شاركي في النقاش

سجلي الدخول لإضافة تعليق.

التعليقات

361

  1. @am_alsghyrh

    بنت المشايخي
    يااااالله ذكرتوني انااااا جلست اصرخ اقول الله يساااامحك يافلاااااااااااان اللي هو زوجي وكنت اقول اكيد بدخل هالغرفه مره ثانيه اللي هي غرفة الولاده الا اذا مت او زوجي مات او طلجني فجلست ادعي ياااارب يطلجني <<< من زود الغباء لاااا واول ما …
    انا ولدت بنتي في امريكا وكنت بكريه وكنت اجنن صاحباتي اذا رحت عندهم اقول افتحو الباب بولد ويقولولي والله لاتعرفي الم الولاده لحالك فكنت اعرف وحده اردنيه الله يسامحها قالت انتي ممكن تكوني مثلي انا ماحس بالالم واولد بسرعه وانا اخذ كلام الحرمه وكان الجو ايامها شتا وثلج وكل مااحس بالم بسيط اصحي زوجي قوم بولد وهو يقوم ويشيل الشنطه ونروح على المستشفى ويقولو مافي شي ويعطوني ورقه صفرا للحين عندي انه اذا نزلت عليكي المويه تعالي ولا حسيتي بالم كل خمس دقائق وانا ابد كل ماحس بالم رازه عمري عندهم ثلاث مرات يابنات اخر مره قالتي بالانجليزي بليز اقري الورقه ههههه وزوجي يقول والله انك ابلشتي العالم وانا الا كلام صاحبتي الاردنيه صح المهم في صباح يوم صحيت يابنات الم غييييييير شكل على قولتهم شي فضيع توني اصدق ان الم الولاده غير واصحي زوجي يابنات قوم باولد قام زي الجني يابنات اهجدي بلا هبل مافيك شي نامي ويغطي فيني وانا اقول اقسم بالله هالمره حقيقي ونتهاوش ابد الرجال مو مصدق قام وغسل وجهه وانا لبست جاكيتي وحجابي واتالم ناظر فيني قال انتي صدق واصيح والله العظيم مااكذب عليك ههههه وركبنا السياره ورفضت اروح على المستشفى قلت له ودني العياده >>>خافت من الدكتوره تنهبل علي لو شافتني فرحت العياده قالو ولاده ورحت على المستشفى وضحكو لما شافوني المهم ظليت طول الليل ولدت الفجر بعمليه وزوجي رفض يوقع على العمليه هههه يقول لو متي ماني متحمل ذنبك وقعت انا ودخل معي غرفه العمليات كنت مبنجه موضعي والحمدلله ولدت بنتي واتصلت علي وحده من صاحباتي تبي تعزمني على جمعتنا كنا نجتمع كل جمعه قلت لها ولدت ماصدقتني احلف وهي تكذبني طفشتهم من كثر مااقول بولد الله يرزق كل محرومه بهالحضات ويرزقني باخ ولا اخت لبنتي الحمدلله على كل حال :)

  2. @bnt_almshaykhy

    صرخ الشموخ
    اما انا تموتون ضحك عليه بعد مادخلت كشك الولاده وفسخت عباتي ولبست لبسهم زي حق العمليات الا في وحده حرمه ماوقفت من الصياح في الغرفه الي جنبي وانا بكريه وخااااااايفه ومفتوح عندي الرحم وقتها بس ينتظروني اولد خفت وقمت لبست عباتي فوق لبسهم وقلت …
    ههههههههههه عوني بطني من الضحك

  3. @gomanh3

    وانا اقرئ الموضوع بنتتي الي حصلتلي عليها اخر موقف منالولاده في حضني واشوفها اضحك علمواقف وهي تضحك معي انا الاولاده الاولئ عضيت الدكتور والثانيه رحت المستشفى القميص مقلوب الرابعه جت وانا في البيت وصرخت علئ زوجي وصارت حوسه انااقوله بولد ودني بسرعه وهويقول استني شوي بصلي ركعتين وانا اقول ماهووقته ويوم وصلنا للمستشفى دخلت مع باب الطواري والسعاف عند الباب ومجهزين سرير للمريض وانا اقعد والممرض يقول قومي اقوله عندي ولاده بسرررعه وكنت بولد في السيب لولالطف الله اما الخامسه فكانو مقررين الطبيبه علي قيصري وانا في غرفة العمليات واشوف الاجهزه المشارط وخفت وجا في بالي ولادي قلت للممرض تكفى بقولك شي وصله لزوجي قوله وصيتي قبل مااموت انه مايتزوج على وبعدها ما دري وشصار بس الممرض يضحك علي كل ما شافني لان الممرض اخوي ولكن اصعب موقف مر علي ونا اراجع في المستشفي وجت حرمه على وشك ولاده وحطها زوجها على العربيه وهي تصيح وولدت على العربيه وفي السيب والممرضه الحماره تضربها وتقول ليش انتي ما يستنى شويه والي قطع قلبي عليه انها يتيمه وماتتكلم ولا تسمع

  4. @ngod_bnt_algod

    وتقول يوم وصلنا المستشفى امي اتنادي الممرضات تبيهم يجيبون كرسي متحرك ماقدرت تتكلم من الخوف على اختي وتاخذ جزمة اختي الله يكرمكم وتشوت الممرضه فيها وتقول اختي وسببنا زحمه ماهي طبيعيه بالمستشفى ومشاء الله جابت بنوته قمر


    ههههههههههههه امك رهيبه صراحه تسلفيني ايااها وقت الولاده

تابعي تجارب أخرى من هذا القسم.