ملف المقبلات على اطفال الانابيب والحوامل في دولة قطر (التجمع العاشر )

الامل لين الحين موجود مع اني مب فاهمه سالفة ال 5 وال 2

انتظري لين الموعد حللي والله كريم




عمر بوزينب مايسوي انابيب يسوي التحاليل والابر ويوم العمليه يحولج على عيادة الدوحه عند الدكتوره مها او واحد ثاني ناسيه اسمه رفيجتي من سنه راحت كلفها كل شي من عمر لين عيادة الدوحه حدود 30 الف ريال



في الاردن الدكتور نجيب ليوس وخلدون الشريف التوب في مجالهم

امممم البحرين ماعرف عنهم

يمدحون دكتور هندي في دبي ويجي الدوحه كل 3 شهور مره في مستشفى الرفاع بس مايسوي العمليات هني ياتروحين له دبي او الهند هني بس استشاره لانه يومين ويروح

صباح الخير بناااات


تم بحمد لله تعالى تحويلي الى قسم الحوامل مركز 3 للمراجعات

يعني الدكتوره ريم الحمدلله طمنتني انه كل شي تمام ولا له داعي للخوف تقولي انا حاله غريبه مرت عليها واستقرت الحمدلله
وتمنتلي كل خير واني اسلم عليهم من فترة لي فتره

ما اوصفلكم الشعور يا بنااااااات وانا اسوي التلفزيون والكل يبشرني حملي الحمدلله طبيعي والله يجزاها خير حنين الام سمعت نصيحتها ووكلت امري لله وقعدت اقرا بماي زمزم وانفث فيه وكلي يقين انه ربي ما عطاني اياه الا لانه يبي يعطيني ..
الصراحه اخنقتني العبره .. جيهان ومريم والممرضات كلهم يسلمون علي .. كاني كنت عاااله عليهم ما صدقوا يفتكون مني :)

الكل يقول اخيرا اخير ا وانا فرحانه اقولهم اي والله اخير ا افتكيت منكم خخخخخخخخخخخ

طبعا غير الفلبينيات حق التلفزيون قالولي اي وقت تعالي بعد الساعه 1 اذا مافي ظغط تبين تتطمنين ع الياهل نسيولج تلفزيون

واااااااااي يا بنااااااااااااات مو مصدقه اللي قاعد يصيرلي .. احس انه شريط قاعد يمر جدامي من يوم ما رديت الاجنه لي ما كنت فاقده الامل لي ما حللت ولي مانزلت النسبه وردت ارتفعت ... وبعدين سمعت النبض وشفته وووو.....................

اللهم لك الحمد لك الحمد ... يا بنااااااااااات ولا وحده فيكم تياس من رحمه الله انا عندكم اكبر مثااال ..واستعينوا بالصبر والصلاه

انا الحين في الاسبوع السابع يعني باقي اسبوع وادخل الشهر الثالث .. نساااتي خفيفه مو نفس ميمي بس الرقااااااااااااااااااااد ذبحني

ع فكر ه انا ماا حب ارقد وااايد احب السهر .. من حملت وانا مووووووووووووووتي الرقاد

تخيلو ا ارقد 15 ساعه ورا بعض عقب اقوم ساعتين وارد اكمل رقادي كاني ماكنت راااقده من قبل

المهم يا بنااااااااات من احسن دكتوره ترشحونها لي عشان مواااعيد الحمل.. الصراحه الدكتوره ريم خيرتني بس انا قتلها ما اعرف حد معين .. انا ببنتي بس كنت اراجع عند مريم السقا بالخور الحين انا بالدوحه

قالتلي الدكتوره وفااء حد يعررفها ؟

واتمنى للجميع الحمل السليم المعافي واشكركم كلكم ولكل وحده ساندتني وفقت معاي ايدتني عارضتني نصحتني

اشكركم جزيل الشكر ولن اتركم معكم في نفس المنتدى لي ما اربي ...... :) باذن الله

كووووووووووووود


صاااحبة الظل الطويل ... احبج في الله انتي وبيت سعيد وعموووره لكم معزه خاصه في قلبي وطبعا كل البنات بس .. انتو اكثر ثلاث لانكم مثال للصبر والعزيمه والقوه .. والايمان اولهم .. اطلب من الله انه يوفقكم ويرزقكم يارب

اوصي جميع البنااات بالصدقه فانها تطفئ غضب الرب


عزيزتي ما ما كوووووود طبعا لو ما كنت حملت انتي عاارفه كنت بروح الاردن عند الدكتور نجيب ليووس مستشفى الامل

سوي سيرج وابحثي عنه عنده موقع خاص هو مسيحي .. بس لا حرج بالطب

وانا ما اخترته الا لانه نصحنا مديره عندنا راحتله عقب عشر سنين عقم و16 مره عمليات انابيب لحد ما حرقلها الدكتور شحاته مبيضها اليسار ولكن الحمدلله عنده التقنيات ممتازه ومتطوره وحتى مختبراته وماشالله حملت ع مبيض وااحد وردت قطر وهي في شهرها الاول وجابت ولد وطبعا قالها الدكتور نجيب احتماليه تحملين مره ثانيه طبيعي 80 % واول ما خلصت الاربعين الله اراد انها تحمل طبيعي والحين جابت بنتها عمرها سنه

قطوتنا
ألف مبروك حبيبتي و الله يكملها معاك و تشوفين أحلى أخ لميمي يارب...و رجاء رجاء رجاء ما تتركينا و خليك حوالينا تعطينا الأمل و التفاؤل.

كوود
أمس في جريدة الراية ص19 دعاية للدكتور سلام عمر جبريل في مستشفى البحرين التخصصي (استشاري أمراض نساء و مدير مركز أطفال الأنابيب) للاستفسار و المواعيد: 0097317812000.
و لو حابة تعرفي عن أطباء الأردن أحسن شي تشوفي تجمع (عسولات الأردن لأطفال الأنابيب) تجدي فيه ضالتك و اسألي المجربات هناك..طمنينا عليك و الله يخيب ظنك و تطلعي حامل يا رب.