شاركي في النقاش

سجلي الدخول لإضافة تعليق.

التعليقات

2,000
  1. @alfgralbaayd_5

    هلا ام كوني وعروسه
    شخباركم

    اكيد مافي مانع للفايده الي بتعم للبكريات ولنا وتفادي الاخطاء


    توليبا
    هلا وغلا
    والله مارحت سوق ولا ادري عن شي بس الي اعرفه ان بتكون هالشهر

    فونه
    انتي من الي نترقب ولادتهم هالشهر ربي يهون عليك
  2. @alfgralbaayd_5

    انا بالنسبه لي طبعا جهزت كل شي مع اختي وامي ليله ولادتي

    طبعا وانا بالمستشفى مااكلت شي غير كنت على طول اشرب مرة مع القهوة عشان الشمم

    وبس طلعت عاد بداء الجد

    كنت الصبح الساعه6 اقعد بما اني متعوده اقعد هالحزة بالمستشفى كان فطوري كوب حليب فيه ملعقه ماش مطحون وحلبه مطحونه واحليه بعسل طبيعي مااحط سكر ابد بالحليب
    وخبز صب مكوناته طبعا طحين بر او الاماراتي الي يسون منه خبز الرقاق مع حليب بودرة كل شي تقديري يعني ملعقه ولاملعقتين على حسب كميه الطحين
    ذرة ملح وسكر واحط حبه سوداء واخليه سائل بحيث اقدر اصبه ويكون رقيق
    طبعا الي ماعندها صاجه بمقلى تيفال احسن شي عشان سهل تشيلينها
    وطبعا يكون اوقات معه قرص بيض مقلي وجبن كرافت مبشور وعسل اغمس فيه على حسب مزاجي بس لازم اكل

    واخلص واخذ ملقعه ملين كانت كاتبته لي رنا وكان مرررة ممتاز

    بعدها اروح اريح لين الساعه 9 او10 واقوم اشرب لي كوب عصير ولا حليب واوقات يكون فيه فطور ثاني بس خفيف خبزة فيها جبن طبعا خبزي كله بر مااستخدم الابيض نهائي لان ينفخ البطن وفيه خميرة

    يكونون اهلي مهزين لي دله خاصه قهوة مع تمرتي الي فيها رشاد وسمن
    الدله فيها كسة صغيرة مرة وعنزروت وعود مسمار (عويدي)او مطحون على حسب
    والهيل شوي نونخه وكمون طبعا حب و6حبات حبه سودا والقهوة العاديه حق البيت يحطونها عالاشياء هاذي الي بالدله واقعد طول يومي اتقهوى منها بس جد تنظف وطبعا هالمرة راح ادخل القشر قهوة بدل القهوة لان افود لان كنت اشربه بس مو كثير لان القشر مرررة ممتاز

    والغداء
    يكون رز حساوي كبسه لحم ولا دجاج
    مع سلطه وشوربه وصحن فاكهه طبعا الشوربه لازم فيها ماش مطحون وحلبه وفلفل اسوووود
    والرز الحساوي تحط لي الوالده معه حلبه حب تطبخها معه

    طبعا اشرب لبن ولا عصير اوقات
    واوقات يكون الغداء مرقوق ولا مرق لحم او دجاج مع خضار وطبعا يكون الفلفل الاسود حاضر والحلبه والماش المطحونين

    مع خبز بر
    اوقات يكون قبوط واوقات خبزة الجنوب الي معروفه بالعصيده المالحه الي معها مرقه
    وطبعا الفطور بنات اوقات يكون خبزة اهل الجنوب ويكونون خالطين معها الحوايج الي هي ماش وحلبه مطحونه وحبه سوداء واكلها بعسل مع حليب طبعا اعيد واكرر ان الطحين كله بر واوقات فطوري عصيده امووت فيها
    وطبعا من بعد العصر خلاص العالم تبداء تجي ويجيبون من خير الله طبعا يادوب اذا فطاير اكل حبه وحده لان تنفخ وتسبب غازات فمنعت نفسي عنها
    فاذا جابو اكل يصلح لي من عصيد ولا خبز ولا شي اكل طبعا مايقصرون المغرب اوقات يجيبون عصيد
    الشاي مااكثر يادوب بياله ولا بيالتين والباقي اشرب اعشاب لان الشاي يكسر الحديد وانا بحاجته
    طبعا يكون اوقات الاكل سليق وشيش برك بس بمرقه عاديه نفس المرقوق لان مااحبه باللبن

    طبعا الفلفل يجيبون بالصنيه غير الي يحطونه والله احط شي مهول لان اموت بالاكل الحار ولازم شوربه مع كل وجبه

    اكل سمبوسه اذا كانت فيه بس مو كثير ولا الحلا مااكل كثير اتقهوى بتمرتي اكثر شي حتى وفيه حريم
    وطبعا كنت اقوم امشي بالبيت عشان العمليه
    وكنت اغسل بماي ومرة وملح فارسي وارطاء اتشطف فيهم بعد دخولي الحمام الله يعزكم

    واخر اسبوع من النفاس استخدمت تحاميل البوثيل
    وكنت اخر اسبوع كان اسبوع التغير النيولوك
    والحمدالله طلعت وانا راضيه من نفسي بنفاسي

    وطبعا يرجع الفضل لله ثم اهلي ثم اختنا العضوة قشر قهوة استفدت من انظمتها كثير

    طبعا تبخرت اخر 20 يوم يمكن اسبوع بس مو اكثر والحلبه وقفتها بعد 20يوم الاولى

    وهذا تقريبا برنامجي بنفاسي بولدي
    واي سوال انا حاااضرة
  3. @am_alfrashtyn

    مبرووووووووووك التجمع الجديد ويعطيك العافيه غلاوي
    :( ليش ماحطيتي تجربتي ببروكير >>تعبت من الكتابه يوم بنفاس ثلاث مدري اربع مرات اكتب ويعلق المنتدى والحين مااشوفها بااول الصفحات
    ام كوني :بقولك نظامي بنفاس طبعا بما اني عمليه لازم اول الايام اشم مره ولا اشرب منها اشوي وامسح فوق الجرح علشان ماتلتهب
    والعشر الايام الاولى بس كاس حلبه ومع الحلبه استخدم لهوم ناعمه نسميها ستينيه او حسو وينخلط مع مروق وبالليل مع الحليب
    ورشاد علشان ينزل الدم مره ممتاز وعندك تاخذين صمغ ظهر مررره ممتازه للظهر وتقدرين تستخدمينها بعد ايام الدوره الشهريه
    طبعا اذا كنتي والده طبيعي كل يوم تتنقعين بمويه وملح علشان يتعقم الجرح
    ونهاية نفاس العشر الايام الاخيره اتنقع بجفت وملح فارسي مره ممتااااااااز يشد المنطقه وهذي طريقتي بنفاس وطبعا لازم يوميا شاي نعناااااااع علشان الغازات عقب العمليه
    والله يهون عليكم جميييعا يارب
    وطبعا استخدم البخور كل يومين وترك لحد قبل نهاية العشر ايام علشان يطلع الهوى وينزل الوسخات وانتو بكرامه
    فجوره بقيت اقولك اللبن مرررررررررررره مو زين للوالده لا الزبادي ولا الباميا ولا الخيار ولا الموز
    طبعا الفطور يكون على الساعه 8 ونص بيض مقلي مع طماط ولا كورن فلكس وحليب طبعا الايام الاولى مستحيل اشرب حليب وانا مااشربه خلقه علشان الغازات مااشرب الحليب الا مع الكورن فلكس وعسل وقشطه هذا فطوري
    الضحى اخذ الحسو او الستينه مع مروق القبوط
    والغدى طبعا قبوط مع لحم او دجاج ولا جريس ولا رز ودجاج بس نادرا رز دجاج
    العصر كيك مع عصير ولا اي شي خفيف سناك يعني
    العشى :ياكبده يامكرونات يامقالي اي شي العشى وبعدها على الساعه 10 ونص ناخذ صمغ الظهر مع الشاي نعناع بدل الحليب لاني مااشربه
  4. مبروك الملف الجديد

    ضعت وقعدت احوس بالمنتدى ادوركم خخخخ

    الفجر البعيد

    والله سوالف نفاسج وايده ماشالله ..
    ان شالله ارجع لها اذا ولدت واستفيد منها
    الماش ممتاز للظهر .. بس تهقين مايسبب غازات ؟!؟
    وبعدين الفلفل اللي تاكلينه مايأثر على رضاعتج لولدج ؟!؟

    ام الفراشتين

    يووووه اكره الحسو .. خالتي ام زوجي تسويه وكلش مااحبه
    عاد الله يعينني على الاحراج هالمره اذا جابته .. راح اضطر اشرب منه خخخخ

تابعي تجارب أخرى من هذا القسم.