تجمع جديد ......بس للي موعد ولادتها شهر اربعة.........حياكم

إيثار قطر،، ان شااااء الله ما اعيدها وياه هالمره،، بس صدقيني هاك الحزه كله اللي تسوينه يكون غصبن عنج لا شعورياً..
الله يستر بس.. :D

رحاا،، هلا حبيبتي،، الله يفرحج بمولودج ان شاء الله اللي بينسيج كل الألم اللي حسيتي فيه،، ويعوضج خير يااااااااااااارب

أساور،، "نصيحه اختويه" (لأننا بنااات) خخخخ،، دخلي زوجج وياج هالمره وخليه يعيش المعاناه اللي تعيشينها وبتشوفين كيف الدلع بيزيد بعدييييييييييين ههههههههههه;)

رنا محمد، gold star، هلا وغلا بخواتي،، حياكم الله ويانا،، انتوا ماشاء الله ويا رحاا...
بنشوف مين اللي تفوووووووووز فيكم بهالتاريخ الحلو،، (يمكن أنا... :D ) انتي شو دخلج بينهم...؟؟ :024:
لا صدق خاطري اولد بهالتاريخ، لأنه مميز جداً بالنسبه لي :32:

تحياتي للجميع بدون استثنااااااااااااء.. :2thmup:

ام شما----- عقبالك ان شاء الله والله اني خايفه خصوصا ان الدكتور قالي احتمال تولدين مثل عيالك اللي قبل 37 اسبوع قررررررررررربت ساعة الصفر وان شاء الله بدعيلكم

ام هنوود--- حلوه الزغطه ما شفتيه ببرنامج رحلة الجنين فعلا يقولون زغطه وانا دايم احس فيها احنا نسميها شهقه او شهاق

اساور ---- انا مثلك الصلاة يالله اقوم من السود وبالحسره اسجد

بالنسبه للبيبي انا اعطيه مغلي نعناع مع يانسون وسكر نبات كل يوم قبل ينام عشان الغازات والله مريحه مره

واعطيه بعد مريسة تمر ممتازه بعد

تحية لكل البنات اقصد ( البطبوطات ) .....

واحب اقول للجميع خصوصا للي خايفات من الولادة .... ان هذه التجربة لا تحضى بها الكثيرات ( يعني احمدوا ربكم انكم بتجربونها وبتحسون بحلاوتها :pbsmile: ) .... حتى لو كان فيها الم ....

وانت في غرفة الولادة تذكري شي واحد وهو ان ما احد يموت قبل يومه .... ( وان الولادة اعطيت للمرأة لأن الله هيأها لذلك وجعل تحملها للألم كبير ( واكيد انكم تلاحظون انكم يوم تمرضون وتسخنون عادي تقومون ولا تتشكون كل شوي .... بس الرجال :arb: شوية برد :08: ( سوى روحه بيموت :09: ) وطول الوقت منسطح :11retcher .... (((ولا احد يكلمني تراني مريض))) ....((( ما اقدر اطلع اليوم خلوها لبعد اسبوع !!!!!!! )))) .....

على فكرة الولادة ما يبي لها فن .... :rolleyes: ... ولا دراسة .... لأنك تولدين ولا تدرين كيف؟؟؟؟؟ ....وسبحان الله بس يطلع الطفل ... تقولين كأنك كذابة وتتصنعين الالم ..مو كأنك من شوي تصارخين :06: ...مرة وحدة يروح الالم ولا صاير شي يمكن شوفتك للبيبي تنسيك الدنيا بما فيها ...

محد قدي.. هلا عيوني.. شحالج..؟؟
الله يسهل عليج ان شاء الله،، بس عاد لا تنسينا مره بعد ما تولدين بالسلامه ان شاء الله
تعالي طلي علينا بين فترة وفترة..
أنتي وأساور وأم هنوود وكل وحدة دخلت التاسع وقرب موعدها.. لا تنسووووووووووونا وتعالوا شجعونا..

رشة عطر.. هيه الغالية كلامج صح100%،، الولادة إنجاز رائع الصراحة وما تصدقين انج عشتي هالتجربة وان هالياهل طلع منج..

الله ييسر علينا جميعاً...