زوجي واخوه العله والسوني

بسم الله الرحمن الرحيم
ياعالم حواء
انا زوجي مسكين كان محروم من العاب السوني والكمبيوتر بس تزوجته احسه ماصدق على الله شرى سوني وشرى كمبيوتر ماقلنا شي جاء اخوه ازعجه اشتر سوني 3 الي فيه اون لاين عشان يلعبون سيوى والمشكله اعمارهم كبيرة 33 و34 وينسون عايلاتهم وانا اتوحم وعندي بنت عمرها سنتين ومو فاكرنا اذا واجهته انا لنا حق عليك اجلس طول اليوم لحالي ماحد يسولف معي وانا ماروح عند جيران بحكم ان بنتي موذيه نوع ما وربي اني احينا اجلس اوسوس بحاله واحيانا ودي ادعي على اخوه لانه هو الي كان مزعجه بهالشي وتعرفون اشرطه السوني على 200 والله انا اولى فيها وانا بعيده عن اهلي بمنطقه ثانيه بس في وجبة الغداء اشوفه والعشاء احيانا اكل لحالي واعشي بنتي وانام قبله لانه يطول لحد الفجر وهو يلعب خبروني واسوني
والمشكله اذا فهمته بالوضع اني طفشانه يقولي احمدي ربك انا موجود بالبيت وربي لو اجلس اصرخ مادرى عنا لانه يرفع الصوت لاخر شي واحيانا يقفل الباب عشان بنته ماتجي عنده تزعجه
طيب انا وبنتي لمين نروح ؟؟؟؟؟؟؟

39 تعليق 6,707 مشاهدة

شاركي في النقاش

سجلي الدخول لإضافة تعليق.

التعليقات

37
  1. @ma_ly_ghyrk

    حاولي تجلسين معاه و امسكي بنتك عنه لا تخلينه يتعود على بعدك ويصير وجودك و عدمه واحد ‏
    وقولي الحمدلله انه على لعبة ولا هو على مقاطع و مكالمات وبنات
    لو انا منك العب معه او اتلقف خخخخ



    لا اله الا الله
  2. @ghrybh_bs_tybh

    اسمعى منى ولاتكثرى معه قرقرة تطفشيه خليه يلعب وانتى تحملى واسكتى بعدين بيمل وانتى بتشوفى بنفسك


    صدق كلامى ترانى مجربه نفس الحكايه وبعدين مل زوجى وماعاد يحب الكمبيوتر الا فى الشغل بس



    بس زى ماقلت لك خذيه بالسكوت لحسن يعند ويزيد بتطول المدة


    واحمدى الله معك بنوته عسوله ربى يحفظها لك واذكرى ربك مانتى لوحدك مادام الله معك بس ابعدى عن وسوسه ابليس

    ولاتنكدى على نفسك


    وبعد ماتنومى بنوتك روحى العبى معه علشان تشاركيه
  3. @hola_mhtrmh

    صاحبة الموضوع
    مشكورات حبيباتي وربي بسوي الي تقولونه انا ودي العب بس احيانا مايعطينا وجه لكن بنصبر والله يعين لو تدرون انا يوم جتني علامات الولاده جلست اناديه وماحد سمعني من صوت التلفزيون رحت لعنده وانا شبه جالسه لان المويه نزلت بقوة الله لايعيده
  4. @asmaao_nsyhty

    حااسه فيك نفسيتك زفت مع الوحااام مالك الا الصبر وسعي صدرك الحمدلله داامه بالبيت ااهووون من برى البيت واادعي ربك ان الله يحنن قلبه علييييييييييييييك

تابعي تجارب أخرى من هذا القسم.