مدمن ولا شاذ ولا خاين . . قولولي وش الدبره !!

السلام عليكم ..

انا جايه اقولكم سالفتي وابغا منها فضفضه ومنها تدلوني :(

انا متزوجة من ولدعمي وما بيننا عيال لسه .. ومن 8 شهور وانا تاركته وجالسه ببيت اهلي للاسباب هاذي
انواع الاهانه والسب والشتم وولما وصلت للضرب تركته وفوق هذا رجال وربي غريييب يخووف
فيه مجلس بالبيت معزول شوي مجلس الرجال بحمامه وبينه وبين البيت باب .. يروح ويقفل ع نفسه ويظل يوم كامل او احيانا الليل !!!
ولما يطلع ، يطلع رجال ثاااني مو بوعيه ابدا وربي !!
يقول كلام وسخ سب قذف شتم يوصل لاهلي حتا واجلس معاه بعذاب مو طبيعي ..وبعد كم ساعه يطييييح ينااام
يوم كامل يومين ولما يصحى واقول انت قلت كذا سويت كذا واجلس زعلانه عليه
يستنكر !!!!
انا ضربتك ؟!! انا سويت لك كذا !!!؟ انا فعلت كذا !!؟ حرام عليك يابنت الناس <~ كأنه ما سوا شي
ويتحمم ويطلع ويخليني واذا طولت بالزعل يرجع يقول انتي مجنونه غبيه تتوهمين مريضه

المهم اني ما استحملت العيشه معاه وتركته من 8 شهور .. وخبرت اهلي بس استنكروا .. !! ماصدقني الا اختي
حتى امي مو مصدقه تقولي انتي بس خوافه انتي بس دلوعه تعودتي ع دلع ابوك فلان رجال ماتطلع منه العيبه <~ قصدها زوجي
لانه بوجهين معاي بوجه وقدام اهلي وجه ثاني يتطيح عندي ويمثل انه ميت بهواي ولا صرنا لوحدنا رجع لطريقه
حاولو اخواني يرجعوني بس بكيت وسويتها مناحه واصريت ع الطلاق ووافق ابوي وراح قاله و بغا ينهبل
جا بيت اهلي وجلس يطلب يشوفني ويترجاني وانا احبك ومدري ايش وانا مصره وطردته وجلس فتره يجي وابوي يصرفه
تركني وارتحت رجعت كملت دراستي .. وبقدم ع الجامعات ان شاء الله
بس هوا ما طلقني !!
رجع قبل شهر من جديد يطلبني ارجع وظغطو علي اخواني وشارت علي اختي استخير وارجع واجرب
وفعلا استخرت ورجعت معاه
وهو هو ما تغير يقفل ع نفسه ويخليني !! ويرجع مو بوعيه يعني نفس قبل
بيوم كان في الدوام وانا لوحدي طفشانه
قمت ارتب مكتبه ولقيت شنطه مرفوعه ، فكيتها ولقيت صور حريييم !!!
ورسايل حريم مو سعوديات من دوله عربيه بس ما راح اذكر اسمها عشان ما تطلعو برا الموضوع
انصصدمت صددمه توقعت اي شي الا الحريم ..!
لااا وكمان صور شيكات مرسلها له. على 3000 و 4000 !!! بأي حق يرسلهم !!
شلت صور الشيكات عندي وسكت صلت بخليها دليل عليه عند اهلي
بس ما قدرت اهدا جالسه تاكل في كبدي .. كارهه اطالع بوجهه
هذا كله يهون عند الي شفته قبل يومين
المووووت كله بالمجلس لقيته!!
خليته لين ينام ورحت اخذت مفتاح المجلس من ثوبه
ووش لقيت ؟!
لقيت تلفزيون<~ عااادي
رسيفر<~ عااادي
دي في دي <~ كمان عااديجيت بفك الدولاب لقيته مقفل
رجعت افتش بثوبه ومكتبه لين لقيت المفاتيح و رحت المجلس فتحت ادراج الدولاب
هناااا الطامه ..!
لقيت اشرظه فيديو .. شغلتها وووووع افلام قذره قذره اباحيه وربي جسمي اقشعر منها قررررف ماتحملت وسكرتها

لقيت حبوب حبووووب مو دوا ياليته دوا حبوب مخدرات وانا متأكده ملفوفه بقراطيس ومناديل
قراطيس صغيره فيها بودره صفرا قللليله

ولقيت واقيات ذك......<~ كملوها انتم عاد

و كمان علبه مكتوب عليها جيل بنكهة الفراوله مسهل مدري ميسر لتخفيف الآم العلاقه الزوجيه ووووو<~ وانا مااستخدم الحاجات هاااذي قرف

ولقيت علبه ثانيه فيها جيل بس ماعرفت اقرا المكتوب لا بالعربي ولا بالانجليزي عشان كذا ما فهمت بش راسه زي الشفاط ايش هذا بالله !!!؟؟؟؟؟؟

وكمان مخدر مكتوب عليه مخدر للاغشيه المخاطيه هذا لايش يستخدم ؟!! نفس المخدرات يعطي نفس للتأثير يعني ولا لايش يستخدمه !!!! ابغا اعرف لأييييش!!!

مصااايب كرهته وكرهت نفسي بكيت لين قلت امين طلعت من المجلس صرت اخاف امر من عنده
وهو قام عااادي وياقلبي علامك ولا كانه مسوي شي والحياه حلوه ولبس وكشخ طلع

الي ما خاف من ربه وصلى يسوي اي شي <~ ماعمري شفته ركعها الا اول ايام زواجنا بسسس

نفسيتي دماااار ودي ارجع الحين لاهلي واقول طلقوني منه خايفه كثير منه اكرهه
والحين دراستي فتره اختبارات وانا نفسيتي تعباانه .. مااقول الا الله ينتقم لي منه

ادعولي بالفرج القريب حبيباتي وبالتوفيق بدراستي ماعاد يهمني الا هي :(