محتاجه نصيحه

السلام عليكم ورحمة الله وبركاته

اخواتي الغاليات انا بحاجه لنصيحه
قصتي بختصار ....انا متزوجه لي 6 سنوات ..والفتره هاذي ماحملت والسبب من زوجي ضعف شديد في الحركه وتفاوت في العدد ,,وهو يعاني من مشاكل كثيره.. في ليله الدخله شفت زوجي ياخذ حبوب وبعدين دريت انها مقويات ..وبعدها ابر ووووو.في سبيل يرفع عدد وحركه الحيوانات المنويه.وماجابت نتيجه قالو مالكم الا اطفال انابيب ما كنت موافقه بس بالاخر استسلمت لان مافيه حل غيره الا اذا ربي كتب له الشفاء :(رحت سويت فحوصات وسليمه الحمد لله بدينا باطفال الانابيب سويتها 2 وما نجحت ..نفسيتي تعبت بس دايم اتذكر انه خير لنا ارتاح,,المهم رجعت المستشفى العسكري وكملت معاهم كورس الابر وفجاه يرتفع الهرمون ووقف وارجع مرره ثانيه ونفس الموال ,,بعدها حلفت ماراح اسويها ..وقريت عن الدكتور زيد الكيلاني في الاردن وقلت لزوجي وراح له مع اخوه..والله كنت حاطه امل ان له علاج غير اطفال الانابيب بس للاسف مافيه غيرها واعطاه مقويات ..الين يقرر يعملها رجع وقالي قلت خلاص واستخرت والحمد لله ارتحت لدكتور هاذا ..بس صدمني زوجي يقول بنسويها في الرياض او جده انا رفضت وقلت مستحيل .والسبب تافه ان مانعرف احد بالاردن وكيف نجلس فيها 17 يوم ومانعرف شوارعها ووووو...قلت كل شي بالاجره وناخذ شقه قريبه من المستشفى يقول مافيه شقق عند المستشفى سكرها بوجهي ..انا صح خايفه بس خلاص الين متى واحنا معتمدين ع الناس ..وبالاخر قال جسمك مايساعد نروح ونعمل عمليات ..صح جسمي صغير ووزني 32بس والله رحت عند دكتوره وقالت انتي عظمتك صغيره ..بس حاطين السبب جسمي ..مرره احترت في سفرتي للاردن انصحوني مدري اش اسوي وكيف اقنع زوجي واسهل سفرتنا ونعملها عند الدكتور زيد الكيلاني ..وجزاكم الله كل خير ..بانتظاركم :time:

27 تعليق 2,147 مشاهدة

شاركي في النقاش

سجلي الدخول لإضافة تعليق.

التعليقات

27
  1. @klm_mharb

    أختي الله يعينك هو خلاص لاحط الرجال فكرة في راسة مايغيرها بس أنا أقلك أستخيري
    كثير وأدعي وراح تشوفي أنه الأمر الي لك فيه خير راح يتسهل ولاتنسي أن المستشفيات
    والدكاتره هم أسباب والرزق بيد الرحمن فلا تتعلقي بالأسباب وتنسي مسبب الأسباب وربي يوفقك
  2. @mt_admk

    صاحبة الموضوع
    قلم محارب ...جزاك الله كل خير ..انا عارفه ومؤمنه ان كل شي بيد الله ..بس لزم نسعى ونشوف
  3. @sosoampamp

    الله يرزقك من غييييييييييييييييييييييييير عمليات

    رب لاتذرني فردآ وانت خير الوارثين
  4. @hnyn_alngom

    الرياض ترى شاطرين

    وخصوصا مستشفى الملك فيصل التخصصي

    نصيحتي هنا أقرب وأحسن

    الأردن صح سمعت انهم شاطرين

    بس وش الفائده ترى مو مضمون نجاحها الا بعد اذن الله

تابعي تجارب أخرى من هذا القسم.