وانا قسم احبه بقوه بس ماني قادره اكلمه هاليومين متضايقه ماقدر اسولف مباشره معه ,,
شلون ارجع زي قبل بعد هالمشكله ؟
يالله طالعه للسكول واذا جيت ابي اشوف ردودكم ..
سي يو :)
تعالو واسوني شوفو خطيبي وش مسوي
متابعة النقاش، صفحة 36