بكرة موعد ختان ولدي تعالوا يالخبيرات وش اسوي ؟؟؟؟

جزاكم الله خير

اووووول ما يرجع غسليه تحت الصنبور ( ماء دافئ ) مدة 5 دقائق وحاولي المويه تصب بين الشاشة والعضو كانك تدفعيها لبرى بس بالمويه مو بيدك

وقبل تلبسيه الحفاضة قطري زيت زيتووون كثيييييير وزي ما قلت بين الشاشة والعضو وقفلي الحفاضة ونوميه .... البربتوز يكون وااسع او لا تقفليه احسن

الخطوات هذي سويها في كل غيار

ثاني يوم فكي الشاشة بشويييييش اليين توصلي للطبقة الملامسة للعضو سيبيها وقصي الشاشة اللي فكيتيها بحذر

الطبقة الاخيرة هذي لا تقربيها تاخذلها 3 ايام وزي ما قلت موية داافية وزيت زيتون الين في يوم بتفكي الحفاضة تلقيها طايحة من حالها

الله يحفظ لك ابنك :26:

اذا جاكي بالشاش لا تخلي الشاش يطول عليه اكثر من 24 ساعة
وعشان تفكي الشاش اول شي ظلي صبي عليه من يوم يوصلك زيت
سواء زيت زيتون او زيت نارجيل بكمية لين تغرق عضوه
وبعد 24 ساعة حطي البيبي وسط مويا دافية سواء في البانيو حقه او اي حوض وفكي الشاش ع شوية شوية
لان الشاش ينفتح وسط المويا بسرعة
واحيانا يكون الشاش قد انفك من اليوم الاول مع البول
وبعد فك الشاش استخدمي المرهم اللي يعطوكي اياه عشان مايلتهب الجرح اول يوم
ومن بعدها ظلي صبي عليه زيت

طبعا ح يحرقه البول اول يوم بس ترى البول مضاد حيوي يساعد ع التئام الجرح

اما اذا ما سووا شاش واستخدموا الحلقة المطاطية خليكي اول يوم ع المرهم
واستخدمي كمان الزيت

وبالنسبة للغيار والمويا عادي غيري له وغسليه او ممكن تمسحيله بالمناديل
بس اهم شي مايوصل وسخ(براز) الطفل للذكر اول اسبوع عشان مايلتحم مع الجرح

واهم شي لتنشيف الجرح هو ان تخليه يتعرض للهواء
لا تشدي الحفاظة رخيها أو افتحيها من جهة عشان يدخله الهواء وينشف ويلتأم ويرتاح
واذا في ناس لبسيه قفليها بشكل بسيط ولبسيه بربتوزات كاملة وليس بنطلون
عشان ان البنطلونات تشده وتضغط عليه وتألمه

والله يعينك ع التعب اول يومين لانه كلما يتبول يحرقه الجرح ويبكي
خذيله لهاية عشان مايظل يبكي

عطيه مسكن حرارة تمبرا
وصبي عليه زيت زيتون اصلي

عشان ثاني يوم يطيح الشاش

وكل غيارصبي من الزيت

ورشي بودرة السر عليه

وغسليه بماي وملح ومره

يعني نقطي اشوي على الجرح

عشان يعقمه ‏

مرة باليوم

والله يخليه لك