للفرفشه إشاعه سمعتيها وأنت صغيره وخفتي منها

مرحبا حبيباتي خلونا نسترجع أيام البراءه لما كنا نسمع من هالإشاعات ونصدقها وليتها توسع الصدر إلا تخوف وتقض مضاجعنا من الروعه :(وبالأخير نكتشف إنها فقش وخرطن فاضي:09:
بنات الرياض تذكرون إشاعة النمنم ...خخخ هذي كانت عن ناس عاديين مثلنا لكنهم ياكلون البزران والحريم الضعوف :30:وطلعت قصص كثيره عنهم وإنه فيه عجوز طقت عليها وحده منهم الضحى وماعندها أحد وفتحت لها وهجمت على المسكينه وأكلت صدرها ...هههه والله كنت أموت من الخوف إذا تذكرتها وكنا ذيك الأيام ندرس بالإبتدائي وقمة الرعب والخوف إذا بغينا نرجع من المدرسه مشي وكنا نتجمع مع بنات الجيران ونمشي جماعه لأنهم مايهاجمون الجماعات ماياكلون إلا اللي يمشي لحاله صدق كانت قمة البراءه والعقول صغيره بس الشرهه على الكبار اللي مصدقين ويخوفونا بهم حتى جدتي الله يرحمها كانت ساكنه لحالها وصدقت قصة العجوز وخايفه منهم مره .... لاتعليق
طولت عليكن بقصه خرافيه كلما تذكرناها أنا وخواتي نمووووت من الضحك والحين الدور عليكن كل وحده تضحكنا معها وتكتب لنا قصتها واللي ماعندها رد زين جعل يطلع لها نمنم يعرمشها ويريحنا منها...خخخخخخ

66 تعليق 5,298 مشاهدة

شاركي في النقاش

سجلي الدخول لإضافة تعليق.

التعليقات

65
  1. هههههههههههههههههههه

    وربي اول ماقريت العنوان على طول جت في بالي هالنمنم

    من جد صدقت يوم طلعت هالاشاعة
  2. @odaat_ahzany

    كانت في اشاعه منتشره في المدرسه ايام ما كنا في اولى ابتدائي
    انه في يد مقطوعه في الحمام اكرمكم الله تمسك البنات الصغار وكان مسببة لي رعب وماكنت اروح الحمام في المدرسه .
  3. @good_girl_4

    أنا كنت أخاف من السفاح مصاص الدماء كنت أسمع عنة في المدرسة وأجي لأمي خايفة تقول كذب مافي شيء زي كذا لا كني مصدقة لأن كل البنات يتكلمون فية ويقولون سمعنا عنة بالتلفزيون وإحنا ماكان عندنا وفجأة جت إجازة ورجعنا للدراسة وطفت أخباره

تابعي تجارب أخرى من هذا القسم.