السلام عليكم
حبيت اسال اللي ساكنين ايجار ودخلهم المادي وسط ايش ممكن يفصلون مجالس في بيوتهم كنبات منفصله والامتصله لاني ناقله شقه ايجار لي فتره ومجلس الرجال فاضي ومساحة المجلس تقريبا 4ونص في 4 وزوجي يبغى مجلس متصل وذوقي صعبببب و بالعافيه لقيت مجلس مغربي متصل وعجبني لكن مشكلته غالي يعني تقريبا ب8800ومن غير ستاره وطاولات وطبعا الطاولات على نفس الخشب اللي في الكنب بشكل ورسومات مغربيه يعني لازم اخذها مع الكنب عشان تكون نفس الاستايل وبكذا تكلفة الكنب تقريبا بتكون قرب العشرالاف الا
بنات انا مجلسي في بيتي اللي قبل هذا كان تكايات ومساند واللحين زوجي يبغى المجلس عربي :angry:ونفسي في هذا الكنب لان بصراااحه يهبل ماشاءالله انا فكرت اني اقلل من ارتفاع الكنب حتى يكون ارخص لكن برضه غالي مانزل من سعره كثير طيب هونو عليه هل المستاجر طبعا موكلهم بس بعرف اغلبيتكم ماياخذ كنبات متصله بحكم انه ممكن ينقل في اي وقت والا حتى لومتصله بس يكون سعره مقبول والا عندكم راي ثاني وطبعا كلامي موجه للي دخلهم متوسط اتمنى القى تفاااااااااااعل ومشكورين مقدما :27:
شاركي في النقاش
سجلي الدخول لإضافة تعليق.
التعليقات
15- عادي ياقلبي خذي متصل ماحسه يفرق .. دام انك مستقرة ببيتك كم سنة خذي ومتعي نفسك .. وبالنسبة للجلسة شوفي شبيه منها بمحلات تكون ارخص .. وموفقة يارب
- انا اقولك انا ساكنه بايجار وزوجي وضعه المادي وسط وصراحه لما رحت اثاثث لشقتي فيها اشياء حلوه وغاليه وفيها اشياء يعني مناسبه وسعرها وسطه فكرت كثير والله وبعدين قلت اشتري شي غالي مره وهذا ايجار يمكن بكره ولا بعده نطلع منه واتورط في المقاس خلي الاشياء الغاااليه للبيت العمر واشتريت شي ذوووق وسعرها حلووو بتلتوفيق
- ياعادي اثثي كنب متصل وبالتوفيق
- والله وانا اختك انصحك انك ماتتكلفين لاتسوين سواتي انا فصلت بشقتي الاولى وتكلفت مره
يوم نقلت لشقه ثانيه طلعت صغيرة على الغرفة وانقهرت بالحيل ومافيني اروح اشتري من جديد
فا اتصحك خوذي شي عملي ورخيص واذا ان زوجك قليل احد يجيه فا انصحك ماتتكلفين لانه بيصير لهالغبار
تلقين متصل رخيص وحلو ومودرن بعد
بس اللي اعرفه الرجال يحبون الشعبي يعني يحبون مشجر مقلم الوان مو فرحه عشان كذا لاتتكلفين مره خلي تكلفتك للحريم بس - شوي قلبي اولا الكنب مرررره غالي لاسيما انتي في اجار بعدين الغرفه إللي بتفصليها صغيره بصراحه على قيمة الكنب إللي اخترتيه شكل المحل إللي رحتيه مررررررررره غالي هو ممكن في الأجار تفصلي كنب متصل لو إنتي من النوع إللي يجيك ضيوف لأنه الكنب المتصل ياخذ عدد لكن لو نقلتي في بيت اكبر في هذي الحاله لابد انك تزودي قطع عليه و لو اصغر بتحتاري فين تودي القطع مدري فهمتي عليه ؟؟؟ ولاّ حست الدنيا في توصيل فكرتي هههههههههههههههههههه
المهم ياغاليه في رأيي انه تشتري كنب منفصل بخمس قطع او ست قطع لأن الغرفه عندك تعتبر صغيره والكنب القطع يفيدك لو نقلتي تقدري ترتبيه بالطريقه إللي تعجبك بس احيانا يحكم الواحد يفصل متصل لو ضيوفه كثير او حتى لو تجمعات عائليه .
و كونه مجلس رجال ارشح لك مثل هذي الجلسات و الخيار لك
و هذي مرررررره اعجبتني
و الله يوفقك غاليتي في قرارك
مواضيع مشابهة
تابعي تجارب أخرى من هذا القسم.