تخرجنا وقعدنا في البيت وذبحنا الروتين .. تعالوا بقول لكم شي

السلام عليكم ورحمة الله وبركاته

بصراحه انا متمــلله حدي اكتب هالموضوع والدنيا صاكه في وجهي ابوابها

تعرفون ليش ؟؟؟


لاني احس بلا قيمة ولا هدف في الحياة .. والروتين ذبحني ...

بنات انا عارفه ان فيه مثلي وااايد والمنتدى مليان ...

عشــان هالشي .. خلونا نتساعد في حل مشكلتنا مع الوقت ...

اللي عندها افكار او هوايات او اعمال يدويه تعطينا الطريقة عشان نقتل الفراغ .. تخرجنا وقاعدين في البيت لا شغله ولا مشغله ... او خلونا نتــنافس في عمل شي ..

مثلا

تصميم شعار او توقيع _ الخياطه _ الطبخ _ الرسم _ ااي شي وخلوا بينا تنــافس شريف وعرض في نهايه كل اسبوع للشي اللي تم انجازه

حياتنا صارت نــوم + تلفزيــون + تلــفون + انترنــت ........ وبعدين ... ؟؟؟

وين سد الفراغ بالعمل النافع ..؟؟ حاولت احفظ القرأن والحمدلله ربي رزقني من فضله وحفظت جزء عم .. لكن توقفت لان الدورة انتهت .. ومافيه مسجلات كفايه عشان يفتحون حلقة للجزء 29 ..

صار وزني 55 من عقب ماكنت 60 :( وجاني القولون والمعده .. من التفكير والهم صج ان الهم قــاتل .. !! بتقولون قعدي مع اهلج .. اقعد واطلع مشاوير وزيارات والحمدلله انا اجتماعيه فوق ما تتصورون ... لكن عقب مارجع من مشواري احس اني ما استفدت اي شي !!

ابي احرك عقلي ابي احرك يدي ... ابي احس ان عندي عمل يسد فراغي .. آآه عليج يالجامعه كنتي ساده كل فتحه من الفراغ اللي فيني

بنااااااات خلونا نساعد بعض ... حطوا يدكم في يدي .. وخلونا نكسر الروتين والاحساس بعدم الرضا عن النفس والشعور بعدم القيمة !!

الله يخليكم ... ابي اشوف الهمه .. والتــنافس الشريــف :)

احبكم في الله

47 تعليق 5,260 مشاهدة

شاركي في النقاش

سجلي الدخول لإضافة تعليق.

التعليقات

45
  1. كع كع كع كع كع <------- صوت سيارة يالله تمشي :D

    قسم ضحكتيني أنا زيك بس أنا أحسن تدرين ليه لأني لأني


    لأني



    تعودت بصراحه :)

    لي 3 سنين تقريباً بسم الله علي الله يحرسني من العين

    ماتوظفت ولا فيه وظايف سنعه أصلاً ... ولا فيه رجاجيل عشان نتزوجهم خلصوا هههههههههههههه

    راحت علينا ضيعنا عمرنا بالعلم والعلم مانفعنا <---- بتبدا تغني انا المسيجييينه انا هههههههه

    وسعي صدرك بسسسسس وصحيح ملل بس دبري عمرك مسايير وطلعات وعزايم

    اشغلي وقتك ... بس يالله عطينا أفكار ترا مخي مصدي خبرك سنين مرت عليه مااشتغل

    فـ إذا عندك حاقه نتشارك احنا وفتيات المنتدى ماعنديش ايتوها مانع :D
  2. @alrym_ktr_1

    صاحبة الموضوع
    خخخخخخخخخ

    انا صار لي 10 شهووووووور من تخرجت وزهقت حدي والله ..

    اي والله تعلمنا والعلم مانفعنا .. شهادات معلقه في المطابخ

    هاهاها وتعب 6 سنين دراسه جامعيه راح هباء منثورا ...
  3. @solaf2005

    انا متزوجة بس حالي بالضبط مثل حالك000والمشكلة ان ربي اعطاني موهبة في الاعمال الفنية والكل يقول لي لية ما تستغلينها000والمشكلة اعمالي كلها لغيري وبيتي فاضي ما فية ولا عمل لي 000ما ادري لية ماني قادرة انتج يمكن من كثر ما عشعش براسي الزهق وفتور الهمة 000بس ياللة انا معك وش تبين نبدا فية00
  4. كـحـيـلـه
    كع كع كع كع كع <------- صوت سيارة يالله تمشي :D قسم ضحكتيني أنا زيك بس أنا أحسن تدرين ليه لأني لأني لأني تعودت بصراحه :) لي 3 سنين تقريباً بسم الله علي الله يحرسني من العين ماتوظفت ولا فيه وظايف سنعه أصلاً ... ولا فيه رجاجيل عشان…
    ههههههههههههههه دمك عسل
  5. @rosee

    بالعكس انتي محظوظه انه عندج وقت فراغ كبييييييييييييير

    انا لو منج احفظ سورة البقره

    اقوم الليل كللللللللللللللله

    اصوم يوم افطر يوم

    اختم القران كل ثلاثه ايام

    اطبخ اتفنن في الطبخ

    صحيح العمل يلهي بس احس لو سويتي جيه مثل ما اقولج

    اعتقد بيلج الاثنين الشغل مع المعرس في نفس اليوم

    يالله من فضله

تابعي تجارب أخرى من هذا القسم.