السلام عليكم ورحمة الله وبركاته . طبعا الكل يدري بسوالف الحريم الكبار ان المرة الوالدة في النفاس لازم ما تسرب شغلات باردة وايد ولازم تاكل لهوم او حسو او رشاد وحبة سودا واحينا خلطة من كل هالشغلات طبعا هذي وجهة نظر امهاتنا وفي بعد حريم يقولون الاستحمام وايد ماهو زيم خلال أيام الدورة والنفاس وان لازم ناكل دجاج ونكثر من اللحوم والكبدة والشغلات هذي بلاضافة للمداومة على استعمال الحلبة .
في حين ان وحدة من قريباتي ولدت برا في رومانيا او التشيك وقالت هم هناك عكسنا تماما وان بعد الولادة علطول يجيبون عصير مثلج مثل الفيمتو ومو مثلنا يشربون شغلات حارة وجذيه وبصراحة انا محتارة لأني مقبلة على نفاس بعد وودي اعرف شنو الصح من وجهة نظر الطب بعيدا عن كلام الأهل والحريم وياريت الدكتورات الفاضلات ينصحونا بالشغلات اللي لازم تسويها المرة في النفاس وشنو لازم تاكل وشنو المفروض تبتعد عنه وبعد عندي سؤال طبعا البطن يكبر بالحمل فشلون من وجهة نظر طبية نقدر نتخلص من هالبطن الكبير وهل طبيا يفضل استخدام ألأحزمة الضاغطة او المشدات للتخفيف من البطن او ربط أي شي حول البطن؟؟
شاركي في النقاش
سجلي الدخول لإضافة تعليق.
التعليقات
6- فعلاً شي يحير
تشوفين بنات يمدحون شغله في موضوع وفي موضوع ثاني يقولون إنها تخرب !!!!!!!!! - [[الموضوع مهم جدا والله احترنا في الاتغذيه وقت النفاس بنسبه للبارد انا ولدت في امريكا ويوم كنت في المستشفى كانوا يجيبون مع كل وجبه شاهى بثلج عاد انا صرت كذا :30: وبعدين سئلت الدكتوره قالت لا عادى مايضر بس طبعا مااشربه ..............وبنسبه للبطن يوم سئلتها عن الربط او المشد والله حست اني غبيه وقامت تضحك عليا تقول ابدا مايفيد الربط بس قالت اذا تبغين البطن يروح سوي رياضه وبس
- وآنا دايما أسأل نفسي هالسؤال
يعني إحنا 40 يوم خابين عمرنا حلبه ولهوم وحسو وسويده وأكل الدنيا يوكلونا ولبسي وتدفي ولا اتحركين
واهمه بس يرتاحون من الولاده 10 أيام وبعدها يقومون عادي يداومون ويلعبون رياضه وشوفو صحكتهم أحسن من صحتنا بألف مره حتى لو تصير عيوز واحنا حالتنا حاله ونتعب على هالسوالف وآخر شي فينا ألف عله!!!
والله آنا قمت أشك بخرابيطنا شنو فوايدها مادري !!!! - نفس الكلام ...وحتى امهاتنا اول في النفاس يقولون تغبي عن زوجك لو من ورا شجره :D
- السلام عليكم ورحمة الله وبركاته شكرا لكل من شارك في موضوعي ومازال الموضوع مطروح للرد والبحث من الدكتورات والخبيرات في هذا المجال من وجهة نظر الطب :)
مواضيع مشابهة
تابعي تجارب أخرى من هذا القسم.