ساعدوني بالحلول الطيبة زواجي مهدد

السلام عليكم ورحمه الله وبركاته

كيفكن ياحلوات

انا صراحه متأمله من الله فقط انه يفرج لي همومي لكن مافي مانع من استشارتكن واخذ الفائده من خبراتكن

انا صار لي سنة كامله متزوجه وحامل بالشهر الثامن وكلها شهر زمان واجيب لزوجي احلى حمودي ان شاء الله

لكن زوجي مليان عيوووووووووووووووووب لليل ،، رغم اني اعشقه للجنووون لكني متحملته وربي لأني احبه ومتأمله يتصلح حاله

صراحه وادري انه بيصغر بنظركم لكني اكتشفت جديد انه يسكر !!!
هالشيء ضايقني كثير وخلاني افكر بالطلاق بشكل جدي !!! بس ولدي ونفسي ؟؟ وين اروح !!!
ويسهر مع اصحابه كل يوم من وقت مايصحى من النوم لحد ماتصير الساعه 7 ولا 8 الصبح يرجع وينام فورا

ومن يوم ماتزوجنا لين الحين ما اشتغل عاطل عن العمل وماياكل معي بسفره وحده الا فيما ندر

هو طيب جدا بالتعامل معي ( بمعنى انه يضحك لي ويمزح معي بكثره ومايرضى عليا ولا يرضى احد يتكلم عني بطريقه ماتعجبه )
بس ايش الفايده وهو لسه طايش وحالته ماتسر عدو ولا صديق
كان يصلي اول كم شهر من زواجنا وفجأه توقف عن الصلاه وانحرف مرررررره
وما استبعد انه يشوف بنات الحرام ويقابلهن لأنه اللي يسوي هذه يسوي هذه

واللي مصعبها عليا ومسهلها عليه ( اني ساكنه مع اهله - عماته اخوات ابوه وابوه واخوانه الصغار ) يسهر بره ع اساس انه هم بيجلسوا معي وتارك لهم المسؤوليه ولاهي مع الضياع اللي هو فيه

وعلاقتي بأهله جدا سيئة بسبب وحده من عماته اتهاوش معها بالعيد وحطوها براسي انا اني حرضته عليها !!!
اربعه وعشرين ساعه جالسه بغرفتي ابكي ومتضايقه من حالي معه وباقي شهر وما اعرف كيف راح اولد مافي فلوس وعندي فقر دم وممكن تكون ولادتي عسره وفيها قيصري و 10 الاف ريال وهو مابجيبه ريال وانا خايفه من هالشيء موت مو على نفسي وربي على ولدي

المهم هذا كله كنت صابره عليه بس عشانه يرجع مبتسم لي عكس اهله

الحين انقلب حاله

مره دخل الغرفه لقيني مبوزة وانا كنت متضايقه من شغلات كثيره وضعي وصحتي ووضعه هو وشكوكي فيه وضيقتي من طريقته بالحياه احسها زادت عليا

شافني متنكده كذا زعل وراح اشتكاني عند ابوه وبعدين خرج بره البيت ثلاثه ايام ما ادري عنه اتصل به مايرد ارسل مايرد وابوه يتصل عليه يرد يقول له عني ( لو سألت عني قول لها نايم )

مره وحده انقلب عليا بدل مايواسيني ع الوضع السيء اللي اعيشه معاه

ثلاثه ايام عشتها كانت كابوس فظيع ماقدرت اكل ولا لقمه وخفت حركه الجنين بسبب قله المويه بالرحم وهذا الشيء بسبب عدم تغذيتي
ويوم رجع البيت رجع بوجه ثاني تماما
وجه قاسي وملامح حاقده ومو راضي يطالع وجهي ويكلم الكل الا انا
سألته ليش زعلت مني قال لي انتي نكديه وانا ما احب النكد
قلت له والله متضايقه من شغله ثانيه مارد وبكيت قدامه ولا همه حضنته راح بعدني عنه بقسوه ومشي من البيت وغاب يوم ثاني بكااااااامله بره البيت
رحت لأبوه اسأله ايش السالفه
ابوه قال لي (انتي مكشره بوجهه ومنتي مريحته خليتيه يلجأ لأصحابه يوميا بسبب نكدك وضيقتك وانه ولده عمره ماكان كذا حتى الشغل كرهتيه فيه وماتلبسي له وماتتكشخي له وانتي ماتتكلمي مع عمته وفرقتي العيله وكلنا نحسك غريبه عننا منعزله مع نفسك )
رغم اني البس لزوجي واتعطر له واستقبله يوميا بعد سهراته مع اصحابه للصبح بوجه مبتسم ،، هو يوم واحد اللي ماقدرت اخبي ضيقتي لأنه الكيل طفح
يمكن باقي كلام ابوه لي يكون صحيح يابنات ؟؟؟ اذا برأيكم انا سبب خراب زوجي لهالدرجه قولولي على حل لأني مره ضايعه ،، ابغى اعدله واخليه يحبني ويحب بيته ويشتغل ويصير رجال زي باقي الرجال

انا انسانه مصليه كل فروضي من عمري 9 سنين لليوم قاريه القرآن استغفر يوميا اخاف الله بجل تصرفاتي ؟؟؟ كثيرين يشهدون لطيبتي ولا ارضى هالقطيعه بيني وبين اهله ولا ارضى اكون سبب انحراف زوجي لكن اهل زوجي وزوجي ما ادري ليه مستخفين فيني كذا ؟؟ يمكن لأني من يوم زواجي لليوم مازارني احد من اهلي ،، او يمكن لأن اخوي زوجني هذا الإنسان بدون مهر بس بالأوراق ،، تعبت يابنات

انا ظالمه طفلي بزعلي القوي هذا !! وربي ابكي لمن اتذكر اني احمل طفل بريء قاعد يدفع الثمن قبل يوصل للدنيا

وزوجي الحين يعاملني بإحتقار من كثر ما اعتذرت له وزيدوا على هذا تحريضات اهله لي وكأنهم مستنيين هذه الفرصه من زمان ليحفروا بيني وبينه بسبب حقدهم من المشكله اللي سواها مع عمته بسببي ( في نظرهم )

اذا فيه خبراء نفسيين فيكم دلوهم ع مشكلتي ،، ما ابغى اتطلق احب زوجي رغم كل شيء وما اتخيل يمر يوم بدون ما اشوفه

وانا مثل الجمل لو طاح كثرت سكاكينه والسكاكين كثرانه عليا منه ومن اهله

ساعدوووني

53 تعليق 7,125 مشاهدة

شاركي في النقاش

سجلي الدخول لإضافة تعليق.

التعليقات

53
  1. @lulu_2011

    الله يعينك اختي بجد قلبي انفطر على حالك وحاسة الصدق والالم بكلامك

    اختي بما انك انتي الغريبة وسطهم حاولي تيجي على نفسك وتكلمي عمته اللي انتي متهمه بانك زعلتيها

    يعني حاولي اتقربي منها واتوددي لها .. بدون تنازلات يعني لا تحطي من نفسك .. بيني لها انك ما ترضي بقطيع الأهل وانك ما تقدري تستغني عنهم لانهم اهلك الثانيين .. يعني بكلامك الحلو ممكن تكسبيهم ..

    بالنسبة لزوجك .. لا تعتذري له كتير .. هو بيروق وبيرجع بس انتي لا تكشري ولا تبوزي .. وحاولي دايما واسي نفسك بأبنك واهتمي بصحتك وما تشيلي هم .. اخرتها بتولدي وهم اللي بيتحملوا المسئولية والتكاليف ..

    الله يصلح الحال بينكم يارب
  2. @aatralhky2010

    شوفي

    ياتكوني ياما تكوني

    يعني اذا انتي حطيتي لنفسك قدر وقيمه بيكون لك قدر وقيمه واذا دلقتي نفسك وارخصتيها راح تكوني كذا

    ماكذب من قال ( عزّ نفسك تلقاها )

    طبيعة الرجل ماتحب المرأه المنقاده ولا الضعيفه .. حسسيه باستقلاليتك .. شوفي لك اي شغله بالبيت نظفي اشغلي نفسك

    لايحس انه مافي هالدنيا بالنسبه لك الا هو والقبر لالا ياقلبي

    خليه يحس انه ان جا اوكي ماجا الله يستر عليه ... بس لاترمين نفسك عليه .. وحطي ببالك قاعده وحده انه ( الحياه ليست رجل )

    اذا جا المره جايه عادي ولاكاانه موجود كملي اشغالك ان سلم ردي عااادي ماكاأنه صار شي وكملي اي شغله عندك صدقيني بيستغرب وراح يشوف نفسه شوي بس بعدها بيجيك على وجهه ويقول وش فيك؟
    قولي وش فيه .. صار شي .. وخلي اسلوبك التجاهل زوجك كابر راسه بسببك وانتي الوحيده اللي بيدك تجيبينه..

    واذا تحبينه دوسي على قلبك لين يتربى وبعدها لكل حادث حديث

    دعواتي لك وطمنينا
  3. @am_alkhyr123

    حبيبتي الله يهون علينا وعليك

    وربي يقومك بالسلامه

    وتشوفي حمودي وتقر عينك به

    انت اللحين مصلحتك انك تكوني على علاقه طيبه مع اهله

    كلمي عمك وقوليله انك ودك تتصالحي مع عمة زوجك وايش افضل طريقه
    وانصحك تصدقي النيه في الصلح
    واتنازلي شويه

    معليش هذا ذكاء وطيبه ماهو ضعف

    حبيبتي اللحين هذولاء اهللك

    احرصي انهم يحنون عليك
    وتعيشين بينهم مثل وحده من بناتهم

    مثلا قولي لعمة زوجك ابغاك تسمي المولود اللى بجيبه

    بصراحه زوجك حالته ماترضي الله ولا خلقه

    ولاتصدقي انك السبب مثل ماقال لبوه

    يعني انت اللى قلتي له مايقعد على شغل
    انت اللى قلتي له يسكر ولا مايصلي ولايسهر للصبح كل ليله

    اذا اهللك ماهم قد انهم يستقبلوك ويعزوكحاولي تكسبين اهل زوجك

    هم بمثابة امك وابوك وخواتك وعماتك واقاربنا مليانيين عيوب بس طبيعي نتحملهم
  4. @ansh_mnshn_obs

    رحت لأبوه اسأله ايش السالفه
    ابوه قال لي (انتي مكشره بوجهه ومنتي مريحته خليتيه يلجأ لأصحابه يوميا بسبب نكدك وضيقتك وانه ولده عمره ماكان كذا حتى الشغل كرهتيه فيه وماتلبسي له وماتتكشخي له وانتي ماتتكلمي مع عمته وفرقتي العيله وكلنا نحسك غريبه عننا منعزله مع نفسك )
    هذا كلام غير صحيح ابدااااااااا
    الخيرة فيما اختارها الله توكلي عليه اخاف تستعجلي ثمن تدعين علي

تابعي تجارب أخرى من هذا القسم.