الله يجزاكم خيييير
صراحه أعاني من مشكله يمكن يعاني منها كثييير غيري
بحكم إن هالمناطق مناطق احتكاك وتكثر فيها الحساسيه والالتهابات
ويمكن فيه كثير بنات يستحون يقولون لأحد مشاكلهم ..

مشكلتي ياطويلين العمر
أنا عمري 18 وعندي تحت الإبط الأيسر التهاااب وحساسيه شديده وذو رائحه كرييييييهه جداََ ومره ملتهب ويتقشر مع العرق
ودائم يدي هناك أتلمس حتى إني انحرج إذا أحد شافني
ويطبع من القشر على بلاييزي حقت المدرسه
وحتى أي بلوزه البسها أو شي تلصق وتتوسخ
علماََ بأني لا أضع عليه مزيل عرق !

والحين انتقلت هذه الحساسيه مدري الالتهاب مدري الوش إلى( المنطقه الحساسه )
ونفس الحاله وتصلق الملابس الداخليه هناك ووتوسخ وريييييييحه كريييهه الله لإيوريكم
وشكلها مره مره يخوف كأنو جلد مصلوخ
والحين دائم يحكني في المنطقتين اللي طالع فيها الالتهاب واستحي إذا أحد انتبه لي وإلا شي

ولاتقولون لي روحي المستشفى !
أنا بنت ومرررره استحي وما أقدر اطلع هالأشياء لو حتى دكتوره
لأن صراحه إحنا تربينا في بيئة ملتزمه
وأمي ماعودتنا على اللبس المفصخ عشان أقدر أعرض هالاشياء عند أحد <~ الله يعين اللي بيتزوجني ههههههههه

وفيني حيا حتى أمي وخواتي وصديقاتي مأخبرتهم مع إن الموضوع مررره مخوفني ومعذبني
من كذا شهر
طيب وش أسوي ؟
وش أحط عليه ؟
مررره خايفه أحط شيء ويلتهب زياده

في ناس تقول الزيت زيتون مفيد ! وش رأيكم استخدمه وإلا لأ ؟
الله يجزاكم خيررر ساعدوني واللي مر بتجربه مشابهه وش سوى ؟
وربي خااايفه مررره

وحدة فينا... مشاكل الشعر والبشرة!😅

حل مشاكل البشرة ⛱️

مشاكل البشرة

علاج الحب ومشاكل البشره بأستخدام الكيور اكني

علاج مشاكل البشره