شاركي في النقاش

سجلي الدخول لإضافة تعليق.

التعليقات

99
  1. @bday_ghyr

    اهم وصية ان الوحدة تربي زوجها على احترام خصوصية حياتهم الزوجية وانه مايطلع اخباارهم لاحد.....
  2. @slaf_24

    بداية غير
    اهم وصية ان الوحدة تربي زوجها على احترام خصوصية حياتهم الزوجية وانه مايطلع اخباارهم لاحد.....
    أولا مبروك لكل عروسة
    ويارب ترزق كل بنوتة بزوج يسعدها
    أهم شيء والله أشوفه أهم شيء استمتعي في شهر العسل
    مو شرط تسافروا بره لا والله لكن تدلعي و اضحكي و اضحكي
    وتحتها 100 خط ...

    واجلسوا مع بعض جلسة في الأسابيع الأولى من حياتكم
    وحطوا حدود للأشياء اللي ممكن تتكلموا عنها برة عن حياتكم
    لازم تكونوا واضحين من البداية

    ومثل ما ذكروا الأخوات مشاكلك مع زوجك لا تقوليها لأهلك
    وإذا ما قدرتي اختاري انسان حكيم من اهلك يكتم سرك وينصحك

    وايضا مثل ماذكروا الأخوات أهل زوجك خليك معاهم على الحلوة
    والمرة ولا تتكلمي بشيء عن زوجك عندهم سواء حلو أو لا..

    ولا تدخلي فيهم على طول نصحية خليك شوي ثقيلة بس برضوا
    لا تبعدي عنهم مرة....

    ونصيحة لا تصاحبي وحدة من سلفاتك أقصد لا تخليها صديقة مقربة
    لك خليك معاها على السليم ولو لقيتيها تتكلم على أهل زوجك لا تجاريها
    حتى لو كان هذا الشيء موجود فيهم فعلاً،وقبل عشان ربك

    الزوج مايحب كثرة الشكوى والتشكي فنصيحة إذا حسيتي بضيقة
    من شغل البيت أو الأولاد تعبوك أو شايلة هم أي شيءوتبغي
    تفضفضي زي حالنا احنا بنات حواء أيام الدورة لا تروحي
    لزوجك كل مرة اتصلي على صديقتك وفضفضي طبعا بدون غيبة
    وبعدها بترتاحي ...

    مشكلة الرجال إنهم يحبوا الزوجة الفرفوشة اللي بس تضحك وتلعب
    ومشكلتنا احنا الزوجات والغالب دا حالنا النكد والجدية ....

    والأكل لازم تهتمي فيه والله حتى لو كان زوجك عمود مايحب الأكل
    لازم تهتمي فيه...


تابعي تجارب أخرى من هذا القسم.