شاركي في النقاش

سجلي الدخول لإضافة تعليق.

التعليقات

1,056
  1. @nthrh_oakaayh

    ثابتة الخطى
    هلا وغلا انا اهديته بالملكه مره وحده وانبسط مره بوك وقلم ماركه بس غالي شوي مو حلوه يهدني ولا اهديه شي :42:



    ماشاء الله حلوووو الله يسعدك عادي اهم شي ان شكلها مميز وفخمه حلوه الهديه تألف بين القلوب وتزيد المحبه ..
    اذا انتي بالرياض علميني من وين :icon33: ما ادري من وين اشتريها
  2. @althob_alahmr

    والله انا مافكرت اهديه يبطي عظم
    اهديه ان شاء الله بعد الزواج يبشر بعد حيي والله لكن وش لون اهديه في الملكه وانا مااعرف طبعه زيين واساس انا وحده خجووووووله مره كيف بعطيه الهديه والله مااقدر انا يوم الملكه يوم دخل بغيت اموت من الرجفه وتنمل جسمي كله من الخوووف وانا اللحين شايله هم يوم الزواج وش بيصير وانا وحده ام دميعه على طووول اذا شفت احد يبكي امسك نفسي قدامه واذا رحت افجرها والا قدامه احيان مااصبر ابدااا
    ان شاء الله بعد الزواج لاحق على الهدايا خخخ مافيه اسلوب ابدااا لا تضحكون
    اسفه ع الاطاله
  3. @thabt_alkht

    نظره واقعيه
    ماشاء الله حلوووو الله يسعدك عادي اهم شي ان شكلها مميز وفخمه حلوه الهديه تألف بين القلوب وتزيد المحبه .. اذا انتي بالرياض علميني من وين :icon33: ما ادري من وين اشتريها


    أنا شريت ماركة ديور من محلات الدهام كان عليها تخفيض

    بحدود الالف :22:

    ورووووووعه تجنن تواجه وشكل القلم بجيبه وهـ ذبت عنده خخخخخخخ

    تلاقينها بالمحلات اللي تبيع ساعات ماركات بس محلات كبيره مره روحي اكبر فرع بالرياض
  4. @althob_alahmr

    اختي ثابته لهط الفلووس حاجه مطلوبه في هذا الزمن مستحييل تلقين احد مايلهط فليساتنا والمشكله بعضهم ماينزلون ريال واحد واذا نزلوا 5ريال ويالله وهم كذابيين السعر الاساسي ارخص بكثييير انا اقول البعض والبعض يشتغل بضمييير
    والشي اللى يقهر اذا جاك السعر مثلا 210 طيب نقص 10 يقوول مااقدر والله صعبه وجع ان شاء الله شي يقهر مررررررره

تابعي تجارب أخرى من هذا القسم.