تجمع جديد ......بس للي موعد ولادتها شهر اربعة.........حياكم

هلا اختي أم شما ....
مشكورة حبيبتي على الاطراء .... انا من محبين مادة التعبير ... تحملوني الى ان اولد ... بعور راسكم :icon29:
يا الله نكمل ....
بس نرجع شوي لورى قبل الولادة .... طبعا لبست ثياب المستشفى ....وهم عادة يدخلون الوحدة غرفة الطلق وبعدين غرفة الولادة .... لكن لأن زوجي بيكون معاي ... ما جلست في غرفة الطلق لأنها كانت مشتركة .... المهم طلبوا مني امشي في الغرفة وكل شوي يجبروني ادخل الحمام .... وانا غشيمة ما ادري ليش ( اول مره ) .... وطبعا كل شوي اتهاوش معاهم :angry2: والممرضة تقول لي لازم حتى البيبي ينزل ....
تركوني شوي وانا احوم في كل صوب ( كان الالم خفيف وكنت هادئة ) لحد ما شفت دولاب شفاف ؟؟؟؟؟ ؟؟؟؟؟؟
طالعت داخل الدولاب شفت اهواز وحدايد وابر وشغلات غريبة ( يمـ ـــ ـ ـ ـ ــــــه !!!!! ) ليش ؟؟؟ ويش ناوين يسوون فيني ؟؟؟ ( اختكم خوافة ....""")
بالصدفة دخل زوجي ... وشافني مخترعة ولوني شاحب :eek: ... قلت له عن الاغراض الموجودة قال لي لا تخافين ... هالاغراض يحتاجونها للعمليات ...
المهم وصلت الطبيبة المناوبة .... وكانت مكشره ووجها ما يسر ( يعني :mad: ) تخوف .. لا سلام ولا كلام ولا حتى ابتسامة .... طلبت من زوجي يطلع من الغرفة شوي ...( اختكم ... :D .. ) خفت من الطبيبة ....
طلبت من الممرضات ...( يالله جهزوها للكشف !!!! ) .... يا ربي من وين ياتني هالمصيبة ( اقصد الطبيبة ) اي كشف انا مو فاهمة ....
( هذا المشهد مؤثر .... خلكم وياي ...) .... طبعا مثل ما انتوا عارفين ان الفحص لمعرفة مدى توسع عنق الرحم ... وانا جلست متغطية باللحاف ( اذا فيكم خير قربوا لي ...) .... ( مستحيل اتكشف على احد ...مستحيل !!!! )
الطبيبة المكشرة ما جابت خبري ... ولا كأنها تشوفني ... بس الممرضات قاعدين يتحايلون علي ... ( يالله ماما ( فلبينيات ) ن شاء الله ما فيه الم ...) ... وانا رافضة الموضوع ... تصدقون رقوا لحالي وقالوا للطبيبة اصبري عليها شوي ...تراها اول مرة ومو متعودة .... بس عاد من يسمع ؟؟؟

انتظروني للقصة بقية .....

خخخخخخخخخخ انتي فن يا رشة عطر
في الانتظاااااااااااااااااااااااااااااار على مدار الاخباااااااااااااااااااااااااااااار :D

محد قدي،،، الله يا حظـــــــــــــــج ما باقي لج شيء وتولدين ان شاء الله

الله يسهل عليج وعلينا ولا تنسين عاااااااااااااد تدعيلنا نحن خواتج اللي نحبج

رحاا،، هلا عيوني،، انا الحمدلله تمام والكتكوتة تسلم عليج

ما اظن انه الحليب والتمر هو اللي سبب لج المغص،، يمكن هذا اللي تحسين فيه التقلصات العادية اللي بتبدى تزيد هالفترة استعداداً للولادة..
بالعكس المفروض نكثر من اكل التمر لانه فيه خير لنا وللياهل..هجووووووووووم على التمر

اما عن اغراض الكتكوتة ف بعدني ما خلصت كل شيء،، باقي لي تقريباً الشنطة والمطرح المستخدم لحمل البيبي وطبعاً البامبرز**ما يباله ذكااااااااااء**

بتشوفونهن جرييييييييييييب ان شاء الله


تحيــــــــــاتي،،

خواتي ورفيقات دربي

كيفكم مع الصلاة يعني وقت السجود والركوع
انا مااقدر اطول فيها

الله يعين بس

رشة عطر امتعينا بقصتك

مشاء الله يا كثرناااااا ارانب والله اخاف ما القى لي سرير في المستشفى ولا وحده ىمنكم تولد في الحمادي ولا بزعل