جزء من ليلة مرعبة( للي ماشوفو ازواجهم الا ليلة الدخلة)

موضوع رووووووووووعة

بما اني عشت حياتي في الرياض من ايام تالت ابتدائي وسكنا سنتين جنب اهل زوجي يعني كانوا جيراننا بس رجعنا جده قبل زواجي بسنتين فهما اتصلوا تلفون وخطبوني وقالوا انو بيعرفني وكان بيشوفني لما كنت صغيرة وألعب في الشارع فأنا خفت لايكون هو المطوع الضخم لانو كان عندهم 3 اولاد واحد منهم بيخاصمني ويدخلني بيتنا غصب وما يخليني ألعب

المهم انا وافقت وجوا مرة وحدة ملكة وبعدها باسبوع الزواج وكنت خااايفة مرررة خاصة مع اني ما قدرت اطالع في وجهو لكن حسيت ان جسمو كبير وخفت يكون هو اللي بيخاصمني اهيء اهيء

المهم بعدها سافرنا مكه وجاء وجهو فوجهي وهنا كانت الطاااااااااااااااامة كان هو اللي بيخاصمني وقتها صرررررررررررررررررررررخت وبكيييييييييييييييييت وصرت زي البيبي الخايف من الحرامي وهو بس يسمي عليه ويهدي فيا ويحاول يطمني بس انا ماخدة فكرة من اول انو بيخوف فخلاص رسخت الفكرة

طبعا بعدها عرفت انو طيب وحنوون ولما قلت لة سبب خوفي قعد يضحك ويقول انو كان بيخاف عليا من اولاد الشارع هههههههه

تصدقوا يا اخواتي اني بعد عشرة سنوات لسه باخاف منو لما اطالع بوجهو بيجني شعور غريب