السلام عليكم ورحمة الله وبركاته
هذي يا بنات قصة وحده أعرفها أعز المعرفه
وهي طلبت مني أكتب لكم على مشكلتها يمكن تشوفون لها حل
صديقتي موظفه ووحده محترمه وبنت ناس وتزوجت واحد شغلته بسيطه جدااااااا وهو كلمة الحق تقولها فيه حبوب وطيب ودمه خفيف ومحبوب من الناس..طبعا منذ أن تزوجته وثقت فيه ثقه عمياء وسلمته البطاقه وكانو تمشيات ووناسه وسفر ومطاعم وترك شغله البسيط وبدأ يصرف من راتبها لأن راتبها كويس ويكفي وهي قالت هو يصرف علي أنا وعيالي ومبسوطه ما تهمني الفلوس...لكن جاء يوم تفاجئت فيه أن رصيدها اللي موجود بالبنك كله راح وكانت ناويه تشتري بيت فيه وهوكان مبلغ كبير ولما سألته وين راحت الفلوس رفض يقول لها ولما أصرت وبدأت تتحقق..أكتشفت أنه تزوج عليها من فلوسها وهي لما تروح الدوام يروح للزوجه الثانيه وكمان جاب منها أطفال ويصرف عليهم من راتبها وكل شئ منها وهي ما تدري ولما سألته عن سبب زواجه قال أنتي كل شئ فيكي كويس لكن أنا ودي حرمه أحس أني أقوى منها واصرف عليها وأنا معاكي ناقصني هل شئ ...شفتو العذر يا بناااااااااات
أول شئ سوته لما عرفت وقفت البطاقه وسحبتها منه وصارت مشاكل وبلغت أهلها وكان الحل أنها ترجع له عشان العيال لكن ما تعطيه ولا ريال وتتكفل في بيتها وبس وهي عشان عيالها رجعت له لكن تغيرت أشياء كثيره ...صار ما يحترمها ولما تكلمه يقول لها أنتي مو شايفتني رجال لو رجال عطيني البطاقه ؟؟
قالت له روح أشتغل يقول ما يسوي الشغل اللي أشتغله (يعني ما يجيب فلوس تكفي )
ولما طنشت صار ينكد عليها في البيت ودايما يصارخ علي عيالها ويحتقرها وما يعطيها وجه..وأحيانا يعمل نفسه ما يدري ويخبط فيها أو يروعها فجأه وبعدين يقول أمزح ...يعني بأختصار صار شخصيه ثانيه وتقول أحيانا تحسه يتمني لها الموت ورافض أنها تجيب عيال زياده علي الرغم أنها متكفله بالعيال ومصاريفهم ويقول يا ويلك لو جبتي عيال
طبعا هي اللي مصبرها عليه أن عيالها يحبون أبوهم وهي ما تبي تحرمهم منه ؟؟لكن نفسيتها صارت سيئه هو يضغط عليها عشان ياخذ بطاقة الصراف وهي تقول حرام أشتغل وأكرف وهو وزوجته مرتاحين ويصرفون ويلعبون في فلوسي ..والأن هي تسألكم شنو الحل ؟؟
أنا قلت لها أن بنات حواء فيهم الخير والبركه ما يقصرون وياليت تشوفون لها حل لأنها بتقرأ الموضوع واللي ما عندها حل يا ليت دعوه حلوه
تهدي هالرجال وتصلح حاله
مع السلامه
شاركي في النقاش
سجلي الدخول لإضافة تعليق.
التعليقات
37- الله يفرج همهـآ يآرب..
انـآ اقول تنفصل عنه بلا عيآل بلا هم .بكره اذا تعبت وجتها حاله نفسيه مين بينفعهآ تروح لهلها وتترك عيآلها صدقيني بيجي ينذل عندهــآ رجال اخر زمآن ..استغفر الله - لاحول ولاقوة الا بالله
هذي آخرة الطيبه الزايده والثقه العميا
والله مدر وش اقول ما ودي اقول تطلع وتخلي بيتها
لكن اذا وصلت الدعوى لامور فيها ضرر على نفسيتها وحياتها وطلعت ما احد راح يلومها
عالاقل تنفصل عنه انفصال جسدي بدون طلاق مدامها مقتدره تروح تعيش لحالها هي وعيالها وتطلب من اهلها انهم يوقفونه عند حده ويكفون اذاه عنها
لكن تضحي بعمرها وعقلها وصحتها عشان عيالها ما اضن انه عدل
عيالها تصرف عليهم وتهتم فيهم وتربيهم واذا على ابوهم يقدر كل فتره ياخذهم عنده مع اني اشك انه راح ياخذهم
تنتبه لنفسها قبل لاتضحي اكثر ضحت بمالها لاتضحي بحياتها
الله يصلح حالها ويسخر لها ويجعل لها من كل هم فرج وكل ضيق مخرج - الله يعطيكم العافيه بس هي محتاره شنو تعمل معاه وطلاق ما يبي يطلق
- وينكم يا بنات وانا قلت أنكم بتردون وتطيبون خاطر الحرمه
- تعتبره حاله حال الجدار الي وراها
تخلي اعصابها ومشاعرها ميته
واول شي اذا البيت ايجار تحاول ادور بيت قريب لهلها وتستأجره
ةتجيب خدامه وسواق لعيالها
واذا تنفصل عنه جسديا يكون احسن
مادام انها تصرف على نفسها وعيالها من افلوسها
هو مجرد اسم
قوليلها تنبسط وتعيش حياتها وتونس نفسها وعيالها
وهو بالطقاق الي يطقه
مرد الكلب لجحره
اخرته بيجي يبوس رجولها
لانه راح يتورط بالزوجه الثانيه والعيال والمصاريف
وييارب يااااااااااااااااااااااارب
ياحي ياقيوم انك تنصرها على ذا الخاين
قال ايش
مأحس برجولتي
اي رجوله وانت احتى مصروف ماتصرف ولا اداوم
مواضيع مشابهة
تابعي تجارب أخرى من هذا القسم.