السلام عليكم ورحمة الله
اخباركم صبايا
بقولكم على سالفه صارت لي مت من الخوف منها وبقولكم حتى تحمون بناتكم وخواتكم من شياطين الارض الي مايخافون من الله
يوم الاربعا رحت مع اختي السوق تسوقنا وخلصنا ورحنا جهة المطاعم عشان نتعشى وكانت الطاولات مليانه من الناس وبعد تعب لقينا طاوله واتفقت مع اختي اني اروح اجيب عشا وهي تجلس في الطاوله عشان محد ياخذها ورحت.
وطلبت لاختي من مطعم وانا رحت مطعم ثاني لاني بخاطرب باستا ولما وصلت شفته بيقفل وقلت له في مجال اطلب قال اي بسرعه
طلبت وخلصت وقالي الحساب 30 قلت له غالي نزل شوي قال يعني بكم تبين قلت ب 15 ريال
قال كثير. طيب لو عطيتك السعر الي تبينه انا وش لي?
استغربت سؤاله وماعرفت ارد عليه وقلت له انتو عندكم خدمة التوصيل قال انتي وين ساكنه قلته له المنطقه وقال بعيده.
وفجاه سالني انتي متزوجه استغربت من سؤاله ومارديت عليه.
خلص الطلب وقال لي ايش تشربين قلت له مابي قال الا هدية مني وحط لي عصير برتقال تروبيكانا في الكيس
وعطاني الكيس وحاول يمسك يدي وانا اخذت الكيس بسرعه وضحك وقال لي ليش خايفه؟
وقبل ماروح قالي انا حطيت لك رقم جوالي في المنيو ومستعد اوصل لك اي طلب وبالسعر الي تبينه بس تقدرين تستقبليني اخر الليل
:06:
حسبي الله عليه وعلى اشكاله مدري ايش شاف فيني مع اني محتشمه وعباتي على راسي وكنها خيمه من وسعها
وماحط مناكير ولااساور في يدي وحتى جزمتي وانتوا بكرامه سودا حتى ماتلفت النظر.
المهم اني رحت لاختي ركض لاني خفت يلحقني وقلت لها الحين نطلع من السوق وقالت والعشا قلت لها في البيت.
وفعلا رحنا البيت والله ماقدرت اكل ولا شي على طول رميتها وقلت لها السالفه وقالت لازم نقول للهيئه
بس خايفه من المشاكل . .
وخويتي تقول لي لاتبلغين عليه تقطعين رزقه والبنت الي مب زينه هي الي بتطاوعه.
وكلامها مااقنعني لان اذا سكتنا كلنا عنه راح يتمادى
بالله وش رايكم بسالفتي وايش تشورون علي اسوي
شاركي في النقاش
سجلي الدخول لإضافة تعليق.
التعليقات
232- مايبي لها شور الهيئة توقفه عندحده القذرر
- لا حول ولا قوة الا بالله
الله يبعد عننا اولاد الحرام ويبعد عن رجالنا البنات والله الزمن صار يخوف - والله ياقلبي اذا انتي صادقه فالمشكله منك انتي
من اول كلمه قالها لك ليه واقفه عنده تركيه يااختي لابوه عشى بتموتين جوع
و قلت المطاعم مثلا؟!
انتي جالسه تسمعين وساكته !!
صراااااحه لا تعليق - ليتك صفقتيه بعلبة العصير وخليتي اللي مايشتري يتفرج زي هالاشكال حرام تسترين عليها
الله ياخذ وجها
الله يكفيك شره يارب روحي لنفس السوق مره ثانيه وعطي الهيئه رقمه وقولي لهم السالفه هم يتصرفون بس تسكتين كذا
صدقيني ضميرك مايرتاح
والذنب عليك لو صار لوحده شي من ورا حركاته لأنك شايفه وعارفه اللي صار ولا وقفتيه عند حده
بلغي والله يكتب لك اجرك - يااختي المفروض مااعطيتيه مجال يتكلم كان أخذتيها من قاصرها ورحتي
مواضيع مشابهة
تابعي تجارب أخرى من هذا القسم.