مين لها خبرة كافية بالاطفال او دعائها مستجاب باذن الله ترد على او ترفع لي الموضوع
متابعة النقاش، صفحة 3
شاركي في النقاش
سجلي الدخول لإضافة تعليق.
التعليقات
14- رفع
- يارب يشفيها
شكلها بكرك
انا بنتي البكر مشابهة لحالة بنتك .... نفسها مسدودة عن الاكل وضعيفة واسنانها من قلة التغذية هشة وصاير
بضروسها نخور وتوها صغيرة
مشكلتي من زود الحرص البنت من وهي رضيعة وكملت سنة المفروض تاكل من اكلنا او عالاقل تذوقة .... وانا كنت امنع بنتي من هالشي اخاف يخرب معدتها او ماتقدر تهضمه ..... كنت معتمده على وجبات الاطفال الجاهزة والسيرلاك
الحين البنت مالومها لو ما تحب الاكل ..... انا السبب حرصي الزايد خلا الاكل شي مو ممتع ولا مشوق لها مثل باقي العيال
مايشد انتباهها لو بتموت من الجوع ....وغير كذا عودتها تاكل وهي تتفرج عالتلفيزيون.... فتلاقيها فاغرة وتكمل القمة بفمها ساعة وهي لسه ما بلعتها .
لمن كبرت شوي صرت اجبرها عالاكل .... وفي فترة تعدل جسمها فيها مرررررره اسم الله عليها ماشاء الله
طبعا سويت لها خلطة اعطيتها باول ابتدائي والبنت وزنها زاد بفترة قصيرة ....شهر تقريبا ..... وبعدين رفضت تاخذها ورجع الجسم ينحف.
كوب حليب او بدياشور ... تخلطيه بالخلاط مع حبة موز وملعقة عسل وحبتين تمر او 3 و7 حبات لوز ..... جدا مغذية وتمسن ...كنت اعطيها الصباح .... وطبعا فترة استعملت شراب فروز حديد ... وفيتامينات مشكلة وفاتح شهية ميسيغور ....لكن هذا افضل تسالين عنه الدكتور اذا يناسبها او لا .... هو يفتح الشهية بشكل ملحوظ .... لكن لازم جرعة معينة يحددها الدكتور لعمرها ووزنها ..... البعض ما يحب هالشراب لكن كنت مضطرة استعمله لها .....يمكن لانه يشتغل عالدماغ ويخليه يرسل للجسم اشارات انه في حالة جوع ويرغب بالاكل ...... لكن احذري ما اظن يعطونه لاقل من 3 سنوات
كمان حاولي تخلي الاكل دايما قدامها وبكميات بسيطة جدا عشان تتشجع تخلص الصحن بسرعة لحد ما تتعود معدتها الاكل وتبداي تعرفي ايش تحب وايش ماتحب وتزيدي الكميات بالتدريج .
دخليها المطبخ واطلبيها تساعدك حتى لو تدهن جبنة على التوست او ترسم وجه بالفاكهة او الزيتون والطماطم على التوست
لازم تحتك في اطفال ياكلون ..... لااااااازم ... وتشوف كيف الناس تسجعهم وتصفقلهم عالاكل واذا خلصوا وجبتهم وهي كمان يجي دورها وتتشجع بدون توبيخ نهااااااائيا لو ما خلصت مثلهم .
حاولي تنظمي اوقات اكلها ..... واساليها دايما اي حليب تفضل .... واي سندويتش .... والشوربة اساسية .... طالعي الاطفال كيف يحبون مرق الاندومي .... مرات يرمون الشعيرية نفسها ويشربون مرقها .... ركزي على هالنقطة ... قرات مرة لاخصائي تغذية معلومة تقول ان الطفل ما يحب اكل يعاني ويجد صعوبه في مضغه وبلعه .... عشان كذا دايم نشوف الاطفال يحبون السوايل اكثر شي والماكولات اللينة وسهلة البلع .
ومعليش ..... حالة بنتك محتاجة تبدا بكميات جدا قليلة عشان تخلص بسرعة وتسمع التشجيع والثناء وكيف ان تصرفها جدا يسعد اهلها .... ولا تتكلمي عن صعوبة تاكيلها وقلة شهيتها وهي تسمعك ...صدقيني تفهم وتتاثر ومع الايام ينغرس في بالها انها طبيعتها كذا سلبية ولا راح تتغير ويثبت اكلها قليل ونفسها مسدودة .
اتمنى تتواصلي معي اذا طبقتي هالنصايح وتعلميني اذا في تحسن باذن الله . - والله العظيم كأنك توصفين بنتي البكر .. والى الان متعبتني تدرس رابع اكلها اقل من اكل اخوانها اللي اصغر منها تخيلي ..
الله يشفيهم ويعافيهم يارب ...
مواضيع مشابهة
تابعي تجارب أخرى من هذا القسم.