..آآآآآآه ساعدوني..شريت غسالة مواعين وماعرفت أدبر شيء فيها ..

بسم الله الرحمن الرحيم
أخواتي : ياحبي لها الي تبي تأخذ أجري وتوسع صدرها علي . وتشرح لي كيف أشغل الغسالة لأني أول مرة أووقف قدامها .ولا أعرف أحد عنده علشان أخليه يشرح لي طريقة استخدامها . مع إني قريت الكتالوج كم مررررررة ..لكن لا فائدة فيه رموز عجزت أفكها ..
عندي استفهامات كثيرة :
وشو مسحوق الغسيل المناسب؟؟
وإيش مادة الشطف المساعدة ؟؟ هي الملمع ؟؟ هي الفانيش؟؟
وكيف أشتريه سائل أو مسحوق /زي العينة الي طلعت معها ؟؟
والملح ! وماأدراك ما الملح !!
وشو ووين يلقى ؟؟ هل يوجد بمحلات الجملة زي الغيث والخزيم ؟؟لأن رجلي مايحب الدخلة على هايبر بنده ولا بنده!
سؤال أخير مواعين الستيل تناسبها الغسالة أو تخربها ؟؟
ووش المواعين الي المفروض ما نحطها بالغسالة ..
آآآآآآآآه ...أدري والله طولت عليكم ..بس والله فيني أجر لأن صار لي كم يوم مركبينها وبس أجي أتفرج عليها وبعدها أشمر إيديني وأقعد أغسل المواعين ..والغسالة جالسة تتفرج وتضحك علي ..اهئ..اهئ ..:o
الله يفرج لها دنيا وآخرة ..الي تساعدني أقصد تنقذني !!
آآآآآآآه متى يتحقق الحلم وأشوف الغسالة ملمعت لي مواعيني ..:(:(

8 تعليق 3,129 مشاهدة

شاركي في النقاش

سجلي الدخول لإضافة تعليق.

التعليقات

8
  1. @mlath_8

    مبروك عليك الغساله وتتهني فيها يارب

    كل انواع الصابون والملمع من فانيش وشوفي اغلب مواضيع الغسالات فيه صور لأنواع المساحيق من مكعبات الى مسحوق
    الدرج المربع الصغير الي في باب الغساله الي مسكر دائري هذا للملمع السائل تملينه وتسكرينه وخلاص بياخذ فتره اسبوع اسبوعين مدري لأني توي ما عبيته مره ثانيه المربع الي جنبه انا احط مكعب فانيش مثل العينه الي جت معه واحط زياده مسحوق بعد .

    الملح ولله الحمد لقيته في كارفور الي في بريده واخذت اربع علب لسنه كامله روحي ويتلاقينه او على كلامهم لحقين فلاتر المويه او تعبيه المويه يبيعونه بالكيلو ...عبيها مره وحده وشوفي كم ياخذ يقولون كم شهر انا الى الأن جديده طبعا .

    المواعين انا شريت ستيل مخصوص علشانها وخليت قدوري المعدن وكذا مره حطيتهن قلب لونهن ورجعت استخدم الستيل والتيفال
    الأواني المذهبه يقولون تقلب انا ماحطيتهن الى الأن بس ناويه اجرب لو الغسل الخفيف ..
    غيره ولله الحمد كل شئ ماشئ تمام اغسل كل يوم واجرب مرحله جديده علشان اشوف الأفضل .

    طبعا المرحله الثقيله الي اعلى شئ اعتقد ماتصلح تحطين الأكواب والبيالات القزاز يمكن تنكسر لأنها تناسب القدور ..

    هذا الي عرفته من تجارب البنات والا انا مستانسه عليها الى حد الأن ولله الحمد والشكر
  2. اول شي مبروك عليك الغسالة بالنسبة للملح تحطي كوب يقعد معك شهر اذا تستخدمينها يوميا وسعره يختلف من ماركة للثانية انصحك بماركة سومات العلبة بعشرة ريال تقعد معك ثلاث شهور وفيه منها صابون وملمع بس ماجربتها انا استخدم مكعبات فانش مره مريحة بس غالية حبتين مقارنة بالصابون والملمع
  3. @lk_allh_yaghz

    صاحبة الموضوع
    ألف شكر لكم أخواتي
    يعني كل مواد التنظيف مخصوص لها .. يعني أطلع أتقضى لها ؟؟!!
    وماتدرون محلات الجملة لمواد التنظيف فيها أو لا ؟؟

تابعي تجارب أخرى من هذا القسم.