الخيانه الزوجيه

مسائكم خير يا قميلات
انا من كم يوم افكر في الموضوع وابغا اتناقش معاكم واشوف وحهات نظركم
وابغا اعرف رأيكم في وجهه نظري

انا اتكلم عن موضوع خيانه الرجل ( الزوج) لزوجته
والله اني احزن لمن اقرأ عن هاي المشكله بس المشكله مو هنا
الغريب فيكم انتم وفي طريقه تفكيركم ( او انا على الاقل شايفتها غريبه) يعني الوحده تشتكي من خيانه زوجها
وتجوا انتو تجلسوا بس تدعوا وتسخطوا على البنت اللي معاه ( شريكته في الخيانه) وانها بنت حرام وانها لفت عليه وكلام مره كثير
انا ماانكر انها بنت سيئه بس في وجهه نظري الاسؤا هوا الزوج
1- عنده زوجه 2- عارف حكم الزنا ( الخيانه غالبا تبدأ بمكالمات وتقلب على زنا) والمشكله حكمها للمتزوج بالدات شديد جدا ومافيه تساهل رجم حتى الموت
3- ممكن البنت اللي معاه ماتدري اصلا انه متزوج

الاثنين غلطانيين بس الفرق هوا خائن محصن يعني للامانه تجلسوا تسبوا في البنت وتنسوه او تتجاهلوه كانه مسكين انضحك عليه
اصحوا يابنات اللي يبغا يخون يخون بمزاجه وبرضاه وهوا بنفسه يجري وراء طريق الحرام مافي بنت تقدر تغصبه يكلمها ( حتى لو جريت وراه وهوا فين دينه فين احساسه بزوجته )

لا واللي استغربله اكثر واكثر سامحيه اشان ماينخرب بيتك ( هوا في اكثر من كدا خراب؟)
واللي تقول ابغض الحلال عند الله الطلاق
والله احس نفسي ابكي من كثر ماتقهرني الجمله تعرفوا ليش ؟
على الاقل الطلاق حلال بس الخيانه حراااااااااااااااااااااااام وحدها الرجم حتى الموت
يعني بجد بنات ادا الزوجه تنخان وتسامح اشان تحافظ على بيتها ( هادا ادا اصلا في بيت تحافظ عليه) اش تتوقعوا الزوج بعد كدا رح يسوي
يعني والله ادا انا مكانه مو بس اخونها ؟ الا اجيب البنت للبيت واخون مرتي قدامها وفي غرفه نومها
لانها بلا احساس وماعندها شويه وازع ديني
المفروض الوحده تفضحه وتبلغ اهلها وترجع لبيت اهلها تعمل لحالها قيمه وقدر وماترجع الا بعد ماتخليه خلاص يفقد تماما الامل في رجعتها ويسير زي المجنون ويجي يتعهد قدام اهلها بانه مارح يعيدها
اما لو انا اللي في هادا الوضع صدقوني والله لارميله البنات وانزل بيت اهلي وانا للي اخلعه اشان خلاص ماعاد في اي امل بالرجعه

ابغا اعرف اش اراءكم حول الموضوع