تابع أكاديمية ستار بيبي مع المعلمه دفى شمس من الاسبوع ال25الى 32

ماشاء الله لامار باقي 3 اسابيع و تدخلي العد التنازلي

من الاسبوع 36 تبدا الوحده تنتظر الولاده بأي لحظه :)

اسعد الله صباح البطــــــات بكل خير

كيف حالكم ؟؟ عاملين ايه ؟؟

دفى شمس ..

الله يسلمك ياالغلا لاتقولين فقدتيني ترى اتشقق :27:
وابشرري بعلبه الشوكولا اللي طلبتيها بس مع الولاده مره
وحده تصير هديتك مررره وحده

ام الاميره ..

بالنسبه للأبره حقت الظهر انصحك نصيحه ماتستخدمينها ولاتفكرين حتى
صحيح بتريحك وقت الولاده بس وش فايدتها تشتكين منها بعد كذا 6 شهور
ألم في ظهرك ورجلك .. نصيحه اخويه ماافيه احلى من الولاده الطبيعيه
ولاتحرمين نفسك من أجر كيوم ولدتك امك من الذنوب خاليه
ليش احنا مأجورين على الولاده بهالجزاء العظيم الا لأننا نشوف الموت فيها
ويخلق لنا عمر جديد .. والا ماراح تستفيدين من هالاجر اللي يجيك

آخــــــــــر أخبـــــــــــــــاري

ابشركم باقي لي 11 يوم وادخل السابع >> مبسوطة ان الايام عدت
احس بثقل برجولي .. عسر في القومه والجلسه وخاصه الآلآم فضيعه بالحوض
والصفاق ... ادري بسبب توسع الحوض لاستيعاب حجم الرحم سبحان الله

ومثل ماذكرت اختي كراسه سبحان الله زي ماوصفتي احس انه في ضلوعي وكبدي
وحركته متنوعه في جميع اجزاء واركان بيته (بطني )
ومن شدة ارتفاعه والله ان بس كورة صغيره في كبدي وتحت السره فاااضي
مافي تكوير ابد ... مرتفع حييييييييييل
وسويت اشاعه بالخامس قالو لي ولد والعلم عند الله
>>>>> عندي احساس كبير انها بنت مدري ليه
بس ناويه اعيد التصوير اسويه في اول اسبوع من السابع ان شاء الله بس هالمره
على حسابي ... بنات فيه احد منكم سوت تصوير رباعي الابعاد ؟؟؟ ووين ؟ وبكم ؟

وزني اللهم لاشماته ينقص مايزود لدرجه خلو مواعيدي اسبوعيه وطلبو علي تحاليل
والله يعين بس :icon33:

وش بعد ماقلته لكم ..؟؟

ايه صح بالنسبه للمقاضي والشراء .. مافكرت للحين ابدأ بالملابس حقت الولاده
والنفاس تخبرون انا بنهاية الشتاء وكل اللي في السوق حق العام الماضي

اول ماادخل السابع ان شاء الله واتأكد من جنس البيبي راح ابدأ اقضي اواني لاتستغربون .. ناويه بااطقم فناجيل قهوه وبيالات وطوافير وكاسات عصير غير شكل
شفتها من كم اسبوع بيت عمتي بنتها والده خياااااليـــــــــــــــــه مع البريق والدله
وسألت عنها وحصلتها بمؤسسة الامل بس (طبعا انا في الرياض)
وناويه اشتريهم هالشهر :
12 فنجان = 220 ريال
12 بياله = 330 ريال
12 كاس عصير= 550 ريال
غير الطوافير الوحده بحدود = 200 ريال
غير المدخنه حقت البخور = فوق 100 ريال
وعليكم الحساب .. انتهت ميزانيه هالشهر .. وعندي افكار في كاسات العصير ممكن
اتنازل عن هذي وعندي كاسات ام ساق عاديه راح اشتري نوعين من القماش
التل ( بيج وتركواز لو كانت بنت ) و( كحلي وسماوي فاتح) لو كان ولد

والبس الكاسات بالتل وزينها بالشرايط والورد ..
وراح اجهز بعد السبت ( سلات) التقديم للحلى حق القهوه والشاهي
بااخذها اوديها محل تغليف هدايا يسويها لي نفس اللون الي اخترته تلبيس طبعا

وعندي شجره نخله زينه راح البسها الوان مثل اللي سبق وذكرت واعلق عليها
هدايا تذكاريه للبيبي للناس اذا جت تطلع من عندي ..

طبعا اهل زوجي شي طبيعي بيجوني دفعه وحده لايقل عددهم عن 40 حرمه
في ولدي البكر سويت بوفيه كامل وعشاء كلفني 6000 مع الهدايا من سعد الدين

هالمره مانويت احط عشاء بااخليه قهوه بس .. لكن بااتفنن في التقديم :2thmup:

بهالطريقه انتهت الميزانيـــــــــــــــــه ..

راح اكمل لكم وش باشتري وافكاري في ردي الجاي >> تعبت :(

هلا والله فيكم...
شكلكم اليوم نشيطين مره....حاطين صور..وأقتراحات..وأفكار....
ماشاء الله على النشاط....الله يديم عليكم الصحه..والنشاط..
أم حنونه....اي والله خلص الشتاء,,,وطلعت الجلابيات..حر..

أم اميره....اهلا وسهلا فيك معنا..ومنور المنتدى بوجدودك..
والله يسهل عليك..يارب..ولا تخافين ولا تحاتين..توكلي على الله فاطر السموات والارض انه بيسهل عليك الولاده..وما انصحك بأبرة الظهر...يقولون انها تسبب شلل..أو ركود في حركة الرجلين...لفتره ...والله اعلم ..وأسئلي الدكاتره الي معنا بالمنتدى,,
وشكرا على مشاركتك الحلوه..والصور الي حطتها..
وأنا لو اشتري هالسرير بيعدمونه عيالي قبل لاينام فيه البيبي!!!
أفضل السرير الصغير مره..
وأنا اذا ان شاء الله بجهز للبيبي بجهز ببداية الثامن او بنصه..علشان الاشكال الجديده تكون نزلة..وجات بضاعة الصيف..
وان شاء الله بجهز من زيروا تو ناين..الي هو سيتي بلازا..لان لبسه جوده..وأفضل من مذركير..بكثثثثثثثثثثير....

خميره فوريه...أسعدني مرورك..واهلا فيك..وأنتوا وين تجمعكم..؟؟؟؟؟

لامار..الله يهون عليك..وليه مستعجله على الملف الجديد...لان احنا لسه ب28اسبوع..

مراوي...أنتبهي على نفسك ترى مو شرط تخلصين التاسع!!!
لاني بالبكر ولدة بالاسبوع ال38...وأفتكية بدري..
ولا بالثاني خلصت الاربعين اسبوع بالضبطططططططططط..
وبالثالثه...زدة خمس ايام..
والله يستر هالمره..؟؟؟؟

حبيبة زوجها....ممممممممم انتظر الولاده بفارغ الصبر علشان اكل الشوكلاته!!! :angry:
وماشاء الله أفكارك حلوه..بس انتوا تتكلفون كثير...حنا ما نسوي عشاء..الا لما جبت ولدي الثاني تاخروا عندنا اهل زوجي فأضطرة امي تجيب عشاء..ولا حنا ضيافتنا قهوه بس على مستوى..
وانصحك لا تبذيرن..والاحظ ان اهل الرياض بصراحه بدون زعل..مبذريييييين..بالنفاس...يعني يطلع مثل العرس..
صحيح امي تشتري افخم البيالات والفناجين والصحون والملاعق والسكر..بس بحدود المعقول..
أنا عن نفسي الوحيده الي بين خواتي ما ابذر بالنفاس..لان رضى الناس غاية لا تدرك..والحمدلله اهل زوجي ما يحبون الشيء الزايد..يعني لو بسوي حركات بيطلعون وهم ينتقدوني على التبذير!!!
أرجوا انك ما تزعلين بس هذي وجة نظر..
أما جماعتي يحبون الزين والتكشخ..والرزه..وماشاء الله امي من هالناحيه مو مقصره مواكبه موضه المواعين اول بأول لان هذي هوايتها...الله يخليها لي..
وشكلي اصلا ما راح يزورني احد ببيت اهلي؟؟؟؟؟؟؟ :(
لان ولادتي اول يوم اختبارات...وانا ناويه هالمره ما اطول ببيت اهلي..!!!
يعني حدي 3او 4 اسابيع..بس..

الله سوالفكم حلوه وتوسع الصدر .............
....حبيبة زوجــــــــــــها الله يساعدك والله اشوفك متكلفه مره مره بوفيه ليش؟؟؟؟؟
الناس جايه تحمد لك با السلامه وتبارك با المولود بس زى ما قالت دفى اهل الرياض عليكم حركاتتتت خطيره الله يعينكم ..........

.......دفى اخبارك واخباركم بنات

مراااااااااااااحب

دفـــى شمــس

عادي يالغلا خذي راحتك وش يزعلني ..؟ وانتي صدقتي ماقلتي شي غلط
بس اقولك نقطه انتي واختي ام حنــونــــــــه على سالفة العشاء البوفيه
حطي براســــك انهم فوق 40 حرمه وش يعشيهم ؟؟؟

ذبايح ؟؟ طبعنا الذبايح تكون للرجال والحريم ندلعهم شوي :27:

بعدين تخيلي اكثر من مجلسين يمتلون حريم ... يعني هي مره وخلاص
وبعدين انا من النوع اللي افرق في الحمل سنوات عشان كذا الناس بتشوفني
كل 6 سنين .. مره ماراح يضرني .. اما اللي تخطط تحمل كل سنتين او 3
يحق لها ماتتكلف ..

انا قلت لك غيرت نظرتي على سالفة العشاء هالمره بحملي الثاني ..
وعالله توافق ام زوجي :( لانها ترفض سالفة القهوة عند هالعالم

والله يكتب الخير ومافيه :27: