ما احب بنتي تتأسف بسهوله
السلام عليكم بنات اشلونكم كيف الحال ان شاء الله بخير
عندي بنتي الزين عمرها 4 سنوات الله يحفظها ويسعدها يارب ,, انا ملاحظه عليها تصرف مو عاجبني وهو كالاتي كانت تلعب مع ولد عمها وولد عمها بغى يروح لبيتهم ( البيت جمب البيت ) راحت بنتي تركض وراه انا أسفــــــــه انا أسفــــــه ولما ازعل منها انا اسفه انا اسفه ,, أحس كلمه الاسف بسرعه وعلى طوووول اتقولها ,صحيح اني معلمتها لما تغلط تقول اسفه بس مو بهالطريقه الي ترخص فيه نفسها ماادري ليه تضايقنت لما شفتها تركض ورا ولد عمها واتقول انا اسفه انا اسفه علشان مايروح بيتهم ,, اخاف هالطريقه من التربيه يخليها ضعيفه شخصيه وتعتذر بس علشان الكل يكون راضي عنها ,, مسكتها قتلها زيونا حبيبتي اذا انتي مو مسويه شيء غلط لا اتقولين اسفه حق احد واذا عبودي يبي يروح بيتهم خليه يروح عند امه وبعدين يجي عندنا ويلعب ويانا حاولت افهما انتوا اشرايكم شنو الاسس في التربيه الي تعزز الثقه بالنفس واتخليهم اقوياء الشخصيه