---( الامارات )----(ملف خاص بتجهيزات خــــــوات المعاريس ^_* )---- ( الامارات )------

آآمرري الغاليه قولي شو اللي تبين ونحن بنحاول انساعدج باللي نقدر عليه :)

حبيبتي انا عاوزة شامبو الحصان
لان انا للاسف في مصر و هو ليس متوفر عندنا :(

و ان شاء الله يصير اللي فيه الخيير
ياريت اللي تعرف حد نازل مصر تقدملي الخدمة ديه :(

=============================

( رهج ووهج) زين وهاذي معلومه لبنات الشمال :D ومبروووك العرس مقدما
وان شاء الله فستانج يطلع حلو

=========================

بالنسبة لمحل رهج و وهج إذا كنت تقصدين المحل اللي في راس الخيمة فبصراحة ودي أكلمكم عن تجربة شخصية حتى لا سرتوا لا تتوهقون مثلي.....
فالبداية كلمة حق أقولها المحل فيه فساتين حلوة صج بس غالية شويات يعني الفساتين على بساطتها فوق الألف و بعد التاجير فوق الألف !!!!!!!!
دخلت هالمحل حتى اشتري فستان لحفلة تخرجي قبل اسبوع منها...و طبعا احسن استقبال ....و اخترت واحد بس كان عليه ملاحظات حابه اعدله...و اوعدتني انها بتخلصه قبل الحفلة بيومين ورحت لها حسب الموعد و طبعا مب مسويه شي و اتصلت اليوم الثاني ومحد يرد علي و لما ردوا قالوا بالحمام_اكرمكم الله _ اتصلي بعد شوي اتصلت و ردوا قالوا بالحمام _عافانا الله شو ما تطلع من الحمام _.و رحت لها قالت : ما خلص كان لازم تتصلي أبل ما تجي!!!!!
واوعدتني اتخلصة عالموعد .يوم الحفلة رحت لها الصبح قالت الفستان خالص و لما جفته ما سوت شي غير تركيب الاكمام و مسترة الظهر ومن جدام لا، قالت روحي ربع ساعة و لا يهمك بخلصة رحت و ييت و ما خلص ، رحت و ييت لها مرة ثانية..و الحمد لله خلصته بس بعد شو ؟!!!!!!! تأخرت بسبتها عالصالون و عالحفل وصلت بالدقيقة .....
و الطامة الكبرى لما لبست الفستان كان طوييييل و ظيق أبد ما ارتحت فيه ومن كثر ما هو طويل اتصدقون انه انشق قبل ما اروح استلم شهادتي!!!!!!!!!
على كل مر هاليوم
بعدها طرشت لها الفستان ويا اختي حتى اتعدله كنت بلبسة بمناسبة ثانية و اللي بط جبدي انها قطت اللوم علي و قالت لاختي : الله يسامحها....هيه اللي آلت لي بدها تلبس كعب، الله يسامحها ....هيه اللي آلت لي الإياس مظبوط !!!!!
و الله الشاهد انها خذت لي قياس بالمتر و بعد قلت لها و سعي الفستان قد ما تقدرين

لكن طوفت.. ....واوعدت كعادتها اتخلص تقصير الفستان و توسيعه الساعة عشر اليوم الثاني...و رحت عالموعد والوهقة كان المحل مسكر ....
بصراحة طفرت اليوم الثاني رحت لها و زفيتها من الخاطر .و قالت: انا نسيت انو بكرة بيكون الجمعة و انو بنسكر الساعة عشرة...
.أكره ما عندي حد يوعدني و يخلف .... لا و بعد تتبلى علي..
اذكركم : ان الشقي من اتعظ بنفسه و السعيد من اتعظ بغيره .....



و بالنسبة للمكياج فعرس بنت عمي اتمكيجت عند وحدة اسمها
(((((ام شما ))))..بصراحة و بشهادة كل من جافني بعرسها انها اظبطت لي المكياج و انه كان رووووووعة، و اكثر من وحدة تسألني وين متعدلة؟؟؟؟ووحدة تسالني اكثر من مرة و كل ما جافتني تصلي عالنبي ......


....مع انها كانت امسوية لي مكياج مائي ، و هذا مب كل حد يظبطه....
و اللي عدلت شعري بعد سوت لي حلو اول مرة ارتاح لشعري بالتسريحة..بس بصراحة نسيت اسمها بس اهي كانت تشتغل ويا ام شما ...بصراحة شغلهم حلو و مرتب و اسعارهم بعد حلوة....و الاهم خلصوني عالموعد ناس تحترم كلمتها ...


و السموحه لاني طولت بس اللي قريتوه فيض من غيض!!!!!!!!

السلام عليكم ورحمة الله وبركاااااااااته


حياكم الله بنات

شكراا لكم على التفاعل والتواصل والحمدلله يوم صفحات الموضوع يفتحن :42:

اما عن اخر التطورات .. حجزت عند عائشة البحرينة مثل ما قلتكم وبتسوي
بعد حق حرمت اخوي وبتكون البروفه على 16/3 وان شاااااااء بقولكم كيف شغلها

همس الطبيعة انتي بعد حاجزه عند عائشة صح؟ بكم سوت لج ؟؟ وسوت لج بروووفه
ولا بعدها ؟؟ لاني حابه اسمع رايج فيها

:icon33: الفساتين للحين ما فضيت عشان اروح دبي ولا بوظبي

ان شاء الله لو فضيت بقولكم عن المحلات اللي رحت لها

واللي تبغي أرقام حريم يأجرن فساتين تخبرني وان شاء الله بطرشلها
على الخاص

وان شاء الله نفرح ابكم كلكم :icon28:

wameed حياج الله وزين انج قلتي للبنات عشان ينتبهون

:icon33: لو اقولج سالفتي انا وخواتي

فصلت عند فلبينة في العين .. حتى نسيت اسم المحل

نحن خمس بنات و الفستان السادس فستان العروس اختي حق الصباحية

:icon33: تصدقين انها ما خلصت الفساتين لين يوم العرس .. بس الله ستر وفستان الصباحية كان جاهز بس

وهزء تها واحتشرت عليها .. :angry2: ويا قوات عينها تقولي انتي متاكده انه العرس باجر
صرااااااااحه كنت بسوي فيها جريمه .. :( قالت لي تعالي باجر بيكون خلااااص
رحت لها يوم العرس الصبح :icon33: قالت العصر يخلص .. قلت الا اشوفهن
انتي شو مسويه فيهن .. وروحي الحين هاتين

ويوم ردت :icon33: تصدقون بس التفته مخلصه !!!

دفعتها ثمن القماااش و العربون :icon33: ورحنا اليشمك ومن النحاسه
ما كانن هناك موديلات حلوه .. بس يالله مشينا حالنا

:icon33: تبغون تسمعون قصة راعية المكياج .. لولوول في الحلقة القادمه ان شاء الله