أم زوجي (بعد اعادة الكتابة)

السلام عليكم
أخواتي عندي مشكلة مع أم زوجي الله يهديها
دايما لماأطلع مع زوجي أقوله قل لعمتي تجي معنا بصراحة لأني أخاف الله فيها وماودي تزعل لأنا ساكنين فوقهم ولابد بتدري عنا وودي اعينه على برها
وأحيانا نطلع كلنا مع أخوانه وزوجاتهم وكذا نستانس وكله تمام
لكن حبيباتي المشكله اذا رحنا احنا وياها بس ،هنا تتصرف تصرفات غريبه مع الوقت والتكرار طفشتني وماأدري هي وش تقصد ولية تتصرف كذا وهي أنها تقعد تهمشني لأبعد حد وتسولف مع ولدها وأنا على جنب طنااش واذا حاولت أسولف تناظرني بنص عين وترجعتسولف ايييييه يافلان وكذا ياوليدي وتسفهني مأدري وش فيها علي
وهي اصلا طبعها انتقادي وتنقدني في كل شي وتستهزأ واحيانا تعيد الكلمة اللي أقول بتصغيير الصوت وتقول ايييه ايييه يا مشاء الله عليييك
والله يابنات طبعي خجول وهادي بس مدري علامها
وأحيانا تقول يالله نتمشى وخل فلانه وولدها عند اغراضنا يمكن بهاذي تمزح مادري لكن اسلوبها يألمني واسكت وابتسم وزوجي مايمشي معها لايجلس عندي مايروح معها
الى أمس بنطلع قلت ماني قايله لزوجي خذها وان قال هووالله ماني رادته وفعلا قال أقول لأمي تجي ؟
قلت خلاص وجت معنا وكالعادة اسلوبها لكن صرت اتحامل على نفسي وهي بالعاده بس افتح فمي الا هي بحلقي تتهزا فأطر اصير ساكته حتى ماتحرجني .... لكن قلت خليني احاول اسولف معهم فسألت زوجي حنا الان نمشي باتجاه وسط الرياض لأن المكان أول مرة نروح له ...فقالت ايييييييييه وسط الرياض شوفي كيف المباني والشوارع ماهي (وسمت ديرة أهلي) أنا سكت ووصلت حدي ياربي هذا وتونا بالسيارة مابعد وصلنا وقعدت استغفر
والله يابنات احترمها وأقدمها وأنا اللي ابغاها تروح معنا ليش هي كذا احسها تتوقع ان ولدها غاصبني انها تروح معنا وأنا والله لوقلتله خلنا نروح لحانا كان قال خلاص بس اراعي مشاعرها وهي لا
للمعلومية هي ماتتصرف كذا أذا احنا ببيتها أوهي ببيتي لوحدنا لا بس أذا أحنا مع ولدها وخاصة اذا طلعه ياساتر
بالله فسرولي تصرفاتها وايش اسوي
سبحان الله وبحمده

22 تعليق 2,623 مشاهدة

شاركي في النقاش

سجلي الدخول لإضافة تعليق.

التعليقات

22
  1. @alshathroan

    طيب موب لازم كل مره تاخذينها
    يمكن تحسب ان زوجك غاصبك
    على العموم مالك الا الصبر ولاتتذمرين منها قدام زوجك
    وادعي ان الله يكفيك شرها ويسخرها لك
  2. @am_alamyr2009

    يا اختي وش غاصبك تاخذينها معك كل مره
    وجزاك الله خير على مراعاتك لشعورها يابنت الاجواد
    وممكن تتفاهمين مع زوجك مو كل طلعه تروح معكم
    مره ايه ومره لا
    وطنشي
    ولا تتكلمين بحظرتها ولاتعلقين ولاشي خليها تحس على دمها
  3. @pink_fo0ofo0o

    مرة روحو معاهم ومرة لوحدكما

    ويمكن تبي تطفشكم حتى ماتخذوها وتبي تجي منكم يس مستحية تقول لا
  4. @aayshty_hnyh

    شوفي خلي طلعتك مع زوجك بروح وطلعتها مع ولدها بروح امبين عليها تبي تطلع مع ولدها من غيرك وقولي لزوجك انها تضايقك ادا صرتو مع بعض يمكن يقولها انك ام اولاده ولا يرضى ان احد يضايقك وتحرم ترمي هالكلام انا صارلي نفسك اول الزواج فخليته يروح معاها بروحهم والكل ارتاح بعدها والحين احيانا ناخدها معانا ولاحضت لانها بطلت اسلوبها الاولي وصارت احسن
  5. @ansh_mnshn_obs

    السلام عليكم
    اختى خلك بروح رياضيه لاتاخذينها بحزازيات انا اعلمك شلون
    ان قالت هذي ماهيب اراضيكم او مدينتكم قولي افا يا خاله وش تقصدين؟ ماهي زينه؟ احرجيها باحترام
    مثلا قلدتك في صوتها قولي لها يا خاله نفسي اسجلك واسمع صوتك غير تموتين ضحك خذيها بوناسه ^^
    وان قالت خل فلانه وولدها مع الاغراض قولي لها قولي لها وش شايفتي ياخاله الله يهديك عربيه نقل عفش ولا شنو يعني تعرف انك تردين لكن بطريقه محترمه وانك ما تعدين كلمه لها وتصير تحاسب على كلامها ونفس الوقت ما خسرتيها

    يعني لاتسكتين لكن لا تردين الا برد عادي هاديء ومحترم يعني علقي على كلامها بدال هي ما تعلق

تابعي تجارب أخرى من هذا القسم.