كيفكم بنات
بدخل بالموضوع على طول دائما الزوجه الموظفه او المعلمه دائما مظلومه من زوجها في الصرف عليها وعلى اعيالها وبعض الموظفات ازواجهم ساحبين البساط من تحتهم يعني ماعليهم منهن البسن مالبسن اكلن ما اكلن بس ياويلها لوتطلع بدون اذنه او تسوي شي مايرضيه طيب انت ملغي حقوقها فكيف تبيها تعطيك وجه او حتى تحن عليك مع ان بعض الحريم مايقصرن قايمات بالعيال والبيت ومع ذلك الاخ مغير نافخ خشته على ايش ما ادري بنات مصيبه الى متى هذا الوضع لاتجي هالحين وحده وتقول بعد هي تطلع وتخلي بيته ست ساعات ماقلنا شي بس الخير اللي معها كله عنده
اخوات نبي حل حل يضمن لنا احقوقنا وش سويتن لعيالكن من ضمان للمستقبل على الاقل بكره لكبروا استغنيتي عنه وعن ماله الله لايزيده
سويتي شي دافعتي عن حقوقك هل طلعتي بنتيجه انا مليت من النقاش العقيم اللي ماوراه الارفعة الظغط خلونا نتناقش بامر يخص كل موظفه عندها زوج مايخاف الله فيها
معليش كلامي ملخبط وموعلى بعضه وش اسوي من قهري احيانا اقول ليش ما اطلب ورقتي واخذ اعيالي وهو اطلعه من حياتي هو مامنه فايده الا شي واحد بس جالس للواحد على الرايحه والجايه واول طلب تلقينه فص ملح وذاب
شاركي في النقاش
سجلي الدخول لإضافة تعليق.
التعليقات
66- اغلب المعلمات مثل كيس الشعير مذموم ماكول
الكل حسادهم وهم مقاريد
كلش عليها
لبسها
وملابس عيالها
والشغاله
والسواق
واذا جت تسافر المسكينه تقط
وحتى الضيوف بوجهها
والرجال شال يده
اذكر معلمه
تستلف من زميلتها
اخر الشهر
مع ان زوجها موظف كبير وراتبه كبير
ليه
لانه من زمان شال يده عنها وعن مصروفها
والحين الشباب اذا جاء يتزوج يبى موظفه
والكل شرهان وعاتب عليها
ابوها عاتب عليها
وامها شرهانه عليها
واخوها اشترى سياره يبى منها
واخوها الثانى بيتزوج يبى منها
وهى الله اعلم بحالها
مشفوطه
كثيرات تصرف ولا سوت لنفسها شي
حتى البيت الملك الى دفعت فيه ضعف زوجها
مكتوب باسم الحبيب
هى تصرف
وهو يجمع
واخر شي يروح يتزوج
ويشترط غير موظفه لانه ياحرام عانى من اهمال زوجته الموظفه طول السنين
- لافض فوك ياقشر قهوه
- هههههههه انا مو موظفه بس حبيت اشوف عواقب الوظيفه لاني على وجه تخرج ونفسي بالتعيين
بس شكلي خلاص بهووووون - من البدايه المفرووض الوحده ماترضى بالوضع مو تسكت وبعدها تدور حل
- اه جبتوها على الجرح الوظيفة قرف وتعب وهم لا ومحسودين على ويش احنا محرومات لاتمشيات الا كم تدفعي ولا كله على حسابك عيالك درسيهم لبسيهم قضيهم البيت الشغاله الايجار قطي عزيمه قطي تميم مولود قطي كل شي لا وبعد مايرتاح الواحد الاياخذ قرض على زوجته عشان سيارة ولاأرض ابي اعرف رواتبهم ليش يجموعوها واحنا اذا قلنا بنجمع زعلوا
تراي مقهوره متزوجه من عشر سنين وماعندي وظيفة وكنت مبسوطه وقانعه وكان زوجي قايم بمصروفنا على أكمل وجه ونقردة وتوظفة شوي شوي بدا زوجي يتغير ويقول فلوسك طايرة طايرة اصرفي على البيت وعلى العيال ورافض اطلع بطاقه شخصيه عشان ماخذ قرض من وراه معني قلتله باخذ قرضوبشتري ارض باسمي ومعيي يبغاني دايم مفلسه شالحكمه مدري
مواضيع مشابهة
تابعي تجارب أخرى من هذا القسم.