السلام عليكم ورحمة الله وبركاته
كيف الحال اخواتي
زي مهو واضح من العنوان انا من مكه
وابى اسجل ولدي في مدرسه خاصه
ياليت كل الامهات يشاركو بافضل مدرسه
عندنا في مكه عشان نستفيد من بعض
بس انا ماعندي فكره عن احسن المدارس
الي يهمني يكون عندهم اخلاص ويوصلو المعلومه
وينمو القدرات الى فيهم ويقو اللغه الانجليزيه
يعني بالعربي ابغ مدرسه نموذجيه في كل شي
ابى نظام ونظافه وادب
اخواتى مين تعرف مدرسه بهذي المواصفات تقولى
اي ام عندها اضافه تتفضل اهم شي اطفالنا نسجلهم
في مدرسه تنمي مهاراتهم
وانتظركم
شاركي في النقاش
سجلي الدخول لإضافة تعليق.
التعليقات
9- ايش فيكم يا امهات مكه
مافي الا انا ابي اسجل ولدي في مدرسه خاصه - اهلي حبيبتي
الناس يمدحو الابناء النجباء في السبهاني
وعلا مكة في الشوقية
وبشائر الابداع برضو في الشوقية
وانا صراحو ولدي عمرو 3سنين ونص دخلتو في الخالدية روضة دار الباقيات الصالحات
حلوة بس يهتمو بالقران بس حلوة ماشاء الله
يعني ما عندهم انجليزي كيييمو اهلي حبيبتي الناس يمدحو الابناء النجباء في السبهاني وعلا مكة في الشوقية وبشائر الابداع برضو في الشوقية وانا صراحو ولدي عمرو 3سنين ونص دخلتو في الخالدية روضة دار الباقيات الصالحات حلوة بس يهتمو بالقران بس حلوة ماشاء الله يعني ما عندهم انجلي…
الله يسعدك اختي كيمو
طيب ممكن ارقامهم او العنوان
عشان عمري ماسمعت فيها
على فكره انا اقصد مدرسه مو روضه
جزاك الله كل خير- سمعت عن ابن الصلاح بالستين ماشاالله يهتمون
- هلا عزيزتي
بصراحة المدارس في مكة مو ذاك الزود للأسف ،، يعني ماأظن تتوفر كل الشروط المهمة في مدرسة وحدة ،، باأقولك من تجربة ,,أنا ولدي أولى ابتدائي سجلته في ابن الصلاح وبعدين نقلته الفرقان في حي الحمرا مع ان ابن الصلاح بصراحة كويسة ويدققوا على مستوى الطفل ويركزوا عليه بس للأسف الزين مايكمل ، المدرسة مبناها قديــــــــــم جداااا وضيق والفصول ضيقة طاولاتها قديمة والطلاب كثير حسب ماقالي أخوي لكن بصراحة المدرسين ممتازين ماشاء الله ياليتهم بس يغييروا المبنى ويروحوا مكان محترم يليق يكون مدرسة .
عشان كذا اقولك ماتجدي مدرسة متكاملة من جميع النواحي في مكة ، بس الله كريم
سمعت ناس يدحوا في مدرسة الفرسان بس والله مااعرف اذا كويسة او لا !!
آسفة بربرت كثير بس حبيت أفيدك
تحياتي للجميع
مواضيع مشابهة
تابعي تجارب أخرى من هذا القسم.