أفضل مستشفي للولاده بالرياض

وش صار عليكم يا بنات

للرفع

يا عمري يالسندريلا ..المستشفيات توافيق مثل ما قالوا البنات حسب دكتورتك والقابلات المناوبات ...
فيه ناس يمدحون الحمادي وعني انا اشوفة تجاري بحت وفندق خمس نجوم ..

المشاري ابدا ما يعجبني وجهة نظر ووحدة من قرايبي تهاوشت الدكتورة حقتها مع القابلات تدرين ليه عشانهم يقولون عمليه والدكتورة تقول لا وطردتهم من الغرفة ويوم ولدت طبيعي اخذو الولد وعلى طول للعنايه مع انه ما فيه شي ..وجلس يومين ويوم جت بتطلع قالوا ان حالت الطفل ما تسمح وتصدقين ان ابو الولد قالهم لو ما طلعتوه ابي اجيب الشرطة ويوم شافوه صادق طلعوا الولدوالله ما فيه شي ما شاء الله ...وبعدين اثاثهم على خبري خايس ومستهلك ..
رعايه الرياض بالنسبه لي حلو لاني دكتورتي دائما معي وهي شاهدة ..
المملكة ما اعجبوني القابلات ابدا يسولفن برا وانا جالسه ارجع (وانتم بكرامه )ولا يدرن عني ويعاملوني كاني دبشه ولا افهم شي وزاد الطين بله ان الدكتورة ما جت واخرتها تولدني الاخصائيه لان الاستشاري الموجود رجل ..
المواساة اعرف وحدة تمدحهم وعني انا اشوف انه مستشفى الاشباح ...
المركز التخصصي ما ادري عنهم لكن اثاثهم بايخ واسعارهم مرتفعه(اقصد الاجنحة وهي ما تستاهل )
هذا الي عندي وتراها وجهة نظر خاصة ..

هلا حبيبتي..
حبيت أفيدك بتجربتي..
أنا ولــدت في مستشفى دلة..دلة وبس..وإن شاءالله كل ولاداتي الجاية في دلة الله لا يعوق بشر...
أولا يستقبلونك وأنتي مختبصة وحالتك حالة ويخلونك تسترخين في غضون ثواني بتعاملهم الزين..وغرفة التحضير خاصة فيك ومعزولة عن باقي الغرف..وغرفة الولادة كان معي قابلة بريطانية مسلمة إسمها إيمــان..مسلمة..للحين أدعي لها الله يوفقها..كانت مرة واثقة من تصرفاتها لدرجة إن الاستشارية كانت تدخل الغرفة شوي وتطلع لأنها معتمدة عليها مرة..
بالنسبة لي, ولّدتني القابلة والحمدلله, وخيّطتني "نور عيني" أريترية..بس خياطتها شي ماشاءالله..طلعت من النفاس بدون أي مشاكل..
إبرة الظهر ما أخذتها بصراحة..بس زميلتي كانت تاخذها بالعسكري ومامدحتهم, وهالمرة أخذتها في دلّة تقول ماحسيت بشي أبد, وما يخرشونك, واللي تعطيكياها استشارية..مو رجال..
الله يهون عليك ويقومك بالسلامة...أتمنى إني أكون أفدتك..

انا ولادتي كانت بمشاري مرررره حلو عند دكتوره سهيله تعاملها يجنن
وعلى انه فيه زحمه عندها لكن من يوم ماتدخلين عليها على طول تعرفك ما تنساك وانا
ولدت عندها قيصريه عطتني موعد العمليه الساعه 7 الصباح وانفكت المويه على الساعه 2
الفجر ورحت عندهم و كلموها وعلى طول جت وكانت تمزح معاي تقولي (( شنو هذا ماخليتيني انام )) وجرح العمليه ماتعبني والحمدلله ماله اثر
واختي ولدت عندها طبيعي وتقول خياطتها تجنن وهي بنفس الوقت تجميليه
هذا كل الي اقدر اقوله حتى قابلاتهم ممتازين بس انا مااطلبهم كثير لان امي عندي
صحيح غرفهم مب ذيك الدرجه لكن التعامل اهم شي ........ وابره الظهر مالي علم فيها؟؟