كييييييف أعرف هل ربي راضي علي أو لا لأن اللي يصير لي يقهر

نصيحتي لج اقريي سورة البقرة يوميا واذكار الصباح والمساء والي تقدرين عليه من القران احتمال كبير اول بادي يكون صعب اغصبي عمرج ولا تنسين والدعاء وادخلي قسم ملاذ الروح والله يفرج همج وهمي وهموم جميع المؤمنين

السلام عليكم ورحمة الله وبركاته .. وهلا وغلا واسمحي لي بها الرد

اولا التعليق على مشكلتك :


1- لو ماكتبتي وصف لشكلك لأن هذا مايغير شي من طبيعة المشكله ولااحلولها .

2- امه تقدرين تدهنين سيرها بهدايا وخاتم ذهب على كم جلابيه وعطور ..

3- تحسين بالطفش والملل لان الله تعالى يقول (ومن أعرض عن ذكري فإن له معيشة ضنكا )

4- تسألين ربي راضي عنك اولا .. احد السلف يقول (إن أردت ان تعرف عند الله مقامك فانظر فيم اقامك)

انتي تقضين الوقت على خير وفائده ولاعلى هدر او محرم

5- مليتي من صلاتك وثقلت عليك لان قلبك معلق بالمخلوقين فتتمنين تجتمعين معهم وتتمنين يعزمونك

اما دخولك في الصلاة وتلاوة القران لانها جلسه مع الخالق ماتبينها وثقيله على قلبك

6- تعصبين على عيالك ؟؟ تبين تخسرينهم زي مانتي خسرتي وقتك ولذة الايمان وحلاوة القران ؟ انتبهي حبيبتي

7- تقولين ربي حبيبي .. لو تحبين الله كان احب اوقاتك اللي تقضينها بعبادته وتلاوتة كلامه القول يالغاليه لازم يطابق العمل


ثانيا ... الحلـــــــــــــــــــــــــــــــــــوال :

الحل الاول والاهم : 1- الرغبه بالخروج من هذا الحال والصدق والعزم

2- اشغال الوقت باللي يشغل القلب عن الخلق بالخالق .. ويعلقه باهل السماء مو باهل الارض

3- الصبر والمتابعه والاستمرار والجديه

وشلون ؟؟؟؟؟؟؟؟؟؟؟؟؟ خليني اقول لك انا كنت زيك بالضبط .. كنت ابكي من الوحده والطفش والملل وادور الناس

اما الحين هم يدوروني ولا ابيهم .. الحمد لله الذي اغنانا بفضله عمن سواه

اقول لك اذا انتي تبني الراحه والنجاه باذن الله بالدنيا والاخره :

1- على شان تتخلصين من التعلق بالبشر الى التعلق برب البشر سبحانه لازم تبدين بالتدريج

ابداي باشغال وقتك بقراءة كتب السلف والتابعين والصحابه والسير عامه مثل كتاب : صفوة الصفوه لابن الجوزي

كتاب الرحيق لمختوم .. كتاب رجال حوال الرسول لخالد محمد خالد

كتاب صحابيات حول الرسول للشيخ محمد المصري .. واهم شي تكون لشيخ موثوق لان بعض المؤلفين نيتهم غير طاهره

هذي الكتب راح يتعلق قلبك بابطالها وتحبين اعمالهم واحوالهم وتحاولين تقلدينهم بدون ماتحسين بنفسك

شوي شوي تبدين تتعلقين فيهم ولاتتعلقين بالناس اللي حوالك اللي منكبين على الدنيا ومظاهرها

المرحله الثانيه راح يبان عليك محاولة تحسين صلاتك وعبادتك لانك محاطه بالصالحين واحوالهم .. راح تتوسعين

دينيا وتتحسنين عباديا وتقرين كتب عن الصلاة وعن الدعاء مثل رياض الصالحين والف سنه باليوم والليله وكتاب حصن المسلم لسعيد بن وهف وتقبلين على كتب الحديث وكل هذا لا اراديا

والاهم انك تحافظين على قراءة صفحيتن واقد ماتقدرين من القران مع التفسير زي تفسير السعدي وكل يوم زيدي الكميه بالتدريج تقبله نفسك وتحبه

هذي المرحله مرحلة لذة الايمان وحلاوة القران والمناجاة بتتحسن حياتك وتروح عصبيتك (عن تجربه)وتفرحين بالفراغ لانه يربطك بربك لانك فيه بتقبلين على العباده اللي هي الذ مليارات المرات من الجلوس مع الناس

جربتي تنضمين لحلقة بمسجد .. او دروس علميه ؟؟ قمة المتعه

واخيرا كلما تحسين بفتور اقتصري على الواجبات وابتعدي عن المنكرات واقبلي على السير واشرطة القصص
لشيوخنا الاحبه وشي مهم كلما تطيحين ارجعي اوقفي .. كلما تنتكسين حاولي ولاتيأسين ..


هذي الحياه السعيده .. الاستغناء عن الناس والزهد بالدنيا ..

سؤال اخير :

عندك اولاد كم حفظتيهم من سوره وكم علمتيهم من حديث وكم طبقوا من سنه ؟؟ غيري حياتك وافرحي باوقات الفراغ لانها تتحول لحسنات برصيدك اما جلسات الناس بمنكراتهم وغيبتهم فهي سيئات برصيدك


الله يوفقك يارب