وين الغلط تكفون جاوبوني

@aatybyh_modbh

السلام عليكم ورحمة الله وبركاته ابدخل بالموضوع طواااالي انا عندي ولد وبنت الله يخليهم لي المشكله هي اني لما اروح لاهلي امي بس تسلم عليهم وخلاص ماعمرها باستهم ولعبت معهم او حتى دلعتهم مع انها تحب عيال اخواني وتبوسهم المهم قلت ميخالف مااغلى من الولد الا ولد الولد بس المصيبه اني لمااروح لاهل رجلي تنعكس الادوار وجدتهم تحب وتدلع عيال بناتها ولا جابت خبر عيالي وقسم بالله اني ارحم حال عيالي وين ماراحوا محد جاب خبرهم وهذا الموضوع مضايقني ابي اعرف الغلط وين:06:المشكله اني لمااروح لاي احد القاهم يدلعون عيال عيالهم وبناتهم ويحبونهم بس عيالي من الطرفين من طرف اهلي واهل ابوهم مااحد معبرهم

58 تعليق 4,346 مشاهدة

0 0

شاركي في النقاش

سجلي الدخول لإضافة تعليق.

التعليقات

57

  1. @aatybyh_modbh

    صاحبة الموضوع
    للاسف ولا رد صرتم انتم والزمن علي جيت اشكيلكم ولااحد عبرني الظاهر مكتوب علي اني اعيش حياتي انا وعيالي على الهامش

  2. @shmokh_alkhyal

    لااااااا حبيبتي ما عاش من يطنشك

    بس قولي لامك على سبيل المزاح يعني لا انتي ولا جدتهم

    بعدين اعملي حركة مرة مرتين لا تاخذين عيالك بحجة انهم نايمين اواي شيء وشوفي يمكن يفقدوهم ولا خلاص الله الغني كفاية حبك وحب ابوهم

  4. @rymas_alsaaodyh2011

    امك من النوع اللي تحب عيال عيالها
    وعمتك من النوع اللي يحب عيال بناتها
    فيه ناس كذا وفيه العكس
    لاتكدري خاطرك حبيبتي الله يكبر حظك وحظ عيالك
    بس حاولي انك ماتجين اهلك او اهل زوجك دايما خذي فتره طويله وبيشتاقون لهم

  5. @ghfo_h_lm_3

    صادقة الغالية ريماس في كلامها..

    وجا تعاكس المحبه في اولادك من الناحيتين..

    روحي عند اهلك بالحالك في فترات متبلعده ولاتأخذيهم معك وابوهم مثلك..

    وشوفي بيشتاقوا لهمولا-لا؟؟اذاسألوكم عنهم قولوا ليش نجيبهم ومااحد يحبهم انتم تميزون عيال

    اخواني عنهم..وزوجك يقول عيال خواتي..وان شاء الله ينتبهون..

تابعي تجارب أخرى من هذا القسم.