السلام عليكم حبيباتي؟!! ايوه حبيباتي... أنا من فتره تعرفت عليكم وحبيتكم ومتابعتكم بس من بعيد... وكنت مترددة في للمشاركه وكتابة معاناتي... خبركم حالة الانكار اللي يعيشها الواحد في بداية ملاحاظاته لظهور الأعراض عند الطفل بس خلاص مابدهاش( على قولة إخواننا المصريين) امر الله والحمد لله عليه ماأقول الا( ربنا فرغ علينا صبراًً) وايضا ( واذا مرضت فهو يشفين) و ( وان يمسسك الله بضرٍ فلا كاشف له الا هو) ونِعمَ بالله.
حبيباتي قصتي طويله وكتبتها لكم ثلاث مرات وكل مره بشكل مختلف بس كل مره تنمسح:44: وماتوصلكم وأعصر وأسير الجهاز( ان شاء الله يوصلكم ردي هالمره) وناويه اختصر بإذن الله وأعطيكم الزبده.
كرمني الله بالاموور رقم ثلاثه بعد ولد وبنت وفرحنا فيه لأني طولت بعد الاثنين الكبار وسوينا فيه " يادهينه لا تنكتين" ومتغير نلبسه ونصوره ويضحكنا بأي شي يسويه مع انه كان متعب وصياح بس كنت بصراحه احسه ذكي من طريقة لعبه وتصرفاته لحد ماكمل السنتين مرض فتره طووويله التهابات متكرره وحساسية صدر وصار لايطاق بس يصيح وأخذ الأدويه حرب وكل شي بالعسر وقتها حسيت الولد تغير هو من اول متعب بس حبوب واجتماعي ويحاول يلفت نظرنا... فجأه تنطفئ وصار مزعج واختفت الحركات اللي يسويها بالتدريج ، شوي شوي الا الكلام يختفي، كان يقول( ماما، بابا، توته= دلع اخته، مابى= مابغى، امه= عمه) ظلت ماما وبابا اخر شي بس كان يقولها كاأصوات وقت اللعب مو للنداء زي من قبل والحين لها ثلاث شهور اختفت:( وصار الولد مدمن كراميش وطيور الجنه بطريقه غريبه، لدرجة أني البس العبايه قدامه ولا يسأل او يصيح وهو أبعاده لو شم ريحة االخروج ولا شاف العبايه يتعلق فيني مايفكني.... أنا فرحت انه انشغل عني في البدايه لأنه مره كان متعلق فيني بس مع ظهور أعراض ثانيه حسيت الامر مو طبيعي... الولد صارت حياته تلفزيون ونوم وأكل وشوي شوي انسحب من حياتنا( من غير شر) سألت طبيب الاطفال عن حالته قالي لا ولدك مافيه شي وماشا الله عليه يفهم انقليزي وعربي بس هو بسبب الامراض المتكرره... وقلت له على عدم الاستجابة قالي يمكن مايسمع السخونة والتهابات الاذن أثرت عليه، وفرحت انه الدكتور الخبير الفاهم العارف استبعد الموضوع ويدين اقول لنفسي أنا بالغت وكبرت الموضوع طبعا وقتها ماكانت كل الأعراض واضحه، المهم لحد مايوم رحت موعد ولقيت دكتور ثاني، فجأه الدكتور ترك ولدي وصار يراقبه والولد بس يدور ويتحرك ويصرخ ويلعب بعشوائية وحركه زايده... وقتها سكت وصرت اراقب الاثنين وانتظر الطامه، الا صار يسألني عن سلوك الولد وقلت له كل شي مضايقني ووقتها كانت بداية للحاله يعني كان الولد كان اقرب للطبيعي المهم قالي والله أنا اشك اشك انه عنده فرط حركه بس حكمي مو اكيد وهو لسا صغير وممكن يكون حِرك بس طبيعي لكن من ملاحظتي لحركته كانت عشوائية يعني مو حركة شقاوه واستكشاف عشان كذاشكيت، طبعا هو يتكلم وانا اقول( أنا لله وانا اليه راجعون) قلت له أنا شكيت في التوحد يادكتور قالي ماأظن اللي أنا شايفه فرط حركه بس انت تأكدي وحولني على النفسيه وكلمتهم وقالوا مانشوفه قبل ثلاث سنوات ،وهزأني زوجي وقالي الولد طبيعي بس مزعج ورجعت لدكتوره وحكيت له اللي صار مع الدكتور الثاني وقالي لا اصلا الحركه طبيعيه من اللي في عمره ،وانتو كلكم مجربات وعارفين الذبذبة اللي تصير في البدايه رجعت وقلت لا الولد طبيعي وطنشت بس طبعا زادت الأعراض واختفى الكلام نهائي وصار مجرد اصوات يصدرها للعب
الان سلوك ولدي
خمول عام وفرط حركه لما يتوتر او يكون نعسان
تراجع كامل في النطق
يستخدم الاشاره للتعبير يعني زي ماقالوا بعض الأخوات عن اولادهم يشدني ممن يدي للبراده عشان يشرب وللباب عشان يخرج ولللتلفزيون عشان يتفرج والريموت للتقليب وهكذا
طبعا صفر اهتمام يعني مايطالع في الكتب اللي بصوره وحده كبيره ومن غيركلام الا كم ثانيه لاول صفحتين وبعدين يروح ويتركني.
سوينا له اختبار سمع وكان سليم الحمدلله وكاتبين له مواعيد لتخطيط دماغ ورنين مغناطيسي وتخاطب ونفسي
سؤالي الان هو أش اتوقع من اول زياره عند النفسي وكيف يكون اختبار الذكاء لطفل في عمره( ثلاث سنوات)؟
وهل أنتو تتكلموا عن مشكلة أولادكم عادي للي حواليكم؟
قصدي هل اللي حواليكم كلهم يدروا ولا مبينين انه طفل متعب وتنح دراسيا ومخفين المشكله؟
طبعا التماسك اللي شايفنه مني والصبر سببه بعد الله أني صحت لين طاح راسي من بداية الحاله لي الان 11 شهر من بداية الملاحظه وآخر شي امس والله الليل كله وانا أصيح وأقول اللهم لا اعتراض بس يعني الواحد مايقدر كمان مايحزن ومايتأثر...
حابه اقولكم الله وجزاكم خير ويرفع عنا جميعا الضُر واستفدت كثير من دروسكم لتعليم النطق وخاصه سكر الله يقر عينك بشفاء الغالي عبودي ويجعله ممن الائمه والأعلام في الدين ياررب وكل عيالنا وبناتنا وشباب المسلمين عامه ونصيحه بنات لاتقطعون الرقيه خاصه الفاتحه فإنها الشافيه بإذن الله واقرءوا الموضوع المثبت عنها في الملاذ الروحي عشان يحمسكم... والله يابنات أولادنا مافيهم الا العين ولا بالله أش يخلي طفل ابو سنتين يتعالج نفسي؟!
الحمدلله على امر الله
ملف (قلة التركيز وفرط الحركة)الى كل ام تعاني من هذةالاعراض عند طفلها للاطفال الطبعيين
متابعة النقاش، صفحة 62
