ممكن تدخلون بلييييييييز..طلبتكم :)

مرحبا بنات..

اشحاااالكم؟؟ ان شاء الله في احسن حال :icon18:

طلبتكم واتمنى ما تردوني .. بغيت حشوات لبسكوت عين الجمل.. غير الكارميل يعني..


وهذي المقادير والطريقه والصور للأخت بيان..

المقادير :

1و 3/4 كأس دقيق رقم 1 ( كأس البوك الكبير )
1/2كأس سكّر حبيباته صغيرة ( كأس البوك الصغير )
3/4 كأس مارجرين الخاص بدهن السندويتش ( الكأس الصغير )
بيضة + ذرة فانيليا
ملعقة طعام نشا ويمكن الاستغناء عنها نهائي أنا مرة سويته مع النشا ومرة بدونه

الطريقة :
يخفق السكر مع المارجرين جيدًا تضاف البيضة مع الفانيليا وتخفق
يضاف الدقيق المنخول ويعجن بالعجّانة أو باليد

الحشو :
2ملعقة طعام سكّر يحرق بحيث يصبح ذهبي يضاف له 1/2 علبة حليب مركّز
ويحرّك على نار هادئة حتى يغلظ قليلاً














ياليت ما تطنشون الموضوع لو ما تعرفون كتبو ما نعرف بس المهم حد يرد على الموضوع.. :tongue:

اختكم
غزلان الصحاري :2thmup:

10 تعليق 1,054 مشاهدة

شاركي في النقاش

سجلي الدخول لإضافة تعليق.

التعليقات

10
  1. @louaeol

    حبيبتي بنت بلادي
    شو رايج تحشينها كاكاو مع لوز مكسر... يعني ذوبي أي نوع كاكاو وخلطيع مع لوز وإحشيه بيطلع لذيذ ومرري حوافه على اللوز المطحون ... بعد شكله رهيب

    وتقدرين تنزعين
    يعني سوي بعد حشوة الجام (المربى) ... إخلطي المربى مع جبن كيري... أو فلاديفيا أسها في الخلط... وإحشيها فيها ومرري الحواف على جوز الهند أو فستق مطحون...

    وبع تقدرين تحشينها بحشوة الفستق... خذي فستق مكسر (لا تطحنينه وااايد) و إخلطيه مع شوية حليب مركز لين يستوي مثل العجينة وإحشي البسكوت فيها


    بسج ولا أزيدج....
    إنت مبدعة ... إخترعي أي شي يخليج متميزة عن غيرج...
    إحشيهم نفس الحشوة مالت الكرامل بس علشان تغيرين الطعم شوي زيدي على الكراميل جوز الهند.... بيعطيهم طعم باونتي لذيذ
    أو إخلطي معاة مكسرا مكسرة ومب مطحونة أي نوع أو حتى كل الأنواع

    واتمنالج التوفيق يالغالية
    وأي استفسار أنا حاضرة
    وأنشالله أكون أفدتج
    وبنات المنتدى ما بيقصرون معاج إنشاللة
  2. @sarh_2006

    بصراحه اول مره أشوف طريقه عيون الجمل !!!!!!!!!!!!
    وأتمنى ياغزلان ان اللي تعرف تفيدك احسن مني :)
    بس كيف طعمها؟؟؟؟؟؟؟؟؟؟؟؟اذاكان يجنن ممكن أسويها :D
  3. @ghzlan_alshary

    صاحبة الموضوع
    lo(uae)ol

    تسلمين على الحشوات .. بجرب ان شاء الله يطلع الطعم حلو :D


    ساره 2006

    طعم البسكوت لذيذ الصراحه .. احنا كنا نشتريه من برع بس الحين اشتريت المكينه اللي تصنعه ف ابا اسويه بروحي في البيت :)
  4. @ksom

    السلام عليكم و رحمة الله و بركاته
    لو ممكن تقولى لى من أين خصلتى على الماكينة و كم سعرها ؟؟؟
    و يا ترى هى نفس إللى بالصورة أم الكهربائية ؟؟؟
    و شكرا لك و معذرة على كثرة أسئلتى
  5. @ghzlan_alshary

    صاحبة الموضوع
    عليكم السلام والرحمه .. هلا اختي قسومه..

    عندي تقريبا نفس اللي في الصوره وانا اشتريتها من القريه العالميه ب 35 درهم :)

تابعي تجارب أخرى من هذا القسم.