بالله عليكن بالله عليكن بالله عليكن تدخلوا وتدعولي

اخواتي الحبيبات خلاص انا يأست وما إلي بعد رب العالمين عز وجل غير دعاكن لي
انا صارلي 10 سنوات مزوجة حملت بعد اول شهر زواج سبحان الله ولم يكتب الله لي ان اكون ام سقطت بأول الرابع ومن وقتا ما شفت الحمل
عملت كل شي واخدت كل شي وعملت اطفال انابيب وتلقيح اصطناعي وما مشي الحال الحمدلله
عملت كل الوصفات وجربت العلاج بالرقية الشرعية كمان ما مشي الحال
زهقت والله زهقت كنت دايما بتذكر ان الله لا يمل حتى يمل عبده بس نحنا بشر واحيانا كتير يتسرب اليأس الى قلوبنا
المشكلة انه ما في سبب يمنع الحمل يعني عقم غامض السبب خايفة اجرب اطفال الانابيب تاني يخيب املي تاني واللي جربت بتعرف اديش خيبة الامل مرة
المشكلة ان زوجي كان مزوج قبلي وعنده صبي صار عمره 13 سنة وحماتي الله يسامحها عمتتجاهلني وتهتم بالصبي وامه مطلقة زوجي بالتلاتة بحجة انها ام الصبي تخيلوا بتلفن لابنها على البيت وانا قاعدة حده تسأل عنه وعن الصبي وانا لآ :icon33:
تاني مشكلة ان عيلتي بمصر وانا هون وحيدة بلبنان يعني مهمومة من كل النواحي

اخواتي انا عارفة اديش انتم طيبين وحناين وقفوا حدي اختكم في الله بحاجة الى دعاكن وكل واحدة تفوت وتدعيلي من قلبها الله ينولها ياللي بتتمناه ويسخرلها زوجها ويجعلها وحدها بقلبه وعينه واللي عمتتمنى الانجاب ما يمر هالعام الا وهي ام فرحانة بوليدها واللي عندها اولاد تفرح فيهم وتشوفهم شباب وصبايا يقروا العين واللي بعد ماتزوجت يبعتلها الله ابن الحلال ياللي يصونها ويتقي الله بيها وما تذوق ابدا مرارة الحرمان من الولد ويكتب لكل اللي تدعيلي من قلبها وتأمن على الدعاء زيارة الكعبة وقبر سيدنا محمد ويرزقها حفظ القرأن الكريم يارب

اخواتي الله يعلم انا لا انساكن بدعائي والله العظيم اللي بعرفها واللي مابعرفها فلا تنسوني بالله عليكن جزاكن الله خيرا عني