شاركي في النقاش

سجلي الدخول لإضافة تعليق.

التعليقات

2,260
  1. @rhaa

    ام هنووود انا الحمدلله بخير
    انتي كيفك وكيف الكتكوتة فديتها الله يحفظها لك
  2. رحاا
    هلاااا محد قدي كيفك وكيف حملك انا الحمد لله بخيرر والبيبي بخير عدا شوية مغص باسفل بطني الحمدلله
    صباح الخير ... يا حلوات منورين ... ( اي صباح الا جات العصر )....

    أم شما .... تصدقين طول الليل اتقلب خصوصا البارحة حسيت بالم وخفت اسويها وولد قبل موعدي .... وبعد الصلاة انخمد وما اقدر اقوم ......

    ام هنود..... هذي اللي تحسين به هو الزعطة او ( البفاق ) :D ويمكن تحسينه من تحت او على الجنب على حسب ظهر البيبي ..... ويا كثر ما يصير لي ... على فكرة هو من العلامات الجيدة اللي تدل على صحة البيبي لأنه قاعد يدرب الحجاب الحاجز تمهيدا للتنفس بعد الولادة .... عساه بالعافية ....

    ايثار قطر .... لا تخافين ( على قولة زوجي ... حسبالك انت الوحيدة اللي تولدين ... يا ما شافوا غيرك وغيرك ... وهذي مهنتهم وكل واحد ونيته .....) ثانيا مع الالم تفقدين الحياء واي احساس آخر ....

    اساور... ايه والله كل فرض اصليه احس اني ركضت كم كيلو متر ( نفس سريع ... والنبض يزيد ... وراسي يدور ) ... لكن الصلاة سبحان الله من افضل الرياضات للحامل .....

    رحاا... شخبارك .... خلاص بكمل القصة !!!

    وين وصلنا ؟؟؟؟ .... ايه يوم الطبيبة المكشرة تفحص علي ( سببت لي عقدة ) .... طبعا المتني لدرجة اني فزعت المستشفى من الصراخ ... وهي مستحمقة فيني .. :angry2: ... حرام عليها اظافرها كانت طويلة وما حطت جل كفاية :30: ..... ( المفروض ان طبيبة التوليد ما فيها اظافر ...)
    انتهى الفحص ( بس لا تخافون .... اذا ما تبون تتالمون .. خذوا نفس ورخي عضلاتكم وان شاء الله بيكون الفحص عادي .....) .... المهم انا ما نزل علي ماي ولازم يشقون الكيس حتى يزيد الطلق واولد بسرعة .... ( احسد اللي ينزل عندها الماي بروحه ... لأني كل مرة نفس المعاناة ).... بعدين زاد الطلق عندي وانتهت مناوبة الطبيبة وافتكينا ... وجات لي طبيبتي اللي اراجع عندها كانت استشارية هندية :43: وكبيرة في السن ... قالت لهم يغيرون غرفة الولادة الى غرفة اكبر .... اشرح والشمس فيها طالعة :41: ....... وانا كنت مثل السكرانة بسبب ابرة البيثدين والطلق يروح ويجي ....قمت اهلوس ( ما ادري يمكن سبيت احد .... سامحوني ) وزوجي المسكين مع كل طلقة اتجي له كفخة على وجهه وهو متحملني ..... الغريب ان الطبيبة كانت تسوي لي مساج عمري ما شفت مثله خلى طلوع الراس سهل وسريع .... طبعا الموقف ما ينوصف دموع الفرحة :icon33: ... وانا اشوف بنتي لأول مرة واحساس الامومة شي جميل ... :33: الله يسهل لكم ويرزقكم بالذرية الصالحة ان شاء الله .....
  3. رشة عطر..هههههههههه حلوة والله قصتج، تقريباً مثل قصتي خاصة عند هالمقطع:
    (قمت اهلوس ( ما ادري يمكن سبيت احد .... سامحوني ) وزوجي المسكين مع كل طلقة اتجي له كفخة على وجهه وهو متحملني )

    انا مع كل طلقة كنت امسكه من دشداشته تحت رقبته بشوي واناظره بعصبيه واقوله بمووووووووووت،، وهو مسكين يمسح على راسي ويقرا عليه، واقوله بس اسكت لا تتكلم ما ابا اسمع صوت ويسكت وحليله..
    ويوم تتكلم "السستر" اقول لزوجي سكتها لا تخليها تتكلم ولا تلمسني، وتضحك وتسكت غصبن عنها فقيره..
    ما ادري ليش لما كانت تجيني الطلقة ابد ما كنت ابي اسمع صوت..؟؟ (ما ادري انتوا مثلي ولا لأ؟؟)
    وعقب الولادة تميت حاسه بتأنيب الضمير لأني عاملته بهالطريقة..(غمضني صدق)

    وعقب ما طلعت الكتكوتة ما حسيت بشيء مووووووووووووول، دوخت ولا اذكر حتى اذا حطوها على صدري ولا لأ.....

    بس كانت مغامرة حلوة مع انها متعبة شوووي...

    اللي يسهل علينا هالولادة ان شاء الله..
  4. @aythar_ktr

    رحاااا
    انا ماجربت كشف الولادة بس أكيد انشالله بقول لكم عن تجربتي ويالله مثل مايقولون بتتعودين هذا انا أقنع نفسي اني ما أستحي على ويهي خخخخ
    رشة عطر
    مشكورة على رفع معنوياتي كنت محتاجة لكلام يقنعني انا صراحة متوترة وخايفة شعور طبيعي يصادف أي وحدة رايحة تجاهد يعني تولد لأن الولادة جهاد وجهاد في سبيل انها تلاقي عيال يسمعون الكلام وآخرتها لسانهم يلوط أذانهم :30:
    ام شمااا
    حرام عليج زوجج بس احمدي ربج انه مقدر معاناتج وحاولي انج ماتعيدينها ترى مو كل مرة ينسكت لج ههههه :024:

تابعي تجارب أخرى من هذا القسم.