ملف (قلة التركيز وفرط الحركة)الى كل ام تعاني من هذةالاعراض عند طفلها للاطفال الطبعيين

متابعة النقاش، صفحة 52

شاركي في النقاش

سجلي الدخول لإضافة تعليق.

التعليقات

1,929
  1. @skrbnat

    صاحبة الموضوع
    كونسرتا الله يقر عينك بالحبيب وتشوفينه من خيرة الرجال
    ووليدي وابناء وبنيات الملف جميعآآآآآآآآ

    ولايفرق بينا يارب
    ونفتح ملف جديد اسمه ذكريات زمان

    وتعوضنا خير يارب........
    انا ولدي يشكون منه يقولون ينام بالفصل

    وهو يعصب ويهاوش ويقول المدرس سامج...ويجيب النوم
    واقول له وش خذتو ؟؟؟؟؟
    يقول : مادري عنهم انا وش دخلتي لاتسأليني انا خلاص تعبت من هذي الحياة
    الواحد مايرتاح ببيته ابي العب واتهنى؟؟
    يضحك يجيب كلام غريب؟؟؟؟

    والله اني ارحمهم بقوه لانهم كبرو خلاص ومو زي اول تقولين صغار نلعب عليهم.......
  2. @hdyr_oghbyr

    معليش ياسكوره طولي بالك احس نفسيتك هالايام مش تمام الله يعينك مع الحمل الواحده تتلخبط هرموناتها وتصير نفسيتها متذبذبه الله يكون معك
    بس والله كلامك صاير يخوفني انا لما شفت ولدك اطمن خاطري قلت خلاص قلقي على ولدي ماله مبرر بس كلامك صاير يخوفني
  3. @nkt_lon

    مرحبا يابنات ....

    ابي اعرف وين تودون عيالكم له لاي مركز ولاي دكتور او اخصائي تخاطب وتعديل سلوك؟
    وديت ولدي عند دكتور نفسي وقال عنده فرط حركة وتشتت انتباه واندفاعية وهو ماكمل ال3 سنوات و وصف لي رسيبدال بس ماعطيته لاني سالت عنه وقالوا انه مايعطي الا طفال فوق 6 سنوات , وممكن يسبب مرض السكر, و وصاني على مركز تنمية الانسان ,, ( شكل اغلبكم مسجلين فيه وانا سالتكم ومحد رد علي عن هالمركز )
    ثم وديته عند اخصائي تخاطب وقال الولد طبيعي واصلا سنه توه صغير وحركاته وتصرفاته عاديه لطفل لحاله لازم يفرغ طاقاته بس يبغى اختلاط دخليه روضة اطفال وهو بيتحسن ؟
    بس المشكلة ولدي عنيد وبيصيح ويعصب اذا مافهموه ؟ واذا دخلته هالترم فماعاد باقي وقت كلها شهر وياجزون ؟
  4. @hdyr_oghbyr

    نقطة لون ترى ولدي تقريبا نفس حالة ولدك بس عمره 4 سنين وللحين مالقيت احد يعرف له ولا حتى لقيت تخاطب ومركز تنمية الانسان موب كلنا فيه بالعكس يمكن حالتين ثلاث اللي مسجلين فيه انت عارفه رسومه موب الكل يقدر عليها وماتحقق ذيك الفايدة اللي الواحد يقول مادام ولدي بيتشافى خلاص معليش ادفع ماوراي ودوني لكن هي خساير وعلى تحسنات بسيطة جدا ويمكن مافيه بعد
    الله المستعان والله كلنا نتخبط ماندري وش نسوي
  5. @skrbnat

    صاحبة الموضوع
    اسعد الله صباحكن بكل خير
    حي الله هدير افتقدناك والله
    وراك خفتي......وضاق صدرك من كلامي عن ابو عابد
    ترى ولدي يعتبر فلتت الملف وافضلهم
    بس تخبرين كبر وبدء يحس وهو من زمان وهو يقول هالكلام
    من يوم كان بثالث كل موعد يقول لي يمه انا مريض؟؟؟؟؟
    ليش تودوني للمستشفى؟؟؟؟؟
    وكنت العب عليه اقول مراجعه
    لكن الان لالالالالالالا
    اجل لو كنت تسمعين كلام الصنوبر عن ولدها الله يحفظه بثاني ثانوي........
    الله يحفظهم ويفتح عليهم يارب
    هذي مشكلتهم يشعرون بالنقص يدرون انهم اقل من غيرهم بس مايدرون وش يسون يسكتون وبس.......
    هدير ليش ماتروحين مستشفى الصحه النفسيه وكذلك الاخت نقطه عند الدكتوره فاطمه ممتازه جدآ
    وعندكم الملك عبد العزيز للتخاطب ممتاز
    وترى ولدي ما خذ جلسات تخاطب كثيره عرفت الطريقه وطبقتها ببيتي
    وزي ماقلنا احرصي عالروضه والتحفيظ

تابعي تجارب أخرى من هذا القسم.