اختي والسواليف

السلام عليكم ورحمة الله وبركاته

:(



ضاقت فيني

سنين عجزت اتحمل والله

عندنا مشكله منزليه
اختي متزوجه من 10 سنوات وعندها بنت وولدين وخدامه زوجها اربع وعشرين ساعه برا البيت
وموظفه شغل البيت كله على الخدامه

المشكله وين ؟؟
اختي 24 ساعه تبي تكلم ؟؟
المشكله مافيه سواليف
تطلع منا الساعه 1 الليل بكرا الظهر الاقيها تكلم ويلا سولفي :eek:
افتح ماسنجر الاقيها ناطه لي سولفي:eek:
الواتس آب
البي مسن
البي بي
التليفون الثابت
:eek::eek::eek::eek::eek:
تأزمنا ياهل البيت لامارديت اتصلت علآ اختي الثانيه ثم الثالثه ثم امي
تخيلو تعرف اني طالعه السوق تتصل ؟ اقولها يابنت مشغوله بروح اصلحالعشاء تتصل تدري عندي ضيوف بالبيت تتصل ؟
المشكله الكبرا لو عندها سواليف ؟ مافيه
ها شصار اش ماصار ؟ ماعندي سواليف وقسم كل الي اعرفه قلت وربي ماعاد بقى سواليف اصلا انتي عايشه معنا تليفونيا 24 ساعه مايمدي يطلع سواليف ماتدرين عنها
والمشكله لارديت عليها نفسي بيوم تقول مع السلامه لو احلفكم لا ماقلتها انا مابتقولها اعجز اقولها مشغوله بصلح الغدا بصلح قهوة جدتي وهي مستمره لحد ماقول مع السلامه وطوووط طوووط :22:

انا اعرف انها تسوي هالحركه لانها تزهق زوج مهملها وعصبي
واطفال اشقيااااااااااااااااااااااااااااااااااااااااااااء وبثرين بس يتطاقون والا يكسرون ويشخبطون ع الجدران
ادري تزهق بس بعد حنا نزهق
عجزنا نتصدد نعطي وجه والله ماتغير
عجزت اقولها تابعي التلفزيون تابعي مسلسلات برامج
شوفي النت عندك تصفحي هالمواقع لين تزهقين
اقولها افتحي على مواقع التسوق وشوفي اش الجديد وكني اكلم جدار
اقولها يابنت الحلال على الاقل تطلعين من هالسطحيه الي انتي عايشتها
سولفو؟والا استهبال مسن وبرامج المحادثه ؟
ماعندها سالفه جاده لان حياتها محصوره بين عيالها فلان امس ضرب اخوه وشق راسه والا شخبط على الجدار والا تدويرللسواليف الي قلناها
عجزت اقولها وسعي دائرتك شوي غيري اسلوبك بالحياة خل على الاقل يصير عندك سالفه الواحد يتحمس يرد عليك



ساعدوني شسوي
مابي اجرحها بس بعد مابي اغث عمري انا بعد لي حق بيومي ابي اعيشه بتابع التلفزيون بنام بتصفح النت
اتضايق لما اشوفها تتصل واحط الجوال صامت بنفسي اقول اختي وحرام علي وارجع ارد بس لارديت ولقيت نفس الموال قلت انا حماره والي جبته لنفسي ليش ارد اصلا :o

9 تعليق 1,152 مشاهدة

شاركي في النقاش

سجلي الدخول لإضافة تعليق.

التعليقات

9
  1. @tymar

    الله يهديهاا حسيت من كلامك انها مبسووطه بوضعها كيذا صراحه هاذي مهي عيشه بس غريبه اختك

    وزوجها الله يسامحه ع اهماله في رعيته
  2. @ghybtk_khr

    صاحبة الموضوع
    تيمار
    الله يهديهاا حسيت من كلامك انها مبسووطه بوضعها كيذا صراحه هاذي مهي عيشه بس غريبه اختك وزوجها الله يسامحه ع اهماله في رعيته
    هي مو مبسوطه ابد بس قولي تعودت
    يعني لما تسافر (وهالشي ماصار خلال هالعشر سنوات الا ٤ مرات ) تقطعنا ماتكلم ولاتدورنا ابد بالعربي تجحدنا
    لما تروح السوق ماتتصل :D

    احسها تكيفت مع وضعها
    وانا ابيها تتحرك وتغير اسلوبها ونمط حياتها عشانها هي
    حرام توها صغيره اش هالحياة الكسيفه
  3. @mdam_goyl

    يا حليلها عطيها رقمي هههههههه حياتي اذا كنتي فاضيه ردي عليها وسولفي معها واذا مشغوله وماودك لا تردين كذا هي بتفهم من نفسها
  4. @blanco

    هههههههههه ياحليلها الله يخليها لكم ... هاذي زي خالتي باتصالاتها علي امي ... واذا امي ماكانت فايقه ترد عليها ماترد تطنشها ....

تابعي تجارب أخرى من هذا القسم.