ولا عمري طلعت مع اهل زوجي طلعه(رحلة)والسبب

:07: :mad:
السلام عليكم ,,بنات ابيكم تلقون حل لمشكلتنا اللي اعتبرهاااااا سخيفة لكنها توجع القلب :16:

تخيلووووا يابنات عمري من تزوجت ماطلعت مع اهل زوجي الحبيب ولا رحلة لا برية ولا بحرية :(

والسبب وحدة منهم مرت ولدهم الكبير وحدة ( راااعية مششاااكل , حسودة ,غيورة,لسانها طويل ومتبري منها )باختصار ما في احد سااالم منها :30:

والله ثم والله انا من النوع الهادي ومؤدبة واحترم الكل عشان ابي الكل يحترمي

وعلاقتي معااهم كلهم ممتازة ومتاكدد انهم يحبوني وايذكروني الا بكل خير لانهم بعد ماشافوا منى الا كل خير. وللعلم من تزوجت وهي ترمي علي كلام زي السم والله عمري مارديت عليها ولا حتى التفت ناحيتها ( حاقرتها)وهذا اللي قاهرها مني شخصيا,,لان اسلوبها الرخيص وودها تنرفزني وتغيظني عشان اطلع عن طوري

لكن عمري مانولتها مرادها والله يصبرني عليها

المهم عطيتكم فكرة عن حياتنا,,والمشكلة انا ومرت حمااي ووودنا نطلع لمزرعه

عشان ننبسط وعيالنا يفرحون مع بعض (( تخيلوا ابناء عم ولا مرة اجتمعوا برا,غير البيت))

وزهقنا من جمعه البيوت وودنا نغير ولا احد مهتم من سواء الام او الخوات ,,غيرنا احنا حريم الابناء المفروض ان الام هي اللي تقرر اللي يبي يجي واللي مايبي بسلامتة

لكن سبحااان الله يرااعون مشااعرها ومشااعر زوجها الاابعد الحدوود شئ فظيع

والله كانه سحرررر :16:

لدرجة انهم يحرمون انفسهم من الونااسة عشااان كلمة ((مانبي مشااكل ونخسر اخونا الكبير))اللي عمرة ماسال عنهم ولايدري عنهم اذا زعلت زوجتة زعل هو على اهلة واذارضت رضى <<<مع ان عمرها مارضت :icon33:

طبعا انا ومرت حماي شايفين خير وشبعانين من الطلعات مع اهلنا وازواجنا دائما مزارع عند اهلي مزرعه و نروح شاليهات وغيرها,,

يعني مو ناقصنا روحات ولا جيات بس نبي مع اهل عيالنا .مع ان الام تروح مع اخواتها رحلات بس احنا مالنا دخل فيهم هم وحريم عيالهم ماشاء الله عليهم :angry2: بس لما اقترح مايشجعون,,
عااااايلة تبط الكبد :(

واحنا مانبيها تجي معنا لانها كريههههههه والعياذ بالله بشكل لا يطاق وادري انها بتقلب الرحلة الا كأأأأبة ومشااااكل بعد,,ولا تبينا تجتمع بدونهاااااااا طبعا

حب الاشرااف اعوذ بالله ماااااافي كرامة

شسوي معا الاشكال وازواجنا يقولون مانقدر نطلللللللع وما نقول لاخونا مانبي نخسرة ونعطيها مجااال عشان تمسك علينا الغلطة ساعلت الومهم وساعات اعذرهم

ومرة عزمنا يعني نوينا ,وقلنا نخليها (قطية)يعني مو عزيمة بس تخيلوا تبي تتحكم فينا الكل موافق وتجي الاخت تقول خلوها الاسبوع الجااااااااااي السخيفة.

ماودها نجتمع ولاتبي تحضررر شالحل الله يخليكم قمنا وكنسلنا الرحلة من هي تتحكم
مااتبي او مرتبطة تقول مانقدر مرررررررة ثانية نروح معكم تخيلوا مانشوفها في السنة 3او 4 مرات بسسسسسسس يعني مو من ضمن الشلة اللي نجتمع اسبوعيا مرتين تقريبا والله لو احد غيري قال كيفهم اهم ماعلي اهلي وبس

ايش العمل والحل :mad:

27 تعليق 4,308 مشاهدة

شاركي في النقاش

سجلي الدخول لإضافة تعليق.

التعليقات

27
  1. @mod_2

    بصراحه حطيت يدك على الجرح انا انتظر المشاركات من الباقين لاني اعاني نوعا ما مثلك
  2. @dnya_alhb_1

    صاحبة الموضوع
    تفاحه زرقاء
    والله يا اختي مدامها كريهه وتسوي مشاكل وشله توجعون راسكم ولي ما يبينا مانبيه
    هذا مبداي الجديد من يوم ورايح اللي مايبينا مانبية

    وشكرا على مرورك الحلو يا تفاحة زرقاء :)
    بس ابي ردود وتفاعل من باقي االبنات اللي مايقصرووون
  3. @lojain99

    مو لازم تدري انك بتطلعون بس الله يعينكم على الصغار :) ما يسكتوون. بصراحه انا لو في مكانكم ما أقعد يش دخلني فيها و أنفصل بحياتي

تابعي تجارب أخرى من هذا القسم.