شاركي في النقاش

سجلي الدخول لإضافة تعليق.

التعليقات

361
  1. @emy_4

    هههههههه والله انكم تحفة

    تذكرت لما ولدت ولدي قبل 3 سنوات وكنت بكرية
    قبل لا اولد وانا كان الطلق معي عادي يعني محتمل جتني الدكتورة قالت لي تبين ابرة الظهر قلت لها لا < مسويه قويه
    وقبل الولادة جتني مرة ثانية وشافت ان البيبي اعترض وتنهبل ، وتدخل يدها كلها وتعدله وانا اهاوشها هييييييه وجع وخري وادفها الصراحة عورتني ، بس الصراحة كانت عسل وتحملتني بعدين قالت لي ليش لازم يتعدل والا بنوديك عملية ، انا قلت لها ايه مايخالف عملية < هي ماتوقعت اقول كذا خخخخخ
    قالت لا مافيه عملية وبولدك طبيعي تحملي وتدخل يدها كلها مره ثانية بعدين قالت يالله على غرفة الولادة< وقبل وين كنتي !! كنت بغرفة حقت ماقبل الولادة والحريم اللي معي احسهم خافوا من صراخي خخخخخخ

    المهم بغرفة الولادة عطتني الممرضة الكمامة وكنت حاطه كل قوتي فيها استنشق بعمق بس النصابين معطيني وحده فاضيه واستغرب وراها ماتشتغل واجدعها بالارض < هههههه حرام اكسر الخاطر كنت بعتمد عليها عشان كذا رفضت ابرة الظهر وبصراحة ولادتي تعسسسسسرررت بس الحمدلله شفت ولدي طلع عاد بدت السكره هههههه
    قلت لها وش تسوين الحين قالت بطلع المشيمة يوم طلعتها حطتها بعلبة قلت لها وشو ذا < راااايقه
    قالت هذي المشيمة قلت لها هاتي بشوفها وتجيبها لي الممرضة واجلس شوي اتفحصها خخخخخ
    بعدين شفت الممرضة تسحب من المشيمة دم، قلت لها وش تسوين قالت عشان نشوف فصيلة دم البيبي .
    خخخخخخخ مايفوتني شي وعلى هالحال مستلمتهم اسإله انتي بتخيطين ؟ وشلون بتخيطين ؟ وين البيبي ؟ وش تسوون له؟ متى اشوفه ؟
    عقب يومين استوعبت قلت والله يا انا كنت رااااايقه  

تابعي تجارب أخرى من هذا القسم.